30/08/2026
Moet Ek Alles Verstaan om te kan Glo?
Preekopname 30 Augustus 2026
Skriflesing: 1 Kor 1:18-31
Ons hoef nie alles te verstaan om te kan glo nie. God werk dikwels anders as wat ons menslike logika verwag. Die kruis van Christus is self die grootste voorbeeld: dit maak volgens wêreldse logika geen sin dat God ons deur ’n gekruisigde Christus red nie; en tog is dit juis die krag en wysheid van God.
Geloof beteken daarom nie dat ons al die antwoorde het nie. Dit beteken dat ons God vertrou selfs wanneer ons nie verstaan nie. Ons leer Hom nie ken deur alles oor Hom te probeer uitpluis nie, maar deur naby aan Hom te leef, onsself aan Hom oor te gee en saam met Hom te stap.
Ons hoef ook niks voor God te bewys of op ons eie insig te roem nie. Ons redding is genade, iets wat ons ontvang, nie iets wat ons verdien nie.
Daarom hoef ons nie skaam te wees wanneer ons sê: “Ek verstaan nie.” Soms is dit juis wanneer ons besef hoe min ons verstaan, dat ons die diepste besef hoe nodig ons God het.
Geloof is nie om alles te verstaan nie; geloof is om God te vertrou.
En wanneer ons ophou om alles te probeer beheer en verstaan, ontdek ons die vryheid van ’n lewe wat eenvoudig in God se hande oorgegee is.
Preekopname 30 Augustus 2026Skriflesing: 1 Kor 1:18-31Ons hoef n...
