https://www.facebook.com/101223432337423/

Gereformeerde Kerk Boksburg

Home
South Africa
Boksburg
Gereformeerde Kerk Boksburg

Welkom by die blad van die Gereformeerde Kerk Boksburg! Neem asseblief die vrymoedigheid om te loer, vrae te vra en om vir ons n boodskap te los.

Mag die Here jou ryklik seën.

11/09/2026

Hier waar ons so al hoe nader aan die einde van die jaar kruip en waar ons lewens ook maar besig is, dan kan ons baie vinnig oorweldig en uitgeput voel. Hierdie Sondag 09:00 kyk ons as gemeente saam na Jesus se uitnodiging in Matteus 11 : 28 – 30 “Kom na My toe almal wat uitgeput en oorlaai is”. So as jy moedeloos is, het jy hierdie troos ook nodig.

Ons het ook weer Kleuterkerk vir al ons "Lidmaatjies" en die katkisasie is met les 19 besig. Onthou ook van ons Lofprysingsdiens Sondagmiddag 15:00 waar ons die Here gaan prys en ook gaan luister Lanie en na die Alberton Mannekoor! 😊

Baie sterkte met die res van jou naweek en mag die Here jou ryklik seën

05/09/2026

Môreoggend 9 uur gaan ons as gemeente na 2 Kronieke 7 kyk en bietjie saam kyk wat die rede vir ons lofprysing en lewe is. En ons gaan ook mooi sien Hoe wonderlik en groot die Here is.
Daar is weer kleuterkerk vir al ons “lidmaadjies” en die katkisasie is ook Sondag na die diens met les 18 besig. Na die tyd kuier ons almal lekker saam in die saal.

Mag die Here jou in Sy liefde toevou en ons bid vir al ons mede broers en susters wat swaarkry en baie ellende beleef.

Baie groete, bly warm en geniet die lente.

28/08/2026

Met al die Chaos wat ons daagliks beleef kan mens wonder of die Here regtig besig is om alles nuut te maak. Hierdie Sondag 09:00 kyk ons saam na Genesis 4 en Openbaring 4 en ons kry dan die wonderlike troosvolle antwoord op hierdie vraag. En ons is baie bly en dankbaar dat Ds. Andries Kruger Sondag weer by ons kuier.

Daar is weer kleuterkerk vir al ons “lidmaadjies” en die katkisasie is ook Sondag na die diens met les 17 besig. Na die tyd kuier ons weer lekker saam in die saal.

Kom ons dra mekaar aan die Here op en ons hou mekaar vas. Mag die Here jou in sy liefde toevou.

22/08/2026

Môre se Nagmaalsdiens begin 10:00 en ons is dan besig met die laaste Ek-Is” uitspraak van Jesus waar ons koning sê: ”Ek is die ware wingerdstok” Môre gaan ons veral hoor hoe afhanklik ons van Hom is en dat ons naby aan Hom moet bly. Onthou na die tyd kuier ons lekker saam in die saal met die liefdesmaaltyd. As jy nog wil kom saam eet, laat weet dringend vir Wilma.

Mag die Here jou seën en ons sien mekaar DV môre.

14/08/2026

Ons maak hierdie Sondag 09:00 DV “UITEINDELIK” klaar met ons Daniël reeks en ons gaan sien dat die Here van my en jou verwag om op Hom te vertrou, vir Hom te lewe en om aan te hou tot die einde toe. As jy op ŉ moeilike plek in jou lewe is, dan het jy verseker die troos van hierdie laaste hoofstuk van Daniël nodig.

Ons het ook weer kleuterkerk vir al ons “lidmaatjies” en die katkisasie is ook hierdie Sondag besig met les 16. Na die tyd kuier ons almal lekker saam in die saal! Onthou ook van ons Lofprysingsdiens Sondagaand 18:00. Ons gaan saam die Here loof en Prys en bietjie fokus op ons stiltetyd.

Mag die Here jou seën en mag jy ook weet dat God jou nooit los nie.

08/08/2026

verken en sien dat Deur GELOOF kies jy vir Jesus Christus. Die diens word gelei deur Ds. Daan Bakker. Na die tyd kuier ons almal saam in die saal.

Mag die Here jou seën en mag jy ook weet dat die Here jou nooit los nie!

01/08/2026

Môre 09:00 gaan ons voort met ons Daniël reeks en ons gaan saam in Daniël 11 leer dat ons net op die Here kan vertrou as ons standvastig in hierdie donker wêreld wil lewe.

Ons het weer kleuterkerk vir al ons “lidmaatjies”, waar ons na Daniël in die leeukuil gaan kyk. Ons het ook weer katkisasie en die kategese is môre met les 15 besig. Na die tyd kuier ons almal lekker saam in die saal en ons geniet ŉ lekker warm koffie in hierdie koue weer.

Almal is welkom.

Mag die Here jou seën en in Sy liefde toevou.

24/07/2026

Partykeer voel dit vir ons asof ons gebede nêrens kom nie en asof die stryd om ŉ kind van die Here te wees net te groot raak.

Daniël 10 herinner ons: God hoor. God regeer. God laat sy kinders nie alleen nie. Sondag 09:00 ontdek ons saam hierdie troosvolle woorde met ons Daniël reeks:

_“Moenie bang wees nie, jy vir wie God liefhet. Wees sterk! Wees sterk!” – Daniël 10 : 19_

Daar is ook weer kleuterkerk vir al ons “Lidmaatjies” En ons skop ook hierdie Sondag na die diens af met hierdie kwartaal se katkisasie en die katkisante is Sondag besig met Les 14. Na die diens kuier ons almal lekker in die saal en almal is welkom!

18/07/2026

Môre 9 uur gaan ons voort met ons Daniël reeks. Ons gaan saam meer leer gebed en hoe groot en genadig die Here is. Daar is weer kleuterkerk vir ons “lidmaatjies” en na die diens kuier ons almal baie lekker saam in die saal. Sien jou môre!

10/07/2026

Hierdie Sondag 09:00 gaan ons uit Lukas 7 hoor hoe kosbaar ons Here Jesus Christus is en hoe groot sy genade is. Ons kry ook net weer die versekering dat ons altyd by die Here kan huil en dat Hy al ons trane sal afdroog. Daar is nie hierdie Sondag kleuterkerk vir ons lidmaatjies nie. Ons hervat weer volgende Sondag. Ons gaan ook DV volgende Sondag voort met ons reeks uit Daniël.
Ek hoop jy het n baie rustige naweek en mag die Here jou in sy liefde toevou en ons sien mekaar DV Sondag.

Address

Corner Of Scribante And Serfontein Street, Libradene
Boksburg
1463

Opening Hours

09:00 - 11:00

Telephone

+27724543589

Website

facebook.com

Alerts

Be the first to know and let us send you an email when Gereformeerde Kerk Boksburg posts news and promotions. Your email address will not be used for any other purpose, and you can unsubscribe at any time.

Want your place of worship to be the top-listed Place Of Worship in Boksburg?