Gazali Abafira Abamalka

27/05/2026

Eid Mubarak !
The first Eid Al-Adha for Naif Gazali Abafira Abamalka.
I wish you a good grwoing !

26/05/2026

11/05/2026

Hinfakkeessin!
"Madaalli namummaa onnee qulqulluu fi arraba dhugaa dubbatu qabaachuudhaani!"

25/04/2026

Jireenya!
👇👇👇
Akka itti jiraatu abbaatu karoorfata!
Gorsa armaan gadii qalbifadhu!
Dhugaa qabadhuu ofkabajii jiraadhu.
Sammuu bilisaa fi jireenya salphaa qabaadhu.
Jireenya laaqamaa fi walxaxaa ta'e irraa fagaadhu.
Akka nama halkan dukkanaan qoraanii fi qoraattii wolitti guuruu hinta'in.
Hatanii saamanii furdatanii jiraachuu irra hiyyoomanii beela'anii huqqachuutu qaama keetiif fayyaa ta'uu isaa hubadhu.
Hatuu, dutuu fi kajeellaa daabbootiif jecha hunda jala eegee raasuun amala sareeti.
Umiriin kee baay'ee gabaabduudha; yoomillee taanaan dhugaa dubbadhu, dhugaan jireedhu, dhugaaf jiraadhu.
🤜🤛

04/04/2026

Eeyyeen!
Kaleessa Abjuu Tahus Har'a Dhugaadha!
✅✅✅🎓🎓🎓✅✅✅
Sagantaan Eebba Dr.Muhammadsaalih akkuma itti fufetti jira.
✍️✍️✍️✍️✍️✍️✍️✍️✍️
Abbaan keenya Sh/Hamzaanis umurii kanaan hojiin isaan dhaloota dhufuuf hojjataa jiran baay'ee nama boonsa.
Kolleejjiin Islaamaa Jimmaas sadarkaa olaanaadhaan barsiisuu itti fufee jira.
Pirojektiin koolleejjichaas Masjida guddaa waliin xumuramee waan jiruuf as dhihootti eebbisiisuuf affeeramtu.
Sh/Hamzaa keenyaaf umurii dheerina kadhachaa, gammachuun wolduraa duubaan itti nuuf haafufu.

25/03/2026

Gammachuu Guddaa!
🎓🎓🎓 💐💐💐
Baga Ittiin Sigahe!
Abbaan of gadi qabus barumai sadarkaa namaa ol qaba.
📚📚📚📚📚📚
Obboleessi Keenya Dr.Muhammadsaalih Kadir Goobanaa bu'aa bahii bara dheeraa booda baruma isaa PhD Yuunivarsiitii Jimmaa irraa xumuruudhaan eebbifameera.
Obboleessi keenya Dr.Muhammadsaalih Kadir Goobanaa akkuma ilmaan harka qalleeyyii qotee bulaa kamiiyyuu rakkoo bu'aa bahii hedduu keessa darbuun umurii dargaggummaatiin barumsa isaa sardarkaa PhD xumureera.
✍️✍️✍️✍️
Dhamaatii Imala Barumsaa.
🌀🌀🌀🌀🌀
Barumsa sadarkaa 1ffaa bakka dhaloota isaa Godina Jimmaa Aanaa Sigimoo M/B sadarkaa 1ffaa sigimootti eegale. Osoo hinxumurin gara Godina Harargee Bahaatti imaluudhaan hanga qorumsa ministrii kutaa 8ffaa M/B Sheykh Ahmad kan HARAMAAYAATTI argamutti xumuruudhaan sadarkaa 2ffaa barachuuf fuula imala isaa gara magaalaa Dirree Dawaatti deebisuun M/B Ma'ahad Al-Nuuritti kutaa 9-12 baratee xumure.
Carraa barumsa olaanaa argachuudhaan Yuunivarsiitii Fifinnee mooraa kiiloo 6 seenuun Digirii Jalqabaa Bsc Applied Biology dhaan xumure.
Carraa barumsa biyyaa alaa yaaluudhaan milkaayeefi gara biyya Suudaan Magaalaa Khaartuum deemuudhaan Yuunivarsiitii guddicha Afrikaa International University of Africa (IUA) irraa Microbiology dhaan barumsa digrii 2ffaa Masters of Science (MSc) xumure. Dabalataanis achuma IUA tti barumsa Islaamaa fi Afaan Arabaatiin Dippiloomaa olaanaadhaan eebbifame. Duraanis Jimma irraa jalqabee Harargee fi Dirree Dawaatti barumsa Islaamaa gadi fageenyaan hordofaa turee barumsa Madirasaas hanga kutaa 12ffaatti xumuruun isaa niyaadatama.
Eega barumsa isaa biyya alaa xumuree booda gara biyyaatti deebi'ee of gadi qabee hawaasa isaa tajaajiluu cinaatti barumsa isaa PhD Yuunivarsiitii Jimmaatti itti fufuudhaan guyyaa har'aa 25/03/2026 ykn 16/07/2018 xumuruundhaan eebbifameera.
Imala barumsaa armaan olii keessatti rakkoolee hedduu keessa dabarfatee ofii isaatiif ofbarsiisuudhaan sadarkaa kana irra gahuun isaa dhaloota kanaaf ergaa guddaa qaba. Dr.Muhammadsaalih nama of hintuulleefi of gadi qabee rakkoo jireenyaa hedduu obsaan baadhatee amanamummaadhaan kaayyoo isaatiif nama jiraatuudha.
Dr.Muhammadsaalih yeroo ammaa hoogganaa Koolleejjii Islaamaa Jimmaa (Dean of Jimma Islamic College) ta'ee tajaajilaa jira.
Ciniinnatee kutannoodhaan baratee sadarkaa kanaan eebbifamuun isaa anaaf hiika guddaa qaba. Dhaloonni haaraanis irraa waa barata jedheen amana.
Baga Gammadde !
Congratulations 🎉
Carraa Gaarii Siif Hawwina!

17/01/2026

Biyya Abbaa Bogiboo!
Biyya Seena Qabeettii
Limmuu Suunxuu/Gannat
=====•••=====
Obboleessa keenya Ustaaz Shaabuddiin Sh/Nuuraa Waliin Limmuun Oolle. Limmutti Seenaa Dhokatee Ijji Isaa Jaamsame Kan Irratti Hojjatamuu Barbaachisu Hedduutu Jira. Humni Seenaa Guddaa Hojjachuu Dandahuu fi Gahumsa Qabus Achuma Akka Jiru Sirriitti Mul'ata.
Bulchaan Aanaa Limmmuu Kossaa Obbo Musxafaa Sharafuu Abduu, Kantiibaan Magaalaa Limmuu Suunxuu/Gannat Obbo Bustaan Yaasiin, Sheekkoliin Biyyaa, Manguddoonni fi Bakka Bu'oonni Dargaggootaa, Akkasuma Qooda Fudhattoonni Hunduu Simannaa Ho'aa fi Keessummeessaa Nuuf Gootaniif Hedduu Galattoomaa.
Guyyaa Tokko Keessatti Wanti Isin Hojjattanii Nugeggeessitan Waan Guddaadha.
Rabbi Bakkaan Nuuf Haaga'u.

13/11/2025