30/05/2026
*Basaar-Dankgebed:*
Here Jesus,
U is die groot Onderhouer, die Een wat ons dra, en die Heer aan Wie ons gemeente behoort.
Dankie dat ons aan die einde van hierdie week en dag kan terugkyk en nogmaals u seën kon beleef.
Dankie vir 'n vol en mooi dag.
Dankie vir hande wat kon help - min, baie, groot en klein.
Dankie vir nuwe vriendskappe wat gesmee kon word, en ou bande wat versterk kon word.
Dankie vir baie lag, baie speel, baie gesels en baie lekker eet.
Ons bestaan deur U genade alleen, en ons loof U Naam dat ons nog 'n keer hierdie projek kon aanpak.
Mag ons aanhou om u Lig in hierdie stukkie van u Koninkryk in die Moot te bring.
Aan U kom toe die lof, die eer en die dank van ons harte.
Amen
Berdine Spangenberg
