Kuilsrivier-Suid Gemeente

12/09/2026

⭐ ⭐ ⭐ ⭐ ⭐
Die feestyd kom weer nader!
Suidkerk se liggies en geure gaan jou betower.

Ons beplan die BESTE MARK OOIT.
* Warmer harte, met heerlike saamkuier aande
* Geuriger kosse
* Beste plek om jou geskenke te kom koop
* En 'n klomp ander nuwe verrassings...

STERLIG GESENKEMARK 2026
24 November tot 5 Desember

Hou dié datums oop! Nooi solank jou familie en vriende

07/09/2026

Baie dinge om te doen die Week - Bestel jou etes dan is daar meer tyd vir lekker dinge doen... en bonus nog lekker eet ook !!

01/09/2026

DIS LENTE!
Vandag is die eerste dag van die lente – ’n heerlike nuwe seisoen vol vars geleenthede en dieselfde getroue God wat saam met ons, as Pelgrims stap.

“Dit is die dag wat die Here gemaak het; laat ons daaroor juig en bly wees.” – Psalm 118:24

Mag dit vir elkeen "n mooi nuwe seisoen wees

27/07/2026

SATERDAG IS MINIMARK-DAG!
26 Langverwacht pad
of parkeer agter( in die groot parkeer area) 21 Denne straat, Kuilsrivier.

Begin jou naweek by Suidkerk se Minimark – 'n lekker kuierplek vir die hele gesin!

Kom geniet iets heerliks om te eet, met vars "breakfast buns", pannekoek, melkkos, koffie, geurige kerrie en rys en heerlike poeding.

Loer ook deur ons tweedehandse skatte, ondersteun plaaslike handwerk, en besoek ons gemeenskapstalletjies waar jy 'n verskeidenheid produkte sal kry – van gesondheids- en skoonheidsprodukte tot geskenke, eetgoed en nog baie meer.

Dis die ideale geleentheid om rustig rond te stap, iets besonders te ontdek, lekker te eet en terselfdertyd ons gemeente en plaaslike entrepreneurs te ondersteun.

Saterdag
08:00 – 14:00

Bring jou familie, nooi 'n vriend en kom kuier saam. Ons sien uit daarna om julle te verwelkom!

24/07/2026

RIETBRON SE KINDERS
(Lied se woorde)

In Rietbron se stofstrate
loop klein voete sonder skoene
Honger oë, stil en moeg
drome breek nog voor dit groei

Koue nagte sonder komberse
geen hand wat sag kan lei
Kinders wat te gou moet groot word
in 'n wêreld hard en seer
Wie hoor hul sagte roep?
Wie sien hul stil verdriet?

[Koor]
Ons kan nie wegkyk nie
nie langer net verbygaan nie
Hier staan ons, hier bring ons
liefde wat weer hoop laat leef
Met oop hande, warm harte
dra ons lig in donker in
Suidkerk bring Winterhoop
Jesus se liefde begin

Sonder rigting, sonder skool
lewens vasgevang in nou
Selfs die broosstes, die wat sukkel
het geen plek om net te wees

Angs en stilte in hul oë
liefde voel vir hulle vreemd
Kinders wat reeds ontnugter word
deur 'n lewe veel te swaar
Wie sal opstaan nou?
Wie sal sê: "Hier is ek"?

[Spesiale koor /einde]
Suidkerk bring Winterhoop
en in donker kom daar lig
Jesus se liefde leef
… in elke kind is daar wel lig
… in elke kind is daar lig

24/07/2026

As geroepe pelgrims stap ons nie net saam nie – ons dra ook hoop na ander. Daarom deel ek weer die Rietbron-lied.

As jy meer wil hoor oor die uitreik of deel daarvan wil wees, kom gerus Sondag na die inligtingsbyeenkoms.

24/07/2026

Leef gesond. Gee hoop.

Het jy al gewonder hoe jou spysvertering jou energie, immuniteit en algehele welstand beïnvloed?

Sluit op Saterdag, 1 Augustus om 09:00 by ons aan vir 'n inspirerende oggend saam met Andriëtte Norman – sanger en voedingskundige.

Andriëtte deel praktiese en verstaanbare wenke oor hoe 'n gesonde spysvertering 'n verskil aan jou daaglikse lewe kan maak. Daarna sal sy ons ook met haar sang inspireer.

Maar hierdie oggend gaan oor meer as net jou eie gesondheid...

Elke kaartjie wat gekoop word, help Winterhoop se uitreik na Rietbron, waar ons weerlose kinders ondersteun en hoop bring. Jou deelname maak dus 'n verskil – vir jouself én vir iemand anders.

Ons sien daarna uit om jou by Suidkerk te verwelkom!

📅 Saterdag 1 Augustus
🕘 09:00
📍 Suidkerk, 21 Dennestraat, Kuilsrivier
🎟 Kaartjies: R100 per persoon

👉 Bespreek jou kaartjie hier:
https://share.google/ooyDw47ZjkijG0UHo

OOK DEEL VAN DIE OGGEND: Minimark stalletjies met verskeie kosse en produkte. Kom loer gerus in tussen 08h00 en 14h00

15/07/2026

15/07/2026

'n Oggend wat méér beteken.
In Rietbron groei kinders op onder moeilike omstandighede. Baie het nie toegang tot gestruktureerde vroeë leerondersteuning of die hulpbronne wat hulle nodig het om hul volle potensiaal te bereik nie. Sommige ken honger, koue en verwaarlosing beter as die sorg en geleenthede wat elke kind behoort te ervaar.
Dis vir hierdie kinders wat Suidkerk in September na Rietbron uitreik – om nie net praktiese hulp te bring nie, maar ook hoop, liefde en die boodskap dat hulle waardevol is.
Toe Andriette Norman hiervan hoor, was haar reaksie eenvoudig: sy wil help. Daarom bied sy haar Gut Health-praatjie op 1 Augustus aan ten bate van die Rietbron-uitreik. Haar hart is om saam met ons 'n verskil in hierdie kinders se lewens te maak.
Jy kan ook deel wees van hierdie storie van hoop:
• Koop 'n kaartjie en woon die oggend by.
• Koop 'n ekstra kaartjie en gee dit vir iemand wat dit sal geniet.
• Of maak 'n donasie indien jy nie die oggend kan bywoon nie.
Elke bydrae, groot of klein, help ons om hoop, omgee en praktiese ondersteuning na weerlose kinders te neem.

Koop jou kaartjie hier:
https://suidkerkwinkel.company.site/Koppi-Liefi-Mini-Mark-Andriette-Norman-p816420006
Maak ‘n Donasie:
https://suidkerkwinkel.company.site/Rietbron-uitreik-p848465386

03/07/2026

Wie is my naaste? Wie behoort?

In 'n wêreld waar mense al hoe makliker as "vreemdelinge" bestempel word, nooi Jesus ons om anders te kyk – met oë van genade, gasvryheid en liefde.

Hierdie Sondag by NG Kerk Kuilsrivier-Suid staan ons stil by God se hart vir die vreemdeling en vra ons: Hoe behoort ons as gelowiges te leef te midde van vrese, grense en verskille?

Of jy al lank deel is van ons geloofsfamilie, of vir die eerste keer kom kuier – jy is welkom.

🎥 Kyk na die uitnodigingsvideo en deel dit gerus met iemand wat saam met jou kan kom.

📅 Sondag 5 Julie
📍 NG Kerk Kuilsrivier-Suid
📍 Langverwachtpad 26, Silver Oaks, Kuilsrivier

Kom reis saam as pelgrims wat leer om met Christus se oë na mense te kyk.

Created with Wondershare Filmora

01/07/2026

LIVE HEALTHY
Andriëtte Norman can help you to live a healthier life.
Come and listen to her talk on Gut Health.
Remember to bring all your friends.

Buy you ticket to a healthier life : https://suidkerkwinkel.company.site/