Pastoor Frik & Sarita Senekal Lede in Christus Kerk

08/09/2026

Ons dien die Lewende God van Hemel en Aarde wat sien! Hy sien waar niemand anders sien nie. Hy sien nie net dit wat voor oog is nie, maar Hy sien binne in ons harte en Hy ken die bedoeling van ons harte.

Moet jy nie dink dat dit wat jy doen wat goed en mooi is gaan ongesiens verby nie. Moenie ophou om die goeie en mooi te doen vir die Here nie.

Daar is nie baie dankies hier op aarde nie, maar dit weet ek, daar kom 'n dag van loon by my Heer.

07/09/2026

Liefde is meer as net 'n gevoel of emosie, dit is ook aksies, handeling en optrede.

As dit dan so is dat ons die Here lief het dan behoort ons lewens dit te wys. Ons handel en wandel sal dit openbaar. Aksies praat harder as woorde.

Jesus openbaar aan Sy dissipels wat Hy verlang in hulle liefde aan Hom, gehoorsaamheid aan Sy opdragte. Laat ons daders wees en nie net praat nie.

Mag jy ook vandag Sy liefde ervaar en deel met ander.

06/09/2026

04/09/2026

So jammer dat daar mense is wat net kyk waar hulle die verkeerde kan raak sien. So of hulle heeldag loop en fout wil vind met alles en almal, maar wanneer dit by hulleself kom is hulle blind.

Ek is so dankbaar dat die Almagtige God van Hemel en Aarde kyk na Sy kinders en Hy sien ook hulle behoefte, en Hy voorsien. Hy sien Sy mense se swakheid en Hy ondersteun hulle. Hy sien die gevaar en Hy red!

Halleluja!

03/09/2026

Van die oomblik toe ons 'n verhouding met die Heer begin het, was Sy doel en plan met ons redding dat ons vir Hom moet leef.

God is Heilig. Alles van Hom is Heilig, en daarom is Sy roeping in ons lewe ook dat ons heilig moet leef.

Heilig leef is 'n lewe toegewy aan die Here, 'n lewe wat breek met sonde en wat daarop fokus om Hom te verheerlik.

02/09/2026

Ons kan nie die uitdagings van die lewe op ons eie veg nie. Daagliks moet ons bereid wees om die Here te vra vir krag, hulp en leiding. Dis nie 'n skande nie, dit is 'n voorreg.

Wanneer ons Sy aangesig soek, dan soek ons na Hom en nie net na dit wat Hy vir ons kan doen nie.

Wanneer ons die Here se aangesig begin soek in goeie en slegte tye dan bou ons waarlik verhouding met Hom en dan gaan dit oor Hom en nie net Sy seën oor ons nie.

01/09/2026

Wat 'n wonderlike oggend. Bravo Campaign. Groot sukses gewees. Baie dankie aan elkeen se bydrae. Waardeer dit

01/09/2026

As daar iets is wat 'n stille moordenaar is, dan is dit verdeeldheid.

Verdeeldheid sluip maklik in ons huise, vriendskappe en die kerk in.

Die Bybel leer dat ons moet waaksaam wees teen dit wat verdeeldheid bring. Kom ons kies doelbewus liefde en eenheid bo konflik.

31/08/2026

Met tye weet mens nie hoe om voort te gaan in die lewe weens dinge wat oor ons pad kom.

Daar is dae wat die lewe swaar voel en die pad vorentoe onseker lyk. Dit is maklik om in sulke tye moeg te word en te wonder of dit nog die moeite werd is om vas te byt.

Maar as kinders van God word ons geroep om nie nou terug te deines nie, maar om juis nou ons voete stewig te plant.

Ons bou nie verniet aan ons verhouding met die Here nie!