AGS Huis van Restourasie

09/09/2026

Heilige Gees Klas - Bespreek asseblief by die Kerkkantoor indien jy wil bywoon sodat ons die regte voorbeireiding kan doen. 071 488 3647
"Julle sal krag ontvang wanneer die Heilige Gees oor julle kom.."
Vir enige iemand wat belangstel om meer van die Heilige Gees of die werking van die Heilige Gees te leer, bied ons 21 September 2026 om 18:00 'n Heilige Gees klas by die Kerk aan.
Indien jy nog nie met die Gees vervul is nie en jy graag ook jou Hemelse taal wil ontdek, is hierdie klas vir jou! Almal welkom, klein kindertjies sal ongelukkig nie toegelaat word nie sodat daar nie enige steurnis is tydens hierdie belangrike tyd van bediening nie.

09/09/2026

Verander jou seer in herstel met DivorceCare
​Gaan jy deur die pyn van ’n egskeiding of skeiding? Jy hoef nie alleen daardeur te gaan nie. DivorceCare bied ’n veilige, omgee-omgewing waar jy deur Bybelse bemoediging en praktiese leiding herstel, hoop en nuwe lewe ná die seer kan vind.
​Begin: Maandag, 21 September (13 weke)
​Plek: AGS Huis van Restourasie Kerk
​Koste: R200 vir die werkboek
​Kom stap saam met mense wat verstaan. Tydens hierdie sessies gaan ons ook kinders tussen 7 en 13, wat ook deur hierdie egskeidings seer gemaak is, bedien word, met Divorce Care vir kinders. Daar sal 'n kinderoppasser wees vir kinders jonger as 7. Vir registrasie en navrae, kontak die kerkkantoor of vir Ferdie. Daar is lewe ná die seer!

08/09/2026

Pastoor Herman Steyn
Gebed: Waar die Gees van die Here is, is daar vryheid!
AGS Huis van Restourasie

06/09/2026

Pastoor Herman Steyn
Selfbejammering kan jou Vernietig!
AGS Huis van Restourasie Kimberley

05/09/2026

“Selfbejammering kan jou vernietig.” Dit is die tema vir môre se boodskap. Selfbejammering maak jou blind vir wat God wil doen en dit sit die fokus op jouself, jóu seer, jóu verlies, jóu liefde, jóu omstandighede en hoe onregverdig die lewe is. Dit mag alles die waarheid wees, maar dit sal niks in jou lewe beter maak nie. Inteendeel, dit maak dit erger, want ons verloor God, die Krygsman wat red, uit die oog. Ons glo Hy gee nie om nie. Wees versigtig vir selfbejammering, dit kan jou vernietig.

Moenie dat die koue jou môre weghou van wat God vir jou wil doen nie. Staan op en daag op. Dit maak saak vir God! Sien jou daar. Seën en vrede vir jou! Pastoor Herman

04/09/2026

🔥 SIEN JOU SONDAG BY DIE KERK! 🔥
Kom beleef die teenwoordigheid van God saam met ons!
Bring iemand saam en kom ons aanbid, groei en geniet God se teenwoordigheid as ’n familie.
Kom met verwagting!

03/09/2026

Gaan volg ons nuwe Renew Facebook blad🪷🌹

https://www.facebook.com/share/19M4En41Vu/

Personal blog

02/09/2026

Pastoor Herman Steyn - AGS Huis van Restourasie Kimberley

02/09/2026

Vandag vier ons ’n kosbare mens in ons Gemeente, Natasha!🐶🌹

Jy is iemand wat ongelooflik hard werk en altyd bereid is om die ekstra myl te stap. Jy sit meer moeite, tyd en liefde in elke taak as wat van jou verwag word. Jy doen soveel agter die skerms wat nie altyd raakgesien word nie, maar wat ’n geweldige verskil maak in die funksionering van ons Gemeente.

Jou toewyding, betroubaarheid, geduld en bereidwilligheid om te help, word opreg waardeer. Jy hanteer elke verantwoordelikheid met sorg en probeer altyd om dinge op die beste moontlike manier te doen. Jou werk is nie bloot net ’n “taak" nie — dit is ’n manier waarop jy dien en ’n bydrae lewer tot God se Koninkryk.

Baie dankie vir elke oproep wat jy beantwoord, elke boodskap wat jy stuur, elke detail wat jy onthou, elke reëling wat jy tref en elke keer wat jy bereid is om net nóg ’n bietjie te doen om dinge reg te kry.

Ons waardeer nie net wat jy doen nie, maar ook wie jy is. Jou teenwoordigheid, jou hart en jou diensbaarheid maak ’n verskil in ons Gemeente.

Mag jy vandag weet hoe kosbaar en waardevol jy is. Mag die Here jou seën vir elke uur, elke opoffering en elke stukkie moeite wat jy met liefde gee.

Gelukkige Sekretaressedag, Natasha!

Ons is dankbaar vir jou en vir die besondere rol wat jy in ons Gemeente vervul.

“En wat julle ook al doen, doen dit van harte soos vir die Here en nie vir mense nie.” – Kolossense 3:23

01/09/2026

⛪ PERSONEEL SPANBOU ⛪
Baie dankie aan Hennie van der Westhuizen wat vir ons personeel ’n fenomenale en verrykende spanbouprogram aangebied het!
Dit was besonders om te sien hoe ons personeel as een span saamwerk, mekaar ondersteun en saam uitdagings aanpak. Ons glo dat God ons nie geroep het om alleen te staan nie, maar om saam te werk, mekaar te versterk en mekaar op te bou.

“So is ons almal saam een liggaam in Christus en elkeen afsonderlik lede van mekaar.” — Romeine 12:5

Mag ons altyd onthou dat eenheid krag bring, en dat wanneer ons in liefde en samewerking saamstaan, ons ’n groter verskil kan maak in die lewens van ander.
Dankie, Hennie, vir ’n besondere tyd van spanbou, groei, samewerking en verbondenheid.
Saam staan ons sterker. Saam dien ons beter. Saam bou ons aan God se Koninkryk.