AGS Moorreesburg Sentraal

08/09/2026

Goeie môre geliefdes, wat 'n pragtige dag na die donker nag.

Vader, skenk ons krag om alles te kan vermag wat dié dag van ons verwag. Skenk ons geduld as ons moet WAG.

As ons kwaad raak, hou ons stemme sag. Leer ons om eerder vir ons self te lag, 'n glimlag te gee eerder as om vir een te wag.

Maak ons elke sekonde bewus van U Skepping se prag. Laat ons nooit twyfel aan U Liefde, Genade, Grootheid & Mag nie, amen?!!!

Geseënde dag!
Ps David

06/09/2026

03/09/2026

Goeie môre geliefdes!

Vanoggend lê die HERE onverwags hierdie boodskap op my hart en ek lees 1 Petrus 1:16 wat sê;- omdat daar geskrywe is: Wees heilig, want Ek is heilig.

DAAR WAS 'n TYD GEWEES DAT DIT 'n BEDREIGING WAS VIR DIE DUIWEL OM HEILIG TE LEWE, MAAR VANDAG IS DIT 'n BEDREIGING VIR DIE MODERNE KERK OM HEILIG TE LEWE, AMEN?!!!

JESUS liefde aan elkeen ❤️
Ps David.

29/08/2026

Goeie môre geliefdes!

Vanoggend lees ek, I Kor 10:10 wat sê;- En moenie murmureer soos ook sommige van hulle gemurmureer het nie, en hulle het deur die verderwer omgekom.

En ek deel met elkeen vanoggend soos ek dit in my gees ervaar:-

Die lewe sterf as jy ophou droom.....Hoop sterf as jy ophou glo.....Liefde sterf as jy ophou omgee.....Droom, glo, gee om en leef.....Doen moeite en waardeer jou geliefdes om jou elke dag.....Ons weet nie wanneer die doodsengel 'n geliefde kom haal nie.....Sy tyd is nie ons tyd nie.....Sê dankie uit jou hart en geniet elke dag wat God jou bied. Dit is GENADE!!!

Geseënde dag en JESUS liefde vir elkeen ❤️
Ps David.

28/08/2026

Goeie môre geliefdes!

Vanoggend kom die gedeelte in my gees op en dit is, Psalm 25:3;- "Niemand wat sy verwagting in U Stel, sal beskaam word nie"

In oomblikke wanneer jy siek is en voel jy is heeltemal alleen, bid een van jou broers, susters of vriende iewers vir jou.

Ons bid in geloof, want ons hou vas aan beloftes soos hierdie, dankie dat U luister en ons nie beskaam sal staan nie, amen?!!!

Geseënde dag gevul met Jesus liefde.
Ps David.

24/08/2026

Goeie môre geliefdes!

Ek wi graag vir elkeen bid en spesiaal vir die jongmense wat met hulle record eksamens begin.

Vanoggend bid ek Jakobus 1:5-6;- En as iemand van julle wysheid kortkom, laat hom dit van God bid, wat aan almal eenvoudig gee sonder om te verwyt, en dit sal aan hom gegee word. Maar hy moet in die geloof bid, sonder om te twyfel; want hy wat twyfel, is soos 'n golf van die see wat deur die wind gedrywe en voortgesweep word.

Wanneer jy jou kant bring en die HERE vra, sal Hy jou, glo net Hy sal.

Mag die HERE elkeen se verstand open en weet dat die HERE van die Leërskare sal presies doen, net wat Hy sê, amen?!

Loof die HERE vir Sy beloftes en geseënd is elkeen wat bid en glo!

JESUS liefde❤️
Ps David