Pastoor Se Vrou

06/09/2026

MOENIE SAAM BY DIE NYL AFDRYF NIE....

Romeine 8:38–39

Ek is daarvan oortuig dat niks ons kan skei van die liefde van God wat daar in Christus Jesus, ons Here, is nie.

Jy is nie bedoel om sommer net SAAM met ’n klomp ander mense by die Nyl af te dryf nie.

God wil jou RED.

God het ’n doel met jou lewe.

Maar totdat jy leer om God se stem te HOOR, sal jy nooit werklik ’n stem wees wat ander kan lei nie.

God praat altyd.
Die vraag is...Luister jy?

Kyk na Moses.
God het reeds ’n PLAN met Moses gehad voordat Moses self geweet het wat sy bestemming sou wees.

Sy eie ma is selfs betaal om na hom om te sien binne-in die paleis.

Wat mense vir jou ten kwade bedoel, kan God ten goede gebruik.

Al wil mense jou onderkry of skade aandoen, dit SAL NIE jou bestemming verander wanneer God ’n doel met jou lewe het nie.

Jy het ’n doel.
Jy het ’n roeping.

En God het reeds ’n plan vir jou lewe in plek.

Moenie saam met die stroom dryf nie.

Moenie net doen wat ALMAL doen nie.

Moenie jou deur ander se besluite laat saamdryf nie.

Klim IN die mandjie.
Vertrou God.
Want wanneer jy in Sy hand is, is jy veilig.

Hy ken jou naam.
Hy ken jou pad.
Hy ken jou bestemming.
Hy het ’n plan met jou.

LUISTER na Sy stem.
Vertrou Sy plan.

En wanneer God jou ’n ander rigting wys, moenie saam met die stroom dryf nie.

Jy is nie doelloos nie.
Jy is nie vergete nie.
Jy is in God se hand.

JY is
Geroep
Gesalf
Hy KEN jou naam

-Blom-

04/09/2026

BEHOU JOU VREUGDE

Behou jou vreugde selfs al is jy in die tronk of in die oond.

Want wanneer jy daaruit kom, gaan jy besef

Jou vreugde word nie deur mense, omstandighede of besittings bepaal nie.

Jou vreugde is in die Here!

Soms laat God jou deur ’n plek van toetsing gaan.

Nie om jou te breek nie, maar om te wys waar jou vertroue werklik lê.

Wanneer alles rondom jou verander…
Gaan jy nog steeds sing?
Gaan jy nog steeds bid?
Gaan jy nog steeds Sy Naam groot maak?
Gaan jy Hom nog steeds loof wanneer dit swaar gaan?

Paulus en Silas het in die tronk gesit, maar hulle het gebid en lofliedere tot God gesing.
Handelinge 16:25

Die drie jongmanne was in die vuuroond maar God was saam met hulle in die vuur.
Daniël 3:24–25

Jou omstandighede bepaal nie jou vreugde nie.

Mense bepaal nie jou vreugde nie.

Wat jy het of nie het nie, bepaal nie jou vreugde nie.

Jou vreugde is in die Here.
“Die blydskap in die Here dit is julle beskutting.”
Nehemia 8:11

Daarom kan jy vandag sê

“Al is ek in die tronk, sal ek sing.

Al is ek in die vuur, sal ek Hom aanbid.

Al verstaan ek nie wat God doen nie, sal ek Hom vertrou.”

Want my vreugde hang nie af van waar ek is nie dit hang af van Wie saam met my daar is.

En as die Here by my is,
kan selfs die tronk ’n plek van aanbidding word
en die vuur ’n plek waar ek Sy teenwoordigheid ervaar.

Behou jou vreugde.
Hou aan sing.
Hou aan glo.
Hou aan om Sy Naam groot te maak.

Die Here is jou krag, jou vreugde en jou beskutting.

-Blom-

03/09/2026

AS JOU DONKIE NIE WIL LOOP NIE....LUISTER

Bileam WOU vorentoe gaan.
Maar sy donkie het geweier.

Hy het kwaad geword.
Hy het haar geslaan.

Maar die donkie het IETS gesien wat Bileam nie kon sien nie

die Engel van die Here het in die PAD gestaan.

Vrou, dalk huil jy vandag oor ’n deur wat NIE oopgaan nie.

Dalk vra jy
“Here, hoekom KEER U my?”
Maar wat as jy nie verwerp word nie…
wat as jy BESKERM word?

Wat as daardie vertraging jou RED?

Wat as daardie “NEE” genade is?

Wat as God jou KEER omdat Hy iets sien wat jy nog nie kan sien nie?

Moenie jou donkie slaan omdat sy NIE WIL LOOP NIE.

Stop.

Haal asem.

Luister.

En vra
“Here, wat sien U wat ek nie kan sien nie?”

Want soms voel God se BESKERMING soos ’n teleurstelling…

totdat jy later besef

Hy het jou nie teruggehou nie.
Hy het jou gered.

Numeri 22:22
“Maar God was baie kwaad omdat hy gegaan het…”

-Blom-

02/09/2026

WANNEER DIE WOORDE OPHOU...

Jy is gewoond daaraan om mense te motiveer.

Om ander te bemoedig.

Om hoop te bring wanneer iemand moed verloor.

Om altyd iets te hê om te sê.

Jy bid heeldag.
Jy praat met God oor alles.
Jy soek Hom.
Jy luister na Hom.

Maar dan kom daar ’n oomblik...
En skielik is daar niks.

Wanneer jy moet bedien, voel jy stom.

Jy wil nie praat nie.
Jy wil nie probeer om iets mooi te sê nie.
Jy wil net stil wees.

Net sit.

Net luister.

Net by Hom wees.

En miskien wonder jy:
“Here, wat gaan aan met my?”
Maar miskien is daar niks fout met jou nie.

Miskien is God besig om jou te leer dat jy nie altyd ’n woord hoef te hê nie.

Miskien is hierdie seisoen nie oor wat JY vir mense kan sê nie.

Miskien is dit oor wat God vir jóú wil sê
Ons raak soms so gewoond daaraan om die stem te wees wat ander versterk, dat ons vergeet ons is ook ’n kind wat nodig het om net by die Vader se voete te sit.

Jesus het self weggegaan na stil plekke.

Nie omdat Hy niks gehad het om te sê nie.
Maar omdat Hy geweet het dat daar ’n plek is waar jy nie moet praat nie.

Jy moet luister.

Daar is ’n tyd om te spreek.
En daar is ’n tyd om stil te wees.

MOENIE ’N WOORD FORSEER NIE

As God jou in ’n stil seisoen bring, hoef jy nie iets te vervaardig om mense tevrede te stel nie.

Jy hoef nie altyd ’n kragtige boodskap te hê nie.

Jy hoef nie altyd iemand op te tel met groot woorde nie.

Jy hoef nie die indruk te gee dat jy sterk is wanneer jy eintlik net wil stil wees in Sy teenwoordigheid nie.

God is nie teleurgesteld in jou omdat jy vandag minder praat nie.

Hy weet wat in jou hart aangaan.
Hy weet wanneer jy moeg is.
Hy weet wanneer jou siel net wil rus.

En soms is die mees geestelike ding wat jy kan doen:
om stil te word.

“WEES STIL EN WEET DAT EK GOD IS.”

Wanneer jy nie weet wat om te sê nie...
Luister.
Wanneer jy nie weet wat om te bid nie...
Bly.
Wanneer jy nie weet wat om te bedien nie...
Wag op Hom.
Wanneer daar geen inspirasie is nie...
Moenie paniekerig raak nie.

God het nie minder geword omdat jy vandag minder woorde het nie.

Sy teenwoordigheid is nie afhanklik van jou vermoë om mense te inspireer nie.

Jy hoef nie altyd die een te wees wat die vuur aansteek nie.

Soms sit God jou net stil langs die vuur sodat Hy jóú kan warm maak.

Miskien is jou stilte nie leeg nie.
Miskien is dit vol van God.
Miskien is Hy besig om die geraas stil te maak sodat jy Sy stem op ’n dieper vlak kan hoor.

So moenie bang wees vir die stilte nie.
Moenie jouself veroordeel omdat jy nie vandag iets het om te sê nie.

Sit net by Hom.
Luister.
Bly.

En wanneer Hy weer sê:
“Praat...”
sal jy weet wat om te sê.

Nie omdat jy dit self uitgedink het nie,
maar omdat jy eers geluister het.

Daar is ’n seisoen om te praat.
Daar is ’n seisoen om te bedien.
Maar daar is ook ’n heilige seisoen om net stil te wees

-Blom-

01/09/2026

WANNEER DIE GEEL RANKROSIE BEGIN BLOM…

Elke jaar wanneer my geel rankrosie in die tuin begin blom, weet ek: die somer is oppad.

Daardie eerste geel blommetjies herinner my daaraan dat seisoene verander.

Die winter het nie die laaste sê gehad nie.

Die koue het nie vir altyd gebly nie.

En wat vir ’n tyd stil gelyk het, begin weer blom.

So werk God ook in ons lewens.
Soms sien ons net kaal takke en wonder

“Here, wanneer gaan daar weer iets gebeur?”

Maar onder die oppervlak is God reeds besig.

En dan verskyn die eerste teken…
’n bietjie hoop.
’n nuwe deur.
’n onverwagte vrede.
’n antwoord op gebed.
’n klein blommetjie wat sê
“Die seisoen is besig om te verander!”

“Die blomme verskyn op die aarde…”
Hooglied 2:12

Kyk mooi.
Moenie die eerste blom miskyk nie.
Miskien is dit God se manier om jou te herinner

JOU WINTER IS VERBY.
GELUKKIGE LENTE

-Blom-

30/08/2026

JOU VERLEDE HOEF NIE JOU TOEKOMS TE BEPAAL NIE..

Ongelukkig kan jy nie jou verlede saamvat na jou VRYHEID toe nie.

Ons almal het ’n verlede.
Die meeste van ons se verlede het ’n paar “onlekker” hoofstukke in
maar dit maak nie die HELE storie uit nie.

Dit is net ’n DEEL van jou verhaal.

Hetsy dit deur verkeerde keuses was,
of dalk deur omstandighede waarvoor jy nie voorbereid was nie
dit hoef nie jou toekoms te BEPAAL nie.

Wanneer jy kies om ’n nuwe toekoms saam met Jesus te stap, kan jy die verlede agterlaat.

Jy hoef nie LANGER jou verlede-sleepwa agter jou aan te sleep nie.

HAK HOM AF.

VANDAG.

Vergewe JOUSELF.
Spreek jouself vry.
Spreek JESUS oor jou huis, jou lewe en jou TOEKOMS.
Vra vergifnis waar dit nodig is.
Laat gaan wat jy NIE meer kan verander NIE.

As jy in Christus is, is jy ’n NUWE skepping.

Die ou dinge het verbygegaan.
Alles het nuut geword.

Daar wag n toekoms...

Jou verlede is net ’n hoofstuk maar
Jesus skryf nog aan jou storie.

-Blom-

29/08/2026

VREESLOOS • VRY • FABULOUS

Daardie steek in jou bors om 2uur die oggend…
Die “wat as?”gedagtes wat maal…

Die VREES wat jou vooruit laat hardloop na elke moontlike slegte uitkoms…

Dit is NIE wie jy is nie.

God het jou nie ’n gees van vrees gegee nie,
maar van KRAG, liefde en ’n gesonde gemoed.

2 Timoteus 1:7
“Want God het ons nie ’n gees van vreesagtigheid gegee nie, maar van krag en liefde en selfbeheersing.”

Ons kan daai vrees SELF BEHEER deur Sy Krag.

Jy hoef nie vrees te dra asof dit jou deel is nie.

Jy is geroep om VREESLOOS te leef.
Jy is geroep om VRY te wees.

Jy is geroep om FABULOUS te wees
nie volgens die wêreld se standaard nie, maar volgens die vrou wat God jou geskep het om te wees.

’n Onwankelbare vrou is nie een wat NOOIT vrees voel nie.

Sy is die vrou wat weet

“Vrees kan aan my deur klop,
maar dit kry nie die SLEUTELS van my lewe nie.”

VREESLOOS.
VRY.
FABULOUS.

Ek kies om nie langer deur vrees beheer te word nie.

Ek kies God se krag.
Ek kies Sy liefde.
Ek kies ’n gesonde gemoed.

Ek kies om VREESLOOS, VRY & FABULOUS te leef!

-Blom-

27/08/2026

Opgewonde...

Ons is opgewonde....

Elke Sondag Middag 17:00 gaan ons Praise & Worship

Na die tyd ietsie Saam eet
Heerlik kuier🙏
Vroeg genoeg klaar sodat jy reg kan wees met Maandag Se voorbereiding...

Kom geniet jouself in die teenwoordigheid van Heilige Gees.

Bring jou vriende Saam🙏

Cowley Laan
Woord in Waarheid bediening Oudtshoorn

27/08/2026

ALLES VIR HOM

Daar kom ’n tyd wanneer God jou begin stroop van die groot “E” in EK.

Van die EK wat wil beheer.
Die EK wat wil verstaan.
Die EK wat wil besluit hoe dinge moet gebeur.

Die EK wat sê: “Maar wat van my?”

Want wanneer Hy jou roep,
roep Hy hard.

Hy vra nie net ’n stukkie van jou hart nie.
Hy wil alles hê.

Nie ’n bietjie vir Hom en ’n bietjie wat jy vir môre terughou nie.

Nie ’n gedeelte wat jy in ’n kissie wegsteek vir “net ingeval” nie.

ALLES.
Jou hart.
Jou drome.
Jou planne.
Jou toekoms.
Jou beheer.
Jou wil.
Jou hele lewe.

“Ek is met Christus gekruisig, en ék leef nie meer nie, maar Christus leef in my.”
Galasiërs 2:20

Dit is nie maklik om daardie groot EK weg te kry nie.

Want ons wil graag God volg, maar soms wil ons nog steeds die stuurwiel vashou.

Maar as jy wil word wat Hy vir jou gedroom het, moet jy bereid wees om jou eie ek neer te lê.

“As iemand agter My aan wil kom, moet hy homself verloën, elke dag sy kruis opneem en My volg.”
Lukas 9:23

Soms vat God dinge uit jou hande uit, nie omdat Hy jou wil vernietig nie, maar omdat Hy jou wil leer om heeltemal op Hom te vertrou.

“Vertrou op die Here met jou hele hart en steun nie op jou eie insig nie. Ken Hom in al jou weë, dan sal Hy jou paaie gelykmaak.”
Spreuke 3:5–6

Soms voel dit asof Hy alles om jou wegvat, sodat Hy jou kan leer dat Hy alles vir jou is.

Soms word jy gestroop van mense.
Van planne.
Van sekerhede.
Van gemak.
Van dit waarop jy altyd gesteun het.
En dit maak seer.

Maar daar, in daardie plek waar jy niks meer het om aan vas te hou nie, leer jy om aan Hom vas te hou.

En wanneer jy uiteindelik sê:
“Here, nie my wil nie U wil.”
begin iets diep binne jou verander.

“Hy moet meer word, maar ek minder.”
Johannes 3:30

Die oomblik wanneer jy van JOUSELF gestroop word, kry Christus meer ruimte om in jou te leef.

Hy vorm jou.
Hy herstel jou.
Hy bou jou weer op.
“...totdat Christus in julle gestalte gekry het.”
Galasiërs 4:19

En dan, op Sy tyd, lig Hy jou op.
Hy gee jou weer vaste grond

Hy sit jou op ’n ROTS.
Nie sodat jy kan sê:
“Kyk wat het ék reggekry.”
Maar sodat jy kan sê:
“Kyk wat het MY GOD gedoen.”

“Die Here is my rots en my vesting en my redder...”
Psalm 18:3

Daarom — stick with the process.

Al maak dit seer.
Al verstaan jy nie.
Al voel dit asof jy alles verloor.
Al vra God jou om iets neer te lê wat vir jou kosbaar is.
Moenie die proses verlaat net omdat dit moeilik geword het nie.

God is besig om iets in jou te doen wat jy dalk vandag nog nie kan sien nie.

“Hy wat ’n goeie werk in julle begin het, sal dit voleindig tot op die dag van Christus Jesus.”
Filippense 1:6

Laat die EK kleiner word.
Laat CHRISTUS groter word.
Gee Hom jou alles.

Want wanneer jy ophou om jou lewe self te probeer beheer, ontdek jy dat die Een wat jou geroep het, altyd geweet het waarheen Hy jou neem.

Hy vat soms alles weg om jou te wys dat Hy genoeg is.
En wanneer daar niks van die ou EK oorbly om aan vas te hou nie sal jy ontdek dat JESUS nog altyd daar was.

Alles vir Hom.
Alles aan Hom.
Alles deur Hom.
Nie my wil nie.
Nie my plan nie.
Nie my beheer nie.
Maar U, Here.
U alleen.

-Blom-