Lighuis Christelike Sentrum Despatch

18/03/2026

Ons dank die Here en gee aan Hom alleenlik die eer vir elke aanraking, vir elke genesing van gebrek en siekte, en vir elke redding wat plaasgevind het. Die Here is waarlik groot, goed en genadig!

Kom kuier gerus hierdie Sondag weer saam ons om 09:00 waar Past Morne Spies die woord gaan bedien.

17/03/2026

Gisteraand het Past Deon met ons gedeel oor hoe belangrik die openbaring is "van wie Jesus Christus werklik is". Hierdie wete gee jou toegang tot 'n dieper verhouding met God, tot God se vrede, tot geloof, en tot God se krag en werke.

Die salwing van die Heilige Gees het soveel persone diep aangeraak!

Vanaand is die laaste diens van ons konferensie. Bring iemand saam en kom ervaar God se grootheid.

16/03/2026

Past Deon het gister oggend 'n groot openbaring gedeel oor herlewing en tydens ons aanddiens het Past Stephen 'n kragtige woord bedien oor wat Jesus Christus bewerkstellig het deur Sy lyding.

Die Here het rug kondisies, skouers, voete, en nog vele ander kwale genees.

Moenie jou ontmoeting met God misloop nie. Ons konferensie gaan voort vanaand en more aand om 19:00.

15/03/2026

Pastoor Deon Hockey | 15 Maart 2026

13/03/2026

Sluit by ons aan vir ’n 3-dag konferensie gevul met die Heilige Gees. Ps Deon & Ps Stephen Hockey sal in Despatch wees by Lighuis Christelike Sentrum vanaf 15 Maart tot 17 Maart.

Ons vertrou vir redding, genesing, herstel en lewens wat verander word deur die krag van Jesus Christus.

Toegang is gratis. Kom verwagtend vir ’n ontmoeting met ons God!

Datum:
15 Maart – 17 Maart

Tye:
Sondag 09:00 & 18:00
Ma – Di 19:00

12/03/2026

Tydens Jesus Christus se doop het hy aan ons kom bewys wat in die geestelike realm gebeur wanneer ons bid; dat wanneer ons bid, die hemel oopgaan, en God, en Sy heerlikheid, tot voorskyn kom. Ons moet dus nooit gebed ligtelik opneem nie, want gebed is nie leë woorde wat jy spreek nie, maar gebed is ‘n uitnodiging wat jy aan God rig wat daaartoe lei dat God, Homself, asook Sy krag, Sy teenwoordigheid, en Sy goedheid in jou lewe kom openbaar.

“Die gebed van 'n gelowige het 'n kragtige uitwerking.” - JAK 5:16

10/03/2026

Sluit by ons aan vir ’n 3-dag konferensie gevul met die Heilige Gees saam met Ps Deon & Ps Stephen Hockey.

Ons vertrou vir redding, genesing, herstel en lewens wat verander word deur die krag van Jesus Christus.

Toegang is gratis. Kom verwagtend vir ’n ontmoeting met ons God!

Datum:
15 Maart – 17 Maart

Tye:
Sondag 09:00 & 18:00
Ma – Di 19:00

08/03/2026

Wegmakers | Deel 5 | Wees Altyd Biddend | Pastoor Morne Spies | 8 Maart 2026

05/03/2026

Abel se geloof het daartoe gelei dat God Hom geëer het. Henog se geloof het veroorsaak dat God doodsgevare vanaf hom weerhou het. Noag se geloof het gelei tot lewe en redding. Abraham se geloof het 'n hoopvolle toekoms vir homself en sy nageslagte bewerkstellig. Moses se geloof het wonderwerke voortgebring. Deur die geloof het die profete, het hulle nasies en koninkryke in besit geneem, leeu’s se bekke gesluit, krag ontvang in tye van swakheid, vyande verslaan en dooies opgewek. En as gevolg van die vrou wat aan bloedvloeiing gelei het se groot geloof, het sy genees geword. Moenie uitmis op God se heerlikheid weens ongeloof nie.

"Jesus sê vir haar: Het Ek nie vir jou gesê, as jy glo, sal jy die heerlikheid van God sien nie?" - Joh 11:40

01/03/2026

https://youtu.be/XB4ubsy5yGc

Enjoy the videos and music you love, upload original content, and share it all with friends, family, and the world on YouTube.

26/02/2026

God is so groot dat dit onmoontlik is vir ons as mens om ooit Sy volheid te kan begryp, maar as ons d**k aan God se name, dan gee dit vir ons 'n idee van hoe groot Hy werklik is. God se name identifiseer en beskryf aan ons wie Hy werklik is.

Sy naam is:
- Elohim, God die Skepper
- Yahweh-Jireh, die God wat voorsien
- ⁠Yahweh-Rapha, die God wat genees
- ⁠Yahweh-Nissi, die God wat my toevlug is⁠
- Yahweh-Shalom, die God wat vrede gee
- ⁠Yahweh-Sela, die God wat my rots is
- ⁠Yahweh-Rohi, die God wat my herder is
- ⁠Yahweh-Shammah, die God wat daar is
- ⁠Yahweh-Magen, die God wat beskerm
- Yahweh-Chatsahi, die God wat krag gee
- Yahweh-Go'el, die God wat verlos
- Yahweh-Ori, die God wat lig gee
- Adonai, God die meester en heerser oor als

Ons kan dus weet dat God groot genoeg is om in elke voorval en omstandigheid te kan voorsien.

22/02/2026

Die Grootheid van God | Deel 6 | André Roodt | 22 Februarie 2026