Maranatha - Jesus is Coming / Jesus kom weer

07/09/2026

'n Proses van suiwering.

Dan sal Hy hulle aanspreek in sy toorn, en in Sy grimmigheid sal Hy hulle verskrik. Psalm 2:5.

Integniteit is noodsaaklik vir leierskap wat God eer. Net soos suiwer goud die resultaat is van 'n suiwel- eringsproses wat die metaal suiwer en met vuur toets, is 'n lewe van integriteit die resultaat van 'n suiweringsproses waarin jy draaglik getoets word om die suiwerheid van jou hart te toets.
As God sien jou gedagtes en dade word toemenend suiwer deur sy toetsing, is jou karakter besig om meer soos Syne te word en is jy geleidelik besig om te verander in iemand met integriteit.

Is jou karakter besig om meer of minder soos God sin te word?

07/09/2026

Nuutgevonde beteken.

Want vroeër was julle duisternis, maar nou is julle lig in die Here. Wandel soos kinders van die lig.
Efesiërs 5:8.

As jy elke dag Jesus se voorbeeld probeer volg, sal jy nooit 'n vervelige lewe hê nie! Wanneer jou verhouding met Hom groei sodat jy maklik sy doel in jou lewe raaksien, kry jou lewe nuwe betekenis.
Om hierdie soort lewe te hê moet jy elke dag Jesus se voorbeeld volg. Jesus was egter volmaak, en jy is nog nie; daarom sal jy altyd uitgedaag word om hard daaraan te werk.
Wat kan jy vandag doen om Jesus se voorbeeld te volg?

07/09/2026

Wys dat jy omgee.

Ek sal julle nuwe leiers gee volgens my keuse. Hulle sal julle met insig en kennis lei. Jeremia 3:15.

As 'n leier moet jy Christus se voorbeeld volg in jou omgee vir dié wat jy lei. Goeie leiers hou die hele persoon in gedagte - nie net produktiwiteit nie. Hulle erken en bevestig die verskillende rolle en vermoëns van verskillende mense.
Soms is dit nodig om ruimte te laat vir die werklikheid dat mense almal 'n persoonlike stryd voer en uitdagings het om te hanteer. Maar God belowe om jou wysheid te gee en' n hart wat omgee sodat jy vir die mense wat jy lei, kan wys dat jy besorg is oor hulle.
Is dit nodig dat jy groter besorgdheid en begrip toon teenoor die mense in jou invloedsfeer?

07/09/2026

Hy is aan jou kant.

As God vir ons is, wie kan teen ons wees?
Romeine 8:31.

Die bose kan dit nie verdra om Jesus te sien of selfs sy Naam te hoor nie. As jy leef op 'n manier dat ander Jesus duidelik in jou kan sien, is daar goeie en slegte nuus. Die slegte nuus is dat jy teenkanting en vervolging kan verwag omdat jy glo.
Satan is teen Jesus gekant, so as jy aan Jesus se kant is, is jy 'n vyand van Satan. Die goeie nuus is dat met Jesus aan jou sy jy nie die geveg om vir Jesus te leef sal verloor nie. Selfs al is die hele wêreld teen jou, is God vir jou.
Hy belowe om in hierdie lewe vir jou oorwinning oor sonde te gee en uiteindelik sal jy die ewige lewe beërwe en saam met hom in die hemel woon. Wat 'n wonderlike belofte en wat 'n wonderlike vooruitsig.
Ervaar jy teenkanting op geestelike gebied?

07/09/2026