27/04/2026
What is the ? (According to Got question answer)
አዲሱ ሐዋርያዊ ተሐድሶ ምንድን ነው?
?
: Haara’umsi Ergamootaa Haaraa ykn New Apostolic Reformation ( ) sochii amantaa bu’uura Macaafa Qulqulluu irraa hin taane yoo ta’u, Caaffata Qulqullaa’oo irra muuxannoo (shaakala), barsiisa Macaafa Qulqulluu (doctrine) irra iccitiiwwan himuu, fi barreeffama Macaafa Qulqulluu ifa ta’e irra “ergamoota” ammayyaa (modern apostles) kan cimsu dha. Haara’umsa Ergamootaa Haaraa keessatti addatti kan adda ta’e gahee fi humna geggeessitoota hafuuraa fi dinqii hojjetan, mul’ata “haaraa” (new revelation) Waaqayyo biraa fudhachuu, lola hafuuraa irratti gar-malee xiyyeeffachuu, fi hawaasa keessatti to’annoo aadaa fi siyaasaa hordofuudha. Haara’umsa Ergamootaa Haaraa keessatti milikitaa fi dinqiiwwan barbaaduun yeroo hundumaa barumsa sobaa ifa ta’ee wajjin kan deemudha.
Guddinni Haara’umsa Ergamootaa Haaraa keessatti adda durummaan garee xixiqqoo fi waldaa dhaabuudhaan kan adeemu yoo ta’u, yeroo baay’ee guutummaatti waldaa warraa haadhoo irraa walaba ta’uudhani. Sochiin kun giddu-galeessaan kan hin to’atamne yoo ta’u, hordoftoonni isaa hedduun qaama isaa ta’uu isaanii of hin ibsan ykn maqaa waan miseensa itti tahan sana illee hin beekan. Hundi isaanii wal fakkaatu, waldoonni kumaatamaan lakkaa’aman fi amantoonni miliyoonaan lakkaa’aman barsiisa Haara’umsa Ergamootaa Haaraa ni hordofu. Barsiisonni beekamoo Haara’umsa Ergamootaa Haaraa wajjin walqabatan Biil Joonsan, Riik Joyner, Kiim Kileemantii fi Luu Ingil dabalata.
Haara’umsa Ergamootaa Haaraa keessatti bifti bulchiinsa waldaa Waaqayyo yaadee kenne ergamoonni fi raajonni, lallabdoota wangeelaa, paasteroota fi barsiisota irratti geggeessummaan olaantummaa qabaachuu isaanii barsiisu. Haa taʼu malee, seenaa Kiristiyaanaa keessaatti harka caalmadhaan akkas hin turre. Egaa, akka Haara’umsa Ergamootaa Haaraatti, Waaqayyo waggoota 30–40 darbanitti raajotaa fi ergamoota deebisuuf jalqabe jedhu. Waldaan Kiristiyaanaas geggeessitoota hafuuraa dhimmi ilaallatuun sirritti waan qajeelfamtuuf ergama ishee raawwachuu kan dandeessu amma qofa jedhanii amanu. Ergamni kun to’annoo aadaa fi siyaasaa waan of keessatti hammateef, kan hafuuraa caalaa akka ta’etti ilaalama.
Haara’umsa Ergamootaa Haaraa keessatti ergamoonni akka geggeessitoota hafuuraa hunda caalaa ol’aanaa ta’aniitti ilaalamu, Waaqayyoonis muudamaa fi humna addaa kan argatan ta’uu isaaniiti barsiifama. Akka barsiisa Haara’umsa Ergamootaa Haaraatti, bilchinnii fi tokkummaa dhugaan, kan argamu warra gaggeessummaa ergamoota isaaniitiif bitaman qofa keessatti dha. Akka barsiisa kanaatti, akkuma waldaan ergamoota duukaa buutee tokkumoomtee humna godhattu, geggeessitoonni kunis humna uumamaa ol ta’e, baay’ee guddaa ta’e tokko tahuun guddifatu. Dhuma irrattis, kun dandeettii fayyisuu jumlaa raawwachuu fi seerota fiiziksii jijjiiruu faa kan dabalatu ta’a. Mallattoowwan kun namoota tuuta sonaan baay’ee tahan gara Kiristaanummaatti akka jijjiiramaniif kan yaadamanidha. Ergamoonni kunniin ittuma yaadamee fudhattoota qabeenya guddaa (dhumaa sagantichaa irratti maallaqa funaanamun) ta’uuf murtaa’aniiru, kunis waldaan mootummaa Waaqayyoo lafa irratti akka hundeessitu kan dandeessisudha jedhu.
Raajonnis Haara’umsa Ergamootaa Haaraa keessatti akkuma ergamootaa barbaachisoo dha jechuun barsiisu. Namoonni kun mul’ata “haaraa” Waaqayyo biraa kan waldaan bulchiinsa hundeessuuf gargaaru akka argataniif muudamaniiru. Akka Haara’umsa Ergamootaa Haaraatti, mul’ata haaraa argachuu kan danda’an raajota qofa, darbee darbee ergamoota qofa. Mul’ata haaraa (New reveleation) warri wangeela lallaban, paasteroonni fi barsiisonni fudhachuu hin danda’an. Mul’anni haaraan raajonni fudhatan kun addunyaa kana mo’uuf murteessaadha, milkaa’inni waldaa immoo ergamoonni odeeffannoo raajonni kennan hordofuu irratti hundaa’a. Raajiiwwan isaanii irra caalaan isaanii baay’ee kan ifa hin taanee fi irra deebi’anii hiikuuf salphaa waan ta’aniif, Haara’umsi Ergamootaa Haaraa ofii isaaniitiif ulaagaa dogoggoruu fi yoo dogoggoran maaltu ta’a jedhu waan hin qabneef, sochiin kun akka barbaade isaan fooyyessuuf fedhii qaba.
Akka yaada Ergamoota Haaraatti, ilmi namaa qaama kufaatii Addaam waan ta’eef lafa irratti ol’aantummaa dhabe. Kanaafuu aarsaan Yesuus fannoo irratti dhiheesse gatii cubbuu keenya furuu qofa osoo hin taane, ilmaan namootaa—keessattuu, Kiristaanotnni lafa akka deebisanii to’ataniif humna kenneeraf jedhu. Haara’umsi Ergamootaa Haaraa naannoowwan torba amantoonni humna itti argatanii fi ol’aantummaa qabaachuun irraa eegamu jedhaman ni eeru: mootummaa, aartii, faayinaansii, barnoota, amantaa, maatii fi miidiyaa. Kanneen keessaa Haara’umsa Ergamootaa Haaraa mootummaan gama jireenyaa kanneen biroo hunda irratti dhiibbaa gochuu waan danda’uuf akka hunda caalaa barbaachisaa ta’etti ilaala. Kanarraa kan ka’e, Haara’umsa Ergamootaa Haaraa ifatti Kiristaayanonni siyaasaa, aadaa fi daldala irratti akka to’atan jajjabeessa. Karaa tokko tokkoon kun waan hin baratamne miti, sababiin isaas namoonni akka amantii isaaniitti sagalee kennuu (filachuu) fi paarlamaa seenun akka hojjetan irraa eegama.
Haara’umsi Ergamootaa Haaraa garuu, yeroo baay’ee sirna bulchinsa biyya lafaa keessatti ti’okraasiin (Theocracy) ifa ta’e akka hundeeffamu barbaadu.
Lolli hafuuraa akka Haara’umsi Ergamootaa Haaraa jedhutti, yaaddoo biyya lafaa furuuf kan yaadamedha. Fakkeenyaaf, rakkoon dinagdee ykn rakkoon fayyaa magaalaa murtaa’e tokko keessatti uumamun dhiibbaa hafuurota hamootaa akka ta’etti ilaalama. Sana booda kadhannaan, qorannoon maqaa addaa hafuurota hamoota sanaa fi adabbiiwwan hafuuraa kan biroon argaman kana qolachuuf carraaqqii godhamu hojiirra oolchuuf kan yaadame dha. Kun fayyaa naannichaa qofaaf osoo hin taane, hanga to’annoon hafuurota hamootaa naannoo sanaa kaafamutti waldaan naannoo sana irratti “ol’aantummaa” fudhachuu waan hin dandeenyeef barbaachisaadha jedhu.
Akka Macaafa Qulqulluutti, Haara’umsa Ergamootaa Haaraa wajjin rakkoon gurguddaan ni jira. Kiristiyaanonni kennaa hafuuraa tokko tokko argachuu danda’u jechuun waan tokko ta’us, gahee ergamootaa fi raajotaa irratti adda ta’uun isaanii garuu wanta Macaafa Qulqulluu keessatti argamu irraa kan fagaate dha. Caalaatti, hojiin ergamaa tahuu waan har’a hin danda’amne gaafata. Fakkeenyaaf, dhuunfaan ijaan kan Yesuus Kiristoosiinargan ta’uu qabu (1Qor 9:1; 15:7–8), addatti Yesusiin ergamoota jedhamanii kan moggaafame (waamaman) fi nama biraa ykn karaa nama tokkoo utuu hin taane fedha Waaqayyo abbaatiin fo’amuu (Gal 1:1; HoE 1:2; Luq 6:13), fi milikkitaa dinqiidhaan kan mirkanaa’e tahuu qaba (Mat 10:1; 2Qor 12:2; HoE 5:12).
Yaadni mul’ata haaraa Waaqayyo biraa dhufu, keessattuu kanneen bifa iccitii ifa hin taane, salphaatti irra deebi’amee hiikamuun dhufan, yaada amantii “al-tokkoof” dhala namaatti kennamee wajjin kan wal faallessu dha. (Yih 1:3). Raajiiwwan Haara’umsa Ergamootaa Haaraa yeroo baay’ee soba ta’uun isaanii raajii sana duuba hafuurri sobaa akka jiru agarsiisa (Kes 18:22). Amalli Haara’umsi Ergamootaa Haaraa lola hafuuraa akka gosa voodoo kan uummanni Haitian ittiin hafuura hamaa lolu kan Kiristiyaana akka ta’etti ilaaluu. Macaafa Qulqulluun ala tahuu isaa qofa osoo hin taane, balaa qaba.
Akkasumas, mootummaa lafaa irratti xiyyeeffannaan kennamuun, Mootummaan Waaqayyoo kan hafuuraa malee kan siyaasaa miti (Yoh 18:36) labsii ofii isaatii Yesuus labse kan faallessudha. Dubbii Kiristoos dubbate faallessuu caalaa, siyaasaa fi biyya lafaa irratti xiyyeeffannoo fayya-dhabeessa qabaachuun isaanii waan gadheedha.
Jecha haaraa jedhu fayyadamus, Haara’umsi Ergamootaa Haaraa dhugumatti mala baay’ee beekamaa, baay’ee moofaa irra deebisanii hojjechiisu dha. Jalqaba amantii Kiristiyaanummaa irraa kaasee gareewwan adda addaa dogoggora addunyaa ammaa kana hunda sirreessuuf “mul’ata haaraa” Waaqayyo biraa akka qaban himatu turan. Sochiiwwan kun hafuurummaan ykn bilchinni ykn dhugaan inni “dhugaan” kan argamu warra hoggansa irra jiran warra dhaggeeffatan qofaan biratti argama jedhu. Firoonni isaanii, kan akka Dhugaa Baatota Yihowaa fi Mormonizimii ni jiru.
Macaafni Qulqulluun kan jedhu caalaa baay’ee darbanii kan fudhatan ta’us, wanti Haara’umsi Ergamootaa Haaraa barsiisu baay’een isaa yoo xiqqaate Caaffata Qulqullaa’oo keessatti bu’uura tokko tokko qaba. Sun garuu amma iyyuu barumsawwan sana kan Macaafa Qulqulluun akka hin taane isaan taasisa, Kiristiyaanonni barsiisa Haara’umsa Ergamootaa Haaraa fi warra isa wajjin walitti dhufeenya qabaachuu filatan ifatti diduu qabu.
