Die Gereformeerde Kerk Klerksdorp-Noord

12/06/2026

Baie dankie aan almal wat ons Senior Lidmaat Ete gister bygewoon het. Dit was ’n voorreg om saam te kuier, herinneringe te deel en God se seëninge te vier. Dankie aan elkeen wat gehelp het om die dag so spesiaal te maak.

Dankie aan al ons senior lidmate vir julle getrouheid en die waardevolle bydrae wat julle deur die jare tot ons gemeente gemaak het.

Dankie as al die susters wat so hard gewerk het om die oggend moontlik te maak!

“Gryshare is ’n sierlike kroon; dit word gevind op die weg van geregtigheid.” – Spreuke 16:31.

Fotokrediet: Mejandra photography Klerksdorp

08/05/2026

Wat ’n geseënde dag by die Gereformeerde kerk Klerksdorp Noord!

Die susters (en Ds André) was weer hard aan die werk.

Ons wonderlike susters het vandag heerlike jaffels gemaak met baie liefde, lag en saamkuier.
Dankie aan elkeen wat gehelp, ondersteun en dit saam geniet het. Dis spesiale dae soos dié wat ons gemeente nog nader aan mekaar bring. 🙏❤️

05/04/2026

Ons gemeente was so geseënd vandag om weer ‘n Verbondskindjie te doop. Geluk aan Derik en Lelanie Pretorius met die doop van hulle seuntjie, Corné (Cornelius Frederick). Ons is baie dankbaar dat ons die spesiale dag met julle kon deel.

Psalm 68 vers 9
Geloofd sy God met diep ontsag,
want Hy oorlaai ons dag aan dag
met ryke seëninge.
Wie sou Hom dan nie dank bewys,
die God van saligheid nie prys,
met al die hemelinge?
Dié God van volle saligheid
versterk ons in die dag van stryd
en dra ons deur die lewe.
Hy kan en wil en sal in nood,
selfs as ons sidder vir die dood,
volkome uitkoms gewe.

02/04/2026

Paasdiens Vrydagoggend 8:00

15/03/2026

Ons was alweer so bevoorreg gewees om ‘n verbondskindjie te doop vandag.
Ons is so dankbaar om saam met Wian en Maryke du Plooy die spesiale dag te vier waar klein Reghard gedoop is.

Wat ‘n vreugdevolle dag!

Psalm 68: 9
Geloofd sy God met diep ontsag,
want Hy oorlaai ons dag aan dag
met ryke seëninge.
Wie sou Hom dan nie dank bewys,
die God van saligheid nie prys,
met al die hemelinge?
Dié God van volle saligheid
versterk ons in die dag van stryd
en dra ons deur die lewe.
Hy kan en wil en sal in nood,
selfs as ons sidder vir die dood,
volkome uitkoms gewe.

07/02/2026

ONTBYT - BYMEKAARKOMS

Wat ’n besonderse oggend van saamwees.
Dankie aan elkeen wat vanoggend ons ontbyt-byeenkoms bygewoon het. Dit was kosbaar om saam te kuier, te lag en mekaar beter te leer ken. Dankbaar vir gemeenskap, goeie kos en God se seën oor ons kerkfamilie.

25/01/2026

Ons het vandag weer die voorreg gehad om deel te wees van die teken van God se verbondsgenade deur die doop van br. Jan-Albert en sr. Nerene de K**k se seuntjie Lihan.

Psalm 128 vers 4

Mag ryke seëninge
uit Sion jou bedou;
mag jy dié goeie dinge
van Sionstad aanskou!
Mag jy nog, op jou bede,
'n nakroosseen verkry!
En, God van alle vrede,
mag Isr'els vrede bly!

22/12/2025

30/11/2025

‘n Spesiale oggend hier by ons met ons Kerssangdiens. Wat ‘n voorreg om al die pragtige kersliedere vanoggend saam te sing. Ons het heerlik geëet en gekuier. Dankie vir die susters wat so hard gewerk het om die kerk en saal feestelik te laat lyk.

11/11/2025

‘n Heerlike oggend kuier saam met ons predikantsvrou. Baie geluk met jou verjaarsdag Isabel, mag die nuwe jaar geseënd wees. Dankie vir al die susters wat so LEKKER saam gekuier en gelag het.