Gereformeerde Kerk Totiusdal

16/02/2026

5 Jongmense het gister belydenis van geloof afgelê. Waarlik 'n groot seën uit die Here se hand.

02/08/2025

Die groot dag het aangebreek! Maak seker dat jy 'n draai maak!

30/07/2025

Wat doen jy Saterdag? Is jy lus vir heerlike varsgebakte pannekoek, of wat van 'n koppie koffie met varsgebakte koek? Besoek gerus on Basaar eerskomende Saterdag en kom geniet die samesyn, geselligheid, speletjies, handwerk en heerlike eetgoed.

12/05/2025

💛 Ons R50 Vrydag Projek! 💛
💸 Skenk nou: https://www.krugerkinderhuisafr.co.za//_paylink/AZZn72lU
Jy kan ’n impak maak in ‘n kind se lewe met net R50 ‘n Vrydag.
Elke Vrydag staan ons saam om ’n GROOT impak te maak met klein bydraes.
🫶 Merk 3 vriende om saam die uitdaging te aanvaar!
Saam bou ons aan ’n beter toekoms.
📅 Kom ons maak elke Vrydag betekenisvol.

10/05/2025

Die susters van GK Totiusdal het vanoggend ‘n baie verrykende oggend met mekaar gedeel. Ds Lohan Linde van GK Wonderboom-Suid het die susters kom toespreek oor die identiteit van ‘n moeder (so voor moedersdag). Ma's wonder gereeld of hulle genoeg doen vir hul gesin. As mens Rut lees en luister hoe Naomi se lewensverhaal verloop was daar ook verskillende tye wat sy verskillende dinge gevoel en ervaar het en ook soms moedeloos was. Soos wat die Here haar gelei het, so stap Hy ook met ons ‘n pad. Al is ons nie 'n hoofkarakter nie, pas ons in God se Raadsplan in soos wat Naomi ingepas het in die voorbereiding vir die koms van Jesus Christus.
Die mooi mosaïek aktiwiteit herinner ons dat ons, net soos elke mosaïek steentjie belangrik is om ‘n groot prentjie te vorm, ons in God se groot Raadsplan ook elkeen belangrik is vir die groter geheel.
Die susters het heerlik kreatief gekuier en bande versterk.

29/03/2025

sr. Susan Theron, mag die Here jou toerus vir hierdie groot taak waartoe hy jou geroep het.

Nuwe hoof wil leerders help om hul beste te gee
Lees: https://www.citizen.co.za/rekord/news-headlines/2025/03/29/nuwe-hoof-wil-leerders-help-om-hul-beste-te-gee/

08/03/2025

2 Kor 3:3 “ Dit is tog duidelik dat julle ‘n brief van Christus is” vanjaar se sustersaamtrek-tema is by die Pretoria saamtrek deur die gasspreker prof Albert Coetsee toegelig! Wat ‘n uitstekende voorlegging, voedsel waaraan ons nog lank mag kou. Gereformeerde kerk Totiusdal se susters het hard gewerk om ‘n luisterryke geleentheid saam te stel. Ons siele is verryk deur die geestelike voedsel, die samesang, die opskerp van onderlinge bande en ons liggame is versterk deur keurige verversings. Dankie aan elke suster wat daar was, ook dankie aan elke suster wat op watter wyse ook al, bygedra het tot die dag.
#2025

12/12/2024

Luister gerus hierdie vakansie na die gratis podsendings van Scriptura

ADVERTENSIEBREEK!
Wil jy nie asb. die onderstaande Scriptura advertensie in jou gemeente of skool (of enige ander) nuusbrief plaas nie? Baie dankie!
--
Is jy hierdie vakansietyd op soek na aktuele en opbouende Gereformeerde leesstof? Gaan loer gerus op www.scriptura.co.za. Miskien durf jy die lang pad aan en wil bietjie luister na Bybelse perspektiewe op kerk, kultuur en samelewing? Luister gerus gratis na ons podsending, Radio Scriptura vanaf ons webblad of enige potgooispeler soos Apple Podcasts of Spotify! Ons episodes is ook as video’s beskikbaar op ons YouTube kanaal. Sommige van ons nuutste episodes gaan oor:
• die nuwe hemel en aarde,
• die lewe na die dood,
• ‘n luisteraarsvraag oor bewyse van God se bestaan en
• ‘n vraag oor lotery en mediese fondse.
Jy is ook baie welkom om jou vrae vir ons te epos en ons oorweeg graag om dit te beantwoord!
Scriptura is ‘n Gereformeerde blog en potgooi. Ons is oortuig daarvan dat die hele Skrif deur God ge- asem is. Die hele Skrif is nuttig tot lering, tot weerlegging, tot teregwysing, tot onderwysing in die geregtigheid, sodat ons vir elke goeie werk volkome toegerus kan word (2 Timotheus 3:16,17). Ons poog om juis dít vir jou te wys in ons skrywes, episodes en publikasies.
Webblad: www.scriptura.co.za
Epos: [email protected]
YouTube: https://www.youtube.com/c/Scriptura
Apple Podcasts of Spotify: Soek vir “Radio Scriptura” Facebook: http://facebook.com/scripturaweb

24/09/2024

Neem kennis

Hou solank die datum oop!

Die Dopperspele vind op 17 Mei 2025 plaas.

#2025

30/08/2024

Word gerus 'n lid of vriend van GSDP. Ons het u ondersteuning nodig.

Wil jy 'n vriend of lid van GSDP word?

Besoek die volgende skakel vir meer inligting oor hoe om aan te sluit: https://vist.ly/3hr6c

03/08/2024

Groot opwinding by GK Totiusdal! Kom geniet die heerlike basaar.

02/08/2024