NGK Welgemoed

03/06/2026

NATANIËL IN CONCERT

Donderdag 20 Augustus 2026
19:00
NG Kerk Welgemoed
15 Diazstraat, Welgemoed

Hierdie heerlike amper-Lentekonsert bestaan uit stories in Afrikaans, asook musiek, oud en nuut, bekend, immergroen en oorspronklik. Fantasie, humor, waarhede en wyshede, kwessies en kwellinge, vrae en antwoorde, al die elemente uit die Nataniël-skatkis word saamgebring!

Nataniël deel die verhoog met Steinway-pianis Charl du Plessis.
Kostuums is ontwerp deur Floris Louw.

KAALKOPWINKEL: Nataniël se nuutste boek, SWEETIE, asook sy ander onlangse boeke, keramiek, kombuis-olies en kerse is by die vertoning beskikbaar. Charl du Pessis se twee splinternuwe cds sal ook beskikbaar wees.


90 minute
Geen pouse
Geen kinders onder 14
Bespreek nou by seatme.co.za
Direkte skakel op nataniel.co.za
(gaan na SHOWS-blad)
https://www.seatme.co.za/events/natanil-in-concert

27/05/2026

https://youtu.be/rYEXLkqhHxA

Nyd de videoer og den musik, du holder af, upload originalt indhold, og del det hele med venner, familie og verden på YouTube.

21/05/2026

Kindermoment Sondag 17 Mei: Hoe werk die sluiter van n Polaroid kamera?

20/05/2026

Bewoording saam met die video vir Sosiale Media en Broadcast:

WEES ‘n BORG EN MAAK WERKLIK ‘n VERSKIL WAAR JOU HART IS...

Welgemoed Kerk Ondersteun 16 organisasies …

Deur ‘n borg te wees, maak JY ‘n verskil en kry jy blootstelling op Sosiale Media, verskillende WhatsApp groepe, die aand van die Fees, en op ander maniere wat jy met Pieter de Swart en Karen du Toit kan bespreek.

Voorwaar ‘n wen-wen vir jou, die kerk en die instansie van jou hart!

20/05/2026

Pinkster 2026: Heerlike sop en hope pret.

19/05/2026

Noordhoek meisieskap 2026

19/05/2026

Kinderpinkster 🕊️: Ons ontdek God se unieke eienskappe deur ‘n ruimtereis te onderneem deur die heelal, die ISS te besoek en te leer van hoe ruimtevaarders die ruimte ervaar en elke dag daarso leef en hoe hulle hul tande borsel?! 😄 Ons vlieg saam met Artemis II om die maan en land dan terug op die aarde in die Bybelse tyd en kyk hoe God ons leer van sy liefde, wysheid en hoe Hy alomteenwoordig is in ons lewens elke dag. Kindrrs kan saam kom reis Maandag 18 Mei tot 21 Mei @ 18:00-19:00.

17/05/2026

Welgemoed Kunstefees
Ons soek jou kuns
ALLE KUNSTENAARS!
Professioneel of Beoefen jy dit as stokperdjie?
Wees deel van die Welgemoed Kunstefees
12-22 September 2026
Lê jou werk voor vir uitstalling & verkoop
Vir Verdere Inligting Whatsapp
Arina Cilliers (082 925 0326) voor 1 Julie 2026

16/05/2026

PLASSO — Christus vorm sy gemeente.

Oor drie weke neem ons 'n reis deur Openbaring 1–3 en ontdek hoe Christus self, die Een wat tussen sy gemeentes wandel, ons vorm — as individue, as gesinne en as gemeente saam. Deur die lens van die sewe gemeentes besin ons eerlik oor ons verlede, ons hede en wat God se voorkeurtoekoms vir ons is.

Soos 'n Polaroid-foto wat stadig ontwikkel in lig, tyd en stilte — so werk God in ons. Die beeld verskyn. Christus is getrou.

Sluit by ons aan vir hierdie vormingsreis — in kleingroepe, in gesinsbybelstudies, en in persoonlike stiltetyd.

15/05/2026

Barmhartigheid-uitreik: Magdalenahuis

Ons Barmhartigheid-uitreik na Magdalenahuis op Vrydag 15 Mei was ’n groot sukses!

Dit was ’n heerlike saamkuier-geleentheid waar daar gelag, geleer en gedeel is. Die dames het geleer hoe om doeke te vou, saam kolwyntjies geniet, en ook stilgestaan by die betekenis van die wapenrusting van God.

Dankie aan elkeen wat betrokke was en op praktiese wyse liefde en omgee sigbaar gemaak het. Só word barmhartigheid hande en voete.