VGK Moorreesburg

05/06/2026

JEUGMAAND 2026

Sondag 7 Junie 2026
Kinderdoop

Tema: Geroep van die Moederskoot Af

🎺 Jeugbrigade tree op
Prediker: Ds. LL Prins
Tyd: 09:00

Almal is welkom!
Kom aanbid saam en vier God se verbondstrou met ons kinders. 💙🙏🏻

04/06/2026

Baie dankie aan ons Kinderbond-kinders wat Maandag, op Ds. Prins se verjaarsdag, vir hom pragtige kaartjies gemaak het.

Ek het elkeen sorgvuldig gelees, en my hart is oorweldig met liefde en dankbaarheid vir al ons kindertjies. Julle mooi woorde, gebede en wense word opreg waardeer. Mag die Here elkeen van julle ryklik seën.

Met baie liefde en waardering,
Ds. Prins ❤️🙏🏻🌷

03/06/2026

Thank you all for the birthday wishes, messages, and prayers. I truly appreciate your kindness and love. God bless you all! 🙏🎉🎂

Lysander ❤️🙏

01/06/2026

🎉 Baie Geluk met Ds. Lysander Prins se Verjaarsdag! 🎉

Vandag, 1 Junie, vier ons met dankbaarheid die verjaardag van ons leraar, Lysander Prins.

Mag die Here u ryklik seën met gesondheid, krag, wysheid en vreugde vir die nuwe lewensjaar wat voorlê. Dankie vir u getroue bediening, leiding en liefde vir die gemeente. Ons bid dat God u sal versterk in u roeping en dat u steeds tot seën vir baie mense sal wees.

📖 "Die Here sal jou seën en jou beskerm; die Here sal tot jou redding verskyn en jou genadig wees; die Here sal jou gebede verhoor en aan jou vrede gee!" – Numeri 6:24-26

Baie geluk en geseënde verjaarsdag, Ds. Lysander! 🎂🎈🙏🏻

Van die Kerkraad en Gemeente.

29/05/2026

Sondag 31 Mei 2026
Prediker: Afrika Adams
📖 Daniel 5:23–30

Tema:
Die Here is steeds in beheer

Almal welkom!

28/05/2026

23/05/2026

VGK Moorreesburg
Afsluiting van Pinkster 2026
met Heilige Nagmaal

Tema: “Voetspore wat volhard tot die einde”
📖 2 Timoteus 4:7

Prediker: Ds LL Prins

“Ek het die goeie stryd gestry,
ek het die wedloop voltooi,
ek het die geloof behou.”

Almal hartlik welkom om saam die Here te aanbid en die Heilige Nagmaal te vier.
Mag hierdie afsluiting van Pinkster ons opnuut versterk om getrou in die voetspore van Christus te volhard tot die einde. ✨🙏

22/05/2026

Met groot hartseer neem ons afskeid van ons kollega en vriend, Trevor Links.

Vanaand se Pinksterdiens het juis begin met hierdie woorde:

“Elke mens laat spore waar hy loop. Party spore verdwyn vinnig, maar ander bly lank sigbaar. As kinders van God is ons geroep om geestelike voetspore te laat – spore wat mense na Jesus lei.”

Vandag besef ons opnuut hoe waar hierdie woorde is. Ds Trevor se voetspore van geloof, nederigheid, liefde en diensbaarheid sal in baie harte voortleef.

Ons plaas twee kosbare herinneringe:
• Die eerste foto waar Ds. Lysander Prins vir Ds Trevor gelukwens met sy bevestiging by VGK Strand.
• Die tweede foto waar Ds. Kyle Mendoor saam met Ds Trevor is tydens sy laaste besoek aan VGK Moorreesburg, met Ds Kyle se proefpreek as finalejaarstudent.

Ons troos ons aan die Here se belofte dat dié wat in Hom glo, die ewige lewe het.

Rus sag, Ds Trevor.
Dankie vir die spore wat u agterlaat.
U bediening en vriendskap sal nie vergeet word nie.

Ons innige meegevoel en gebede gaan aan sy familie, geliefdes, gemeentes en kollegas 😭🙏❤️

19/05/2026

Hemelse Vader

Ons kom vandag as gemeente van die VGK Moorreesburg in nederigheid na U toe. Ons dra vir ds. Trevor Links aan U genadetroon op. Here, U ken sy liggaam, sy pyn, sy stryd en elke oomblik wat hy nou in die hospitaal deurgaan.

Ons bid dat U u genesende hand oor hom sal hou. Gee wysheid en insig aan elke dokter, verpleegster en persoon wat hom behandel. Bring krag waar daar swakheid is, hoop waar daar onsekerheid is en vrede waar daar vrees is.

Here, ons vra dat U hom sal dra in hierdie kritieke tyd. Wanneer ons as mense magteloos voel, herinner ons daaraan dat niks vir U onmoontlik is nie.

Wees ook naby aan sy familie en geliefdes. Troos hulle harte, versterk hulle geloof en laat hulle U teenwoordigheid op ’n besondere manier ervaar.

Ons plaas hom in U hande, Here Jesus, die Groot Geneesheer. Laat U wil geskied, maar omvou hom met U genade, liefde en ontferming.

In Jesus Christus se Naam bid ons dit.

Amen❤️🙏🙏🙏

16/05/2026

VGK Moorreesburg

Pinkster 2026
Tema: In die voetspore van die Herder

Vanaf Maandag 18 Mei tot Donderdag 21 Mei 2026
vind ons Pinksterdienste ook in die oggend plaas.

🕙 Oggenddienste: 10:00
🕖 Aanddienste: 19:00

Kom wandel saam in die voetspore van die Herder
met oop harte, gebed en verwagting.

Almal welkom❤️ 🙏
Pinkster 26