29/10/2026
/ Here, hoe vreemd en wonderlik is U genade.
Dat U ons op ons diepste ken en ons steeds liefhet.
U ken die foute wat ons wegsteek.
Die dinge waaroor ons skaam is.
Die dele van onsself wat ons wens
niemand ooit hoef te sien nie…
…en tog reik U uit na ons.
Vergewe ons dat ons so dikwels probeer kwalifiseer vir iets wat U reeds verniet gegee het. Dat ons ons swakhede wegsteek, ons suksesse uitstal en soms vergeet dat alles wat ons is, deur U genade moontlik geword het.
Leer ons om eerlik te wees oor wie ons was,
sonder om te vergeet wie ons deur U geword het.
Mag ons nooit genade ontvang en dan weier om dit aan ander te bewys nie. Mag ons geloof nie net reg klink nie, maar ook soos Jesus lyk.
…en Here, wanneer ons geloof wankel,
wanneer ons weer struikel en ons eie hande te swak voel om vas te hou,
herinner ons:
Dit is nie die krag van ons greep op U wat ons red nie,
maar die getrouheid van U greep op ons.
Laat ons nooit so gewoond raak aan U genade dat dit ons nie meer verwonder nie.
…en as ons lewens uiteindelik iets moois word,
laat mense nie net Ăłns raaksien nie.
Laat hulle U genade sien.
Amen.
~ Roedolf Botha ~
