Oasis Revival Centre/Oase Herlewing Sentrum

14/06/2026

14/06/2026

Die Mure van Jerigo
Deur Ps. Wernich Swart

12/06/2026

Goeie Môre

Elkeen van ons stap van tyd tot tyd deur donker seisoene in ons lewens. Hierdie donkertes neem verskillende vorms aan – vir sommige is dit 'n tekort aan inkomste en 'n oorweldigende finansiële krisis, vir ander is dit 'n huwelik wat stelselmatig besig is om te verbrokkel, of die angs wat gepaard gaan met 'n ernstige siekte. Al wie U kan help is God niemand anders nie , dit is om ons probleme na Hom toe te vat, om Hom te vertrou en dit gaan behels om ń persoonlike verhouding met Jesus Christus te hê.

Filippense 4:6-7

6 Wees oor niks besorg nie, maar laat julle begeertes in alles deur gebed en smeking met danksegging bekend word by God.
7 En die vrede van God, wat alle verstand te bowe gaan, sal julle harte en julle sinne bewaar in Christus Jesus.

Die Woord van God maak dit duidelik dat ons oor niks besorg hoef te wees nie. God is in beheer, en Hy weet van elke uitdaging wat ons ervaar. Al voel dit of ons alleen is, al voel dit of God ons nie hoor nie — Hy hoor. Moeilike omstandighede help ons om te groei in ons geloof en leer ons om op God te vertrou. Dit bring ons ook nader aan Hom. Daarom: gee vandag al jou bekommernisse, vrese, tekortkominge en hartseer vir God — biddend en met danksegging.

Liefde Groete
Ps Lanie

11/06/2026

Good morning beloved of the Lord.

I believe the highest premium God places on us is to love one another. It shows how much we love God and reflects His very own heart.

The Bible declares:

“But concerning brotherly love [for all other Christians], you have no need to have anyone write you, for you yourselves have been [personally] taught by God to love one another.”
‭‭1 Thessalonians 4:9 AMPC‬‬.

True Christian love is not something we learn only through sermons or books, it is something the Holy Spirit plants deep within our hearts. The closer we walk with God, the more His love begins to flow naturally through us to others.

The world can become cold, harsh, and selfish, but as children of God we are called to live differently, with kindness, forgiveness, grace, and genuine compassion. Love is the language of the Kingdom of God. When we love others, we reflect the heart of Jesus.

Today, may God once again teach us how to love, not only with words, but through our actions, patience, and mercy toward others.

May the Lord fill our hearts with His love. May He teach us to see people through His eyes and to love others the way He love us.

Blessings and love Wernich

10/06/2026

Hartlike goeie more!!

Dit is so versekerend en blymoedigend om te weet God is elke dag saam met ons deur die Heilige Gees. Of jy ‘n nuwe projek of geleentheid aanpak, op vakansie gaan, of uitdagings en probleme in die gesig staar, God is met ons en saam met ons.

God Reis Elke Dag Saam Met Jou!!!

Ons almal gaan deur tye waar die pad van die lewe swaar, onseker en selfs eensaam voel. Maar as kinders van God het ons hierdie wonderlike belofte dat ons reis nooit alleen nie. Die Here stap elke tree saam met ons. Hy is teenwoordig in die goeie dae en mooi geleenthede, én so ook in die moeilike oomblikke.

God belowe nie altyd ’n pad sonder storms nie, maar Hy belowe wel Sy teenwoordigheid in elke storm. Wanneer jy moeg raak, dra Hy jou. Wanneer jy onseker voel, gee Hy leiding. Wanneer vrees jou hart wil oorweldig, herinner Hy jou dat Hy in beheer is. Wanneer jy ‘n nuwe projek aanpak gee Hy wysheid en sterkte.

In die woestyn was God saam met Israel deur ’n wolkkolom bedags en ’n vuurkolom snags. Vandag lei die Heilige Gees ons elke dag. Hy troos, versterk, waarsku, beskerm en herinner ons dat ons aan Hom behoort.

Soms verstaan ons nie waarom sekere dinge gebeur nie, maar ons kan weet dat God reeds môre sien. Hy ken die pad voor jou en Hy sal jou nooit verlaat nie. Selfs in stil tye waar jy voel God is ver weg, werk Hy steeds agter die skerms.

Die WOORD verklaar op verskeie plekke so mooi:

“Moenie bang wees nie, want Ek is met jou; kyk nie angstig rond nie, want Ek is jou God. Ek versterk jou, ook help Ek jou, ook ondersteun Ek jou met my reddende regterhand.”
Jesaja 41:10.

“Die Here sal self voor jou uit trek, Hy sal met jou wees; Hy sal jou nie begewe en jou nie verlaat nie; wees nie bevrees of verskrik nie.”
Deuteronómium 31:8.

“Al gaan ek ook in ’n dal van doodskaduwee, ek sal geen onheil vrees nie; want U is met my.” Psalm 23:4.

“Ek is met julle al die dae tot aan die voleinding van die wêreld.”
Matthéüs 28:20.

GOD IS IN JOU, GOD IS SAAM MET JOU, GOD IS VIR JOU, GOD IS MET JOU.

Groete, liefde en seënwense Wernich

08/06/2026

Hartlike goeie môre by ‘n nuwe week vol mooi geleenthede.

Ons as mens hou daarvan om te wen, of dit nou rugby is, of ‘n kompetisie, uitdagings is of iets persoonlik. Nou verklaar die Woord so mooi:

“Maar in al hierdie dinge is ons meer as oorwinnaars deur Hom wat ons liefgehad het.”
Romeine 8:37.

Kind van God, jy veg nie jou stryd alleen nie. Deur Christus is jy nie net iemand wat probeer oorleef nie, jy is meer as ’n oorwinnaar!

Die vyand wil hê jy moet moed verloor, bang wees en moed opgee, maar Jesus het reeds die oorwinning behaal aan die kruis. Daarom hoef ons nie vanuit vrees te leef nie, maar vanuit geloof, hoop en oorwinning.

Wanneer jy swak voel, Hy is jou krag. Wanneer jy val, Hy tel jou op. Wanneer die storm woed, Hy bly jou vrede. Wanneer jy jou ‘n droom of nuwe geleentheid gryp, Hy is jou wysheid en krag.

Ons oorwinning lê nie in ons eie vermoë alleen nie, maar juis in Christus wat in ons leef deur die Heilige Gees. Geen aanval, teleurstelling of moeilike omstandigheid kan jou skei van Sy liefde nie.

Hou vas aan God se beloftes. Staan weer op, bid, glo en bly vertrou. Loof Hom selfs in die stryd, want die oorwinning behoort aan die Here!

Jy is nie verslaan nie, jy is MEER AS ’N OORWINNAAR IN CHRISTUS!

Groete, seënwense en liefde Wernich