Die Bybel

Die Bybel Die doel van hierdie blad is om gereeld Bybelverse uit te lig wat jou lewe wil verryk. Jy word aangemoedig om self ook die hoofstukke in jou Bybel te lees.

24/06/2026

Here, Almagtige, u oordeel is reg, U sien raak wat diep in 'n mens is. Laat my sien hoe U my vyande straf want ek gee my saak in u hande. Sing tot eer van die Here, loof Hom! Hy red die arme uit die mag van slegte mense. (Jeremia 20:12-13, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/JER.20.12-JER.20.13

22/06/2026

God het die kind hoor huil, en die Engel van God het uit die hemel na Hagar geroep en vir haar gesê: “Wat is dit, Hagar? Moenie bang wees nie, want God het die kind daar waar hy lê, gehoor. Staan op, tel die kind op en troos hom, want Ek sal hom 'n groot nasie laat word.” Toe het God haar oë oopgemaak en sy het 'n put met water gesien. Sy het die velsak vol water gaan maak en vir die kind water gegee. God was by die kind en hy het groot geword.
(Genesis 21:17-20a, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/GEN.21.17-GEN.21.20

19/06/2026

'n Mens gee tog nie sommer jou lewe prys nie, selfs nie vir 'n regverdige nie. Ja tog, vir 'n goeie mens sal iemand miskien nog die moed hê om te sterwe. Maar God bewys sy liefde vir ons juis hierin dat Christus vir ons gesterf het toe ons nog sondaars was. (Romeine 5:7-8, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/ROM.5.7-ROM.5.8

17/06/2026

Juig tot eer van die Here, almal op aarde! Dien die Here met blydskap! Kom voor Hom met gejubel! Erken dat die Here God is: Hy het ons gemaak en ons is Syne, ons is sy volk, sy eie kudde. Gaan sy poorte binne met dankliedere, sy tempel met lofsange, dank Hom, prys sy Naam, want die Here is goed, aan sy liefde is daar geen einde nie, sy trou duur van geslag tot geslag. (Psalm 100:1-5, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/PSA.100.1-PSA.100.5

12/06/2026

Deurdat Abraham geglo het, het God hom dus vrygespreek. Dat hy vrygespreek is deurdat hy geglo het, is nie net ter wille van hom opgeteken nie, maar ook ter wille van ons wat vrygespreek sal word, óns wat in God glo wat vir Jesus, ons Here, uit die dood opgewek het. Hy is vanweë ons oortredings oorgelewer en Hy is opgewek sodat ons vrygespreek kan word. (Romeine 4:22-25, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/ROM.4.22-ROM.4.25

10/06/2026

Lof is die offer wat jy aan God moet bring. Betaal jou geloftes aan die Allerhoogste. Roep My aan in die dag van benoudheid: Ek sal jou uithelp en jy sal My eer.” (Psalm 50:14-15, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/PSA.50.14-PSA.50.15

08/06/2026

Die Here het vir Abram gesê: Trek uit jou land uit, weg van jou mense en jou familie af na die land toe wat Ek vir jou sal aanwys. Ek sal jou 'n groot nasie maak, Ek sal jou seën en jou 'n man van groot betekenis maak, en jy moet tot 'n seën wees. Ek sal seën wie jou seën, en hom vervloek wat jou vervloek. In jou sal al die volke van die aarde geseën wees.” Abram het toe weggetrek, gehoorsaam aan die woord van die Here ... (Genesis 12:1-4a, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/GEN.12.1-GEN.12.4

05/06/2026

Jesus kom toe nader en sê vir hulle: “Aan My is alle mag gegee in die hemel en op die aarde. Gaan dan na al die nasies toe en maak die mense my dissipels: doop hulle in die Naam van die Vader en die Seun en die Heilige Gees, en leer hulle om alles te onderhou wat Ek julle beveel het. En onthou: Ek is by julle al die dae tot die voleinding van die wêreld.” (Matteus 28:18-20, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/MAT.28.18-MAT.28.20

03/06/2026

Verder, broers, wees bly, streef na die geestelike volwassenheid, aanvaar vermaning, wees eensgesind, leef in vrede. En die God van liefde en vrede sal by julle wees! Groet mekaar met die soen van Christelike broederskap. (2 Korintiërs 13:11-12a, 1983-vertaling)

Lees die Bybel gratis aanlyn: https://www.biblesa.co.za/af/bybel/AFR83/2CO.13.11-2CO.13.12

Address

Edwardstraat 134
Bellville
7536

Website

, , ,

Alerts

Be the first to know and let us send you an email when Die Bybel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category