Gereformeerde Kerk Kempton Park

16/05/2026

Gemeentefunksie, aangebied deur ons susters. Spreker: Dr. Louise Stoker oor die onderwerp van verhouding tussen ouers en volwasse kinders.

12/05/2026

10 Mei 2026 Gemeente-ete. Lekker saamkuier en -eet.

20/04/2026

Veels geluk aan Marleen Cowley, wat gekies is as SAKOV se streeksverteenwoordiger vir die Johannesburg, Oos- en Wesrandstreek.

31/03/2026

Nog 'n grepie uit ons Paasfeeskonsert. Dankie aan Naomie van der Walt wat dit aangestuur het.

30/03/2026

30/03/2026

Paasfeeskonsert 28 Maart 2026

30/03/2026

Saterdag 28 Maart 2026. Ons Paasfeeskonsert het plaasgevind met uitmuntende kunstenaars soos Prof. Gideon Els en sy Ffortissimo vokale ensemble, Prof Theo van Wyk voor die orrel, Mathew Downey agter die tromme en die mezzo-sopraan Aukse Trinkunas.
Baie dankie aan Michelle Botha en Marie Verhoef vir die foto's en videogrepies.

14/02/2026

Vanoggend het die susters die seniorlidmate en belangstellendes getrakteer met 'n baie interessante program en heerlike eetgoed.
Gawie Verhoef het geopen deur Ps. 25: 2 te laat sing, te lees uit Romeine 12 en 'n gebed te doen. Daarna het Ansie vir Ds. Eddie Tiemensma en sy eggenote Leonie, bekendgestel en verwelkom. Leonie het 'n vermaaklike voorlesing uit die pen van Audrey Blignault gedoen en toe kom die hoogtepunt van die program. Ds. Eddie lewer 'n insiggewende en baie interessante praatjie oor sy stokperdjie en belangstelling - Sampioene. Almal was vasgenael met sy voorlegging.
En natuurlik kom die groot en lekker saamkuier oor 'n bord van verskeidenheid eetgoed met vrugtesap aan die b***t, met koffie/tee en 'n soetigheid as afsluiting.
Voorwaar 'n baie gesellige geleentheid. Baie dankie aan die susters!!

12/02/2026

HOE KOOP EK ‘N KAARTJIE VIR DIE PAASKONSERT?
Daar is drie maniere:
1. Keer vir Sr Marleen Cowley by die kerk voor na die oggenddiens op ’n Sondag. Gee vir haar die kontant vir die aantal kaartjies wat jy benodig, en sy gee vir jou jou kaartjies in ruil daarvoor, of -
2. stuur vir Sr Marleen ’n Whatsapp na 083 454 1485 of ’n e-pos na [email protected] om haar te laat weet dat jy kaartjies wil koop. Sy sal vir jou die toepaslike bankbesonderhede stuur, asook ’n verwysingsnommer wat jy vir jou betaling moet gebruik (die verwysingsnommer is baie belangrik, sodat die boekhouer jou betaling kan raaksien! Moet asseblief nie jou naam as verwysing gebruik nie). Sodra jy betaal het, stuur aan Sr Marleen die bewys van betaling, en sy stuur vir jou jou kaartjies per Whatsapp of e-pos, wat jy ook al sou verkies. Bring asseblief jou kaartjies saam na die konsert toe om toegang tot die kerk te verkry. Jy kan dit op jou foon ook saambring en by die deur toon, of -
3. indien jy ’n laatslaper is en op die laaste nippertjie besluit dat jy tog nie hierdie wonderlike geleentheid wil misloop nie, kan jy op die dag van die konsert by die deur ’n kaartjie kom koop. Let wel dat daar weens veiligheidsredes geen kontant by die deure aanvaar sal word nie, jy kan slegs met ’n kaart betaal.
Ons sou egter verkies dat kaartjies voor die konsert aangekoop word, ten einde vertragings by die deur te verhoed en ter wille van vasstelling van getalle vir die voorbereiding van die verversings wat tydens die pouse bedien sal word.
Ons wag om van u elkeen te hoor, onthou, dit is die gemeente se konsert hierdie!

10/02/2026

Ons eerste lekker saamkuier en gemeente-ete vir 2026