Every Nation Kruislig

Every Nation Kruislig Kruislig se hartklop is om God te eer deur mense te dissipel in Sy woord, krag en teenwoordigheid.
(1)

SONDAGDIENS - 14 Junie 2026In hierdie Sondagdiens het Tristen Bourne ons gelei in ’n tyd van gebed en aanbidding. Ons ho...
15/06/2026

SONDAGDIENS - 14 Junie 2026

In hierdie Sondagdiens het Tristen Bourne ons gelei in ’n tyd van gebed en aanbidding. Ons hoop en gebed is dat die Heilige Gees jou ook sal bedien deur hierdie tyd en jou sal lei om naby aan die Here te kom.

Maak tyd om by Sy voete te gaan sit en bid saam deur die verskillende areas wat gedeel is. Ons het saam tyd geneem in aanbidding en gebed, en dit was ’n geseënde diens in die teenwoordigheid van die Here.

Volg die link om na die diens te luister: https://youtu.be/EiGGQgvA-Os

SONDAGDIENS - 7 Junie 2026In hierdie Sondagdiens het André de Jager ons deur die Algemene Jaarvergadering (AGM) geneem, ...
08/06/2026

SONDAGDIENS - 7 Junie 2026

In hierdie Sondagdiens het André de Jager ons deur die Algemene Jaarvergadering (AGM) geneem, waar hy belangrike hoogtepunte gedeel het van hoe die Here ons gemeente laat groei het en Sy goedheid en getrouheid oor die afgelope jaar uitgelig het. Die AGM bied ’n terugflits van wat God gedoen het, asook die visie en rigting vir die pad vorentoe.

Die volledige AGM is ook beskikbaar op ons webblad onder Hulpbronne.

Volg die link om na die diens te luister: https://youtu.be/N7U5msfLEKI

MANNE MAANDAG - 1 Junie 2026Ons nooi graag elke man na Manne Maandag wat vaanaand plaasvind om 18:00 by die kerk.Moet di...
01/06/2026

MANNE MAANDAG - 1 Junie 2026

Ons nooi graag elke man na Manne Maandag wat vaanaand plaasvind om 18:00 by die kerk.

Moet dit nie mis nie, nooi iemand saam.

⏰ 18:00
📍 Every Nation Kruislig

Bring jou Bybel!

SONDAGDIENS - 31 Mei 2026In hierdie Sondagdiens het André de Jager gepreek uit Joshua 7 en gefokus op “God’s Righteous A...
01/06/2026

SONDAGDIENS - 31 Mei 2026

In hierdie Sondagdiens het André de Jager gepreek uit Joshua 7 en gefokus op “God’s Righteous Anger”.

Die boodskap het ons herinner dat God sonde ernstig opneem en dat ongehoorsaamheid nie net ons eie lewens raak nie, maar ook die mense rondom ons kan beïnvloed. In die verhaal van Agan sien ons hoe verborge sonde die volk se verhouding met God en hul vooruitgang belemmer het.

Ons is uitgedaag om eerlik ons eie harte te ondersoek en te vra of daar areas van sonde is wat ons moet bely en los. God wys nie sonde uit om ons te veroordeel nie, maar omdat Hy verlang dat ons in heiligheid sal leef en Hom met ons lewens sal eer.

Ons is aangemoedig om sonde vandag te stop, onsself nederig voor God tebring en in gehoorsaamheid te leef, sodat ons Hom kan verheerlik en in die volheid van Sy wil kan wandel.

Volg die link om na die diens te luister: https://youtu.be/N7U5msfLEKI

SONDAG AANDDIENS - 24 Mei 2026In hierdie Sondag aanddiens het Deborah de Beer gepreek uit Joshua 4 en gefokus op hoe God...
27/05/2026

SONDAG AANDDIENS - 24 Mei 2026

In hierdie Sondag aanddiens het Deborah de Beer gepreek uit Joshua 4 en gefokus op hoe God sy kinders deur seisoene van wagtyd en woestyn lei na sy beloftes toe.

Die boodskap het ons herinner hoe Israel ná veertig jaar in die woestyn uiteindelik deur die Jordaan getrek het en op die grens van die Beloofde Land gestaan het. God het Homself deurentyd as getrou bewys — Hy het hulle uit slawerny gered, voorsien in die woestyn en hulle deurgedra tot by sy belofte.

Ons is herinner dat hierdie nie net Israel se storie is nie, maar ook ons eie. Soos God Israel uit Egipte gelei het, red Hy ons ook uit die slawerny van sonde en lei Hy ons in geloof vorentoe.

Die boodskap het ons uitgedaag om ons harte voor God neer te lê en te bid: “U wil, Here, nie my wil nie,” en om te onthou dat ons lewens nie vir onsself is nie, maar vir die eer van sy koninkryk.

Ons is aangemoedig om God te vertrou in elke seisoen, met die wete dat Hy nie sy kinders uit slawerny red om hulle in die woestyn te los nie, maar om hulle in sy beloftes in te lei.

Volg die link om na die diens te luister:
https://youtu.be/-upOe0htkwo

SONDAGDIENS - 24 Mei 2026In hierdie Sondagdiens het André de Jager gepreek uit Joshua 5 en gefokus op hoe God ons “norma...
27/05/2026

SONDAGDIENS - 24 Mei 2026

In hierdie Sondagdiens het André de Jager gepreek uit Joshua 5 en gefokus op hoe God ons “normaal” verander wanneer ons Hom volkome volg.

Deur die gedeelte het hy verskeie vrae gevra. Is jy in afwagting vir hoe God jou normaal kan verander? Laat jy toe dat die Heilige Gees jou lei, of skop jy nog vas daarteen? Lyk jou lewe anders nadat Christus in jou lewe opgedaag het en jy tot redding gekom het? En is daar areas in jou lewe waar jy nie die Heilige Gees toelaat om te werk nie?

In Joshua 5:(10–12) sien ons hoe die manna opgehou het toe Israel die opbrengs van die Beloofde Land begin eet het. Dit wys hoe God hulle in ’n nuwe seisoen ingebring het van oorlewing na belofte. Net so wil God ons lei na geestelike volwassenheid en ’n lewe van vertroue in Hom.

Die boodskap het ons herinner dat redding nie net ’n oomblik is nie, maar die begin van ’n veranderde lewe. God wil ons harte vorm, ons denke vernuwe en ons lei in gehoorsaamheid deur die Heilige Gees.

Ons is aangemoedig om oop en oorgegee te leef voor God, sodat Hy elke area van ons lewe kan verander tot eer van sy koninkryk.

Volg die link om na die diens te luister:
https://youtu.be/LZlgCHW8BAE

Leadership Impartation – Deel 6In hierdie nuutste video verduidelik Roger Pearce die konsep van “functional cessationism...
21/05/2026

Leadership Impartation – Deel 6

In hierdie nuutste video verduidelik Roger Pearce die konsep van “functional cessationism” — om te leef en bediening te doen sonder om doelbewus die werking van die Heilige Gees in ons alledaagse lewens te soek, al bely ons dat ons in die Heilige Gees glo.

Sluit by Roger aan terwyl hy Lukas 11 bespreek in die konteks van gebed en om doelbewus in te druk na die werking van die Heilige Gees, ten spyte van struikelblokke soos ontmoediging of rigiede liturgie.

Met Pinkstersondag wat op 24 Mei plaasvind, en die oproep aan ons wêreldwye familie om die Heilige Gees saam op dié dag te vier en te eer, is hierdie ’n baie tydige boodskap vir ons almal. Kom ons gesels biddend saam met ons spanne oor hoe ons die Persoon van die Heilige Gees in toenemende mate in ons kerke kan verwelkom.

Jy kan steeds al die video’s in die Leadership Impartation-reeks op die Every Nation Southern Africa YouTube-kanaal vind.
Ons hoop dat dit jou sal seën.

▶️ https://www.youtube.com/watch?v=R9xPCQBSyYs

📌 As jy die vorige dele gemis het, kan jy dit hier vind:
www.youtube.com/playlist?list=PLEk9Xnha9HB4WnzBreL7rjsXrReJL_MgC

SONDAGDIENS - 17 Mei 2026In hierdie Sondagdiens het André de Jager gepreek uit Joshua 3 en gefokus op hoe ons ons harte ...
20/05/2026

SONDAGDIENS - 17 Mei 2026

In hierdie Sondagdiens het André de Jager gepreek uit Joshua 3 en gefokus op hoe ons ons harte moet voorberei wanneer God wonderwerke doen.

Deur Israel se deurtog deur die Jordaan het die boodskap drie verskillende perspektiewe uitgelig. Vir die Israeliete het die wonderwerk hoop, vryheid en vreugde gebring, maar hulle moes leer om nie net gefokus te wees op die wonderwerk self nie, maar op God en die Beloofde Land waarna Hy hulle gelei het.

Vir die mense by Adam, waar die water opgehoop het, het die wonderwerk moontlik verlies en ontwrigting veroorsaak. Dit het ons uitgedaag om ons harte te ondersoek: Hoe reageer ons wanneer God iets groot vir iemand anders doen en dit ons iets kos?

Ons is ook herinner dat party mense langs die Jordaan gewoon het en afhanklik was van die rivier. Vir hulle het die opdroog van die water waarskynlik verwarring en onsekerheid gebring. Net so moet ons leer om God te vertrou, selfs wanneer ons nie verstaan wat Hy besig is om te doen nie.

Die boodskap het ons aangemoedig om ons oë op God gevestig te hou, Hom te vertrou in elke seisoen en met geloof vorentoe te beweeg wanneer Hy die pad oopmaak.
Wanneer ons in geloof stap, wys God weer dat Hy met ons is en dat Hy die weg voorberei.

Volg die link om na die diens te luister: https://youtu.be/qIKTrouoYvA

SONDAGDIENS - 10 Mei 2026In hierdie Sondagdiens het André de Jager gepreek uit Josua 1:(1–9) en gefokus op God se oproep...
15/05/2026

SONDAGDIENS - 10 Mei 2026

In hierdie Sondagdiens het André de Jager gepreek uit Josua 1:(1–9) en gefokus op God se oproep om sterk en vol moed te wees.

Die boodskap het ons herinner dat God vir Josua geroep het om op te staan, die volk te lei en nie bang te wees nie, omdat Hy saam met hom sou gaan waar hy ook al gaan. Ware moed kom nie uit ons eie vermoëns nie, maar uit die wete dat God teenwoordig is.

Ons is aangemoedig om vas te hou aan God se Woord, dag en nag daaroor na te d**k en gehoorsaam te wees aan dit wat Hy sê. Wanneer ons ons vertroue in Hom plaas, gee Hy ons die krag om met geloof vorentoe te beweeg in alles waartoe Hy ons geroep het.

Volg die link om na die diens te luister:
https://youtu.be/IbXKev4zugA

SONDAGDIENS - 3 Mei 2026In hierdie Sondagdiens het André de Jager gepreek dat alles wat ons doen, ons vir die koninkryk ...
15/05/2026

SONDAGDIENS - 3 Mei 2026

In hierdie Sondagdiens het André de Jager gepreek dat alles wat ons doen, ons vir die koninkryk moet doen.

Wat is ons beloning?
“Do not be afraid, Abram. I am your shield, your exceedingly great reward.” - Génesis 15:1

Die boodskap het ons herinner dat God self die beloning is, nie net wat Hy gee nie, maar wie Hy is. Dit laat ons weer vra: Hoekom het ons ‘ja’ gesê vir Jesus?

Soos ons ook in Matthéüs 19:26 sien: “With men this is impossible, but with God all things are possible.” Dit herinner ons dat ’n lewe oorgegee aan God nie uit ons eie krag gebeur nie, maar deur Sy krag.

Ons is aangemoedig om onsself neer te lê voor God en nie vir aardse dinge te leef, waar mot en roes dit kan vernietig nie, maar om skatte in die hemel bymekaar te maak deur ’n lewe wat Hom eer.

Ons fokus moet nie wees op tydelike belonings nie, maar op ’n ewige verhouding met God, want Hy alleen is die ware prys.

Volg die link om na die diens te luister:
https://youtu.be/i5fzYotYI14

Address

(Dienste-09: 00
Rustenburg
0300

Opening Hours

Monday 08:00 - 16:00
Wednesday 08:00 - 16:00
Thursday 08:00 - 16:00
Friday 08:00 - 16:00
Sunday 09:00 - 00:00

Telephone

+27824189349

Website

Alerts

Be the first to know and let us send you an email when Every Nation Kruislig posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Every Nation Kruislig:

Shortcuts

Share

Category