09/09/2026
DANKIE VIR ’N ONVERGEETLIKE AAND! 🍷
Liewe Vriende
Namens Heuwelsig Gemeente wil ons uit die diepte van ons harte baie dankie sê aan elkeen wat deel was van ons Wynveiling verlede Vrydagaand.
Dankie aan elkeen wat die aand bygewoon het, saam met ons gekuier het, gebie het en met soveel entoesiasme deelgeneem het. Julle ondersteuning en teenwoordigheid het die aand besonders gemaak.
’n Spesiale dankie aan al ons borge en wynprodusente wat so vrygewig bygedra het. Sonder julle ongelooflike ondersteuning sou hierdie geleentheid nie moontlik gewees het nie.
Dankie ook aan elke persoon wat agter die skerms gewerk het – die reëlings, voorbereiding, versiering, kos, bediening, veiling en al die klein besonderhede wat saam ’n groot verskil gemaak het. Julle harde werk en bereidwilligheid word opreg waardeer.
Ons is dankbaar vir elke persoon wat op enige manier ’n bydrae gelewer het. Meer as net ’n wynveiling, was dit ’n geleentheid om as gemeenskap saam te kuier, verhoudings te bou en saam iets besonders te bereik.
Baie dankie vir julle ondersteuning, vrygewigheid en liefde vir Heuwelsig Gemeente. Ons waardeer elkeen van julle opreg en sien uit daarna om weer saam met julle geleenthede soos hierdie aan te pak.
Mag die Here elkeen van julle ryklik seën.
Met opregte waardering
Heuwelsig Gemeente
