10/05/2026
ශ්රී ලංකා - තායිවාන ශාසනික සබැඳියාවේ ඓතිහාසික අවස්ථාවක් !
අග්ගමහාපණ්ඩිත අතිගෞරවාර්හ බලන්ගොඩ ආනන්ද මෛත්රය මහනායක මාහිමිපාණන් වහන්සේ සමඟ සමීප සබඳතාවයක් තිබූ තායිවානයේ Sanxia නගරයේ Pu - Xian විහාරය වනාහි ශ්රී ලංකා - තායිවාන බෞද්ධ සබැඳියාවේ ප්රබල කේන්ද්රස්ථානකි.
එකී සබැඳියාව මත අතිගෞරවාර්හ බලන්ගොඩ ආනන්ද මෛත්රය මහනාහිමියන්ගේ කැමැත්ත වූයේ එම විහාරස්ථානයට අති උතුම් සර්වඥ ධාතුන් වහන්සේ නමක් පරිත්යාග කිරීම වූ අතර වයෝවෘද්ධ අවධියේ පසු වූ උන්වහන්සේ එකී වගකීම ශිෂ්ය පුත්ර අතිගෞරවාර්හ බඹරබොටුවේ ආනන්ද මංගල නාහිමියන් වෙත පවරන ලදී. බලන්ගොඩ මහනාහිමි අපවත් වීමෙන් පසු බඹරබොටුවේ ආනන්ද මංගල හිමියන් විසින් Pu - Xian විහාරයේ විහාරාධිපති අතිගෞරවාර්හ Zongdao නායක ස්වාමින්ද්රයන් වහන්සේ වෙත එම අතිඋතුම් ශ්රී සර්වඥ ධාතුන් වහන්සේ නම පූජා කරන ලද්දේ මහානායක මාහිමිපාණන් වහන්සේගේ උදාරතර අපේක්ෂාව ඉටු කරනු පිණිසය.
එම ධාතුන් වහන්සේ වෙත වඩා ගරුබුහුමන් දැක්වීමේ අරමුණෙන් නිර්මිත ස්වර්ණමය චෛත්යය අනුරුවේ ධාතු තැම්පත් කිරීමේ පුණ්යමහෝත්සවය වර්ෂ 2026 ක් වූ මැයි මස 12 වන දින සුබ මොහොතින් සිදු කිරීම නියමිත අතර එකී ඓතිහාසික අවස්ථාවේ පරිත්රාණ ධර්මදේශනාව සහ සෙසු ආගමික වතාවත් පැවැත්වීමට ශ්රී ලාංකාවේ මහා සංඝරත්නයෙන් 11 නමක් වැඩම කරවන ලදී.
ශ්රී ලංකා අමරපුර මහා සංඝසභාවේ උත්තරීතර මහනායක ධුරන්දර කරගොඩ උයන්ගොඩ මෛත්රී මූර්ති මහනායක මාහිමිපාණන් වහන්සේගේ ගෞරවනීය ආශිර්වාදය හා අනුශාසනා පරිදි මෙම අවස්ථාව සඳහා
අමරපුර එක්නැලිගොඩ පාර්ශ්වයේ මහනායක අතිගෞරවාර්හ කඳන්ගොඩ සද්ධානන්ද මහනායක මාහිමිපාණන් වහන්සේ,
අමරපුර රාස්සගල පාර්ශ්වයේ අධිකරණ සංඝනායක අතිගෞරවාර්හ හල්වින්නේ බෝධිවංස නායක මාහිමිපාණන් වහන්සේ,
ෆින්ලන්ත බෞද්ධ විහාරය හා ඊශ්රායල් බෞද්ධ විහාරය යන උභය විහාරා ගෞරවාර්හ බඹරබොටුවේ ආනන්ද මංගල නායක ස්වාමින්ද්රයන් වහන්සේ,
ගාලු ගඟබඩ පත්තුවේ උපප්රධාන අධිකරණ සංඝනායක ගෞරවාර්හ උළුවිටිකේ සෝමරතන නායක ස්වාමින්ද්රයන් වහන්සේ,
කච්චිවත්ත දිපදුත්තමාරාම පුරාණ විහාරාධිපති ගෞරවාර්හ උළුවිටිකේ බෝධිසිහ ස්වාමින්ද්රයන් වහන්සේ,
නාපෝලි බෞද්ධ විහාරාධිපති ගෞරවාර්හ පනංගල වජිරඤාණ නායක ස්වාමින්ද්රයන් වහන්සේ,
ගෞරවාර්හ හත්පෝරුවේ චන්දරතන ස්වාමින්ද්රයන් වහන්සේ, පුෂ්පාරාම පුරාණ විහාරාධිපති ගෞරවාර්හ රත්මලේ සාදර නායක ස්වාමින්ද්රයන් වහන්සේ,
පැපිලියාන සුනේත්රාදේවි මහ පිරිවෙනේ ආචාර්ය ගෞරවාර්හ බියගම චන්දානන්ද ස්වාමින්ද්රයන් වහන්සේ,
ශ්රී ජයවර්ධනපුර විශ්වවිද්යාලයේ ජ්යෙෂ්ඨ කතිකාචාර්ය ගෞරවාර්හ කුඩාකත්නෝරුවේ විනීත ස්වාමින්ද්රයන් වහන්සේ,
ශ්රී ලංකා අමරපුර මහා සංඝසභවේ නියෝජ්ය ලේඛකාධිකාරි ගෞරවාර්හ වටවල සෝභිත ස්වාමින්ද්රයන් වහන්සේ
යන මහා සංඝරත්නය වැඩම කළ අතර එම මහා සංඝරත්නය පිලිගැනීම අතිගෞරවාර්හ Zongdao නායක ස්වාමින්ද්රයන් වහන්සේ ප්රධාන ගිහි පැවිදි පිරිස විසින් තායිවානය ගුවන්තොටුපලේ දී 2026 මැයි මස 09 වන මෙසේ සිදු වූ වගයි.
- විහාරස්ථ මාධ්ය කාර්යාංශය -
#ගාලුපුරපින්බිම #කච්චිවත්ත
