Indianapolis Buddhist Community

05/24/2026

သရဏမဉ္ဇူကျောင်းတိုက် (Indianapolis Buddhist Community) စတင် တည်ထောင်သည်မှစ၍ ကိုဝင်းဟန်+မဇာဇာတို့ မိသားစုသည် ကာယအား ဥာဏအား၊သဒ္ဓါတရားများစွာဖြင့် ကျောင်းတိုက်အဖွဲ့အစည်းကြီးအား တတ်အားသရွေ့ ထောက်ပံ့လှူဒါန်းမှုများစွာပြုလုပ်ခဲ့ပါသည်။

အဖွဲ့အစည်း၏ ဖွံ့ဖြိုးတိုးတက်ရေး၊ စည်းလုံးညီညွတ်ရေးနှင့် သာသနာရေးလုပ်ငန်းများတွင် အချိန်၊ အားထုတ်မှုနှင့် စေတနာများဖြင့် ပါဝင်ဆောင်ရွက်ပေးခဲ့သည့်အတွက် Indianapolis Buddhist Community မှ အထူးကျေးဇူးတင် ဂုဏ်ပြုအပ်ပါသည်။

ပြည်နယ်ပြောင်းရွှေ့မည်ဖြစ်သော ကိုဝင်းဟန်+မဇာဇာတို့ မိသားစုဝင်များအားလုံး ကိုယ်ကျန်းမာ စိတ်ချမ်းသာ၍ ကောင်းကျိုးမင်္ဂလာအပေါင်းနှင့် ပြည့်စုံကြပါစေ။

05/18/2026

သာသနာ့မြေကွက် အလှူရှင်
သရဏမဉ္ဇူကျောင်းတိုက် သာသနာ့ဝတ္တကမြေ အလှူရှင် ကိုစိုင်းဇော်အောင်+ မနေခြည်လဲ့ သမီး၊ နန်းစု၊ နန်းမြတ် မိသားစုတို့မှ ယခင် မြေ၅ ကွက် ယခု မြေ ၁ကွက် စုစုပေါင်း ၆ ကွက်ကို မြတ်ဗုဒ္ဓသာသနာ အဓွန့်ရှည်တည်တံ့ပါစေခြင်းအကျိုးငှာ ရည်မှန်း၍ လှူဒါန်းပါသည်။
အလှူရှင်မိသားစု သက်ရှည်ကျန်းမာ စိတ်ချမ်းသာ လိုအင်ဆန္ဒပြည့်ဝပါစေ။

05/13/2026

05/13/2026

ယနေ့ သရဏမဥ္ဇူကျောင်းတိုက်၌ ဘုရားအမှူးရှိသော သံဃာတော်အရှင်မြတ်တို့အား စောမျိုးချစ်ဦး+မဏ်ိစန္ဒာဦး သား Alex Oo သမီး ချယ်ရီဦးတို့က သမီးလေး၏ တနှစ်ပြည့် မွေးနေ့ အထိမ်းအမှတ်အဖြစ် နေ့ဆွမ်းဆက်ကပ်လှူဒါန်းခြင်း၊ သာသနာ့ဝတ္တကကျောင်းမြေ တကွက်လှူဒါန်းကြပါသည်။

ဤကောင်းမှုကုသိုလ်အစုစုတို့ကြောင့် သမီးလေး ချယ်ရီဦး နှင့်တကွ မိသားစုအားလုံး၊ ဆွေမျိုး မိဆွေအပေါင်းတို့သည် သက်ရှည်ကျန်းမာ စိတ်ချမ်းသာစွာဖြင့် မိဘအကျိုး၊ သာသနာ့အကျိုးကို သယ်ပိုးနိုင်သူများ ဖြစ်ကြပါစေ။

05/12/2026

သာသနာ့အကျိုးကို ရှေးရှုလျက် နယူးယောက်ခ်မြို့၊ လောကချမ်းသာကျောင်းဆရာတော် ဥုးပညာဇောတ မှ သရဏမဉ္ဇူကျောင်းတိုက်အတွက် သာသနာ့ဝတ္တကမြေ (၁) ကွက်ကို မွန်မြတ်စွာ လှူဒါန်းတော်မူပါတယ်။

ဤကောင်းမှုကုသိုလ်အစုစုအတွက် ဆရာတော်နှင့်တကွ အားလုံးသော ဒကာ၊ ဒကာမအပေါင်းတို့ သာဓုအနုမောဒနာ ခေါ်ဆိုနိုင်ကြပါစေကုန်သတည်း။

ဆရာတော် ကျန်းမာ ချမ်းသာ သာသနာပြုနိုင်ပါစေဘုရား။ 🙏🙏🙏

05/10/2026

ယနေ့ သရဏမဉ္ဇူကျောင်းတိုက်ရှိ ဟောင်းနွမ်းဆွေးမြေ့နေသော ခြံစည်းရိုးများကို အသစ်တဖန် ပြန်လည်ပြုပြင်မွမ်းမံမှုများ ပြုလုပ်ခဲ့ကြပါသည်။

ဝေယျာဝစ္စ လုပ်အားဒါန ကုသိုလ်ယူကြသူများမှ စိတ်အားထက်သန်စွာဖြင့် တက်ကြွစွာ ဝိုင်းဝန်းဆောင်ရွက်ကြသည့်အတွက် အားလုံးအဆင်ပြေချောမွေ့စွာ ပြီးစီးခဲ့ပါသည်။

အာဟာရဒါနဖြင့် ကျွေးမွေးလှူဒါန်းသူများမှာ-
• ဒေါက်တာတင့်ဆွေ + ဒေါ်မြမြအေး
• ကိုနိုင်ကျော်မင်း + မသန်းသန်းအေး
• ကိုမောင်မောင်ဦး မိသားစု
အလှူရှင်အသီးသီးတို့မှ ကုသိုလ်ဒါနပြုကြပါသည်။

ဤသို့သော စုပေါင်းကုသိုလ် အစုစုတို့ကြောင့် လုပ်အားဒါနပြုကြသူများ၊ အာဟာရဒါန အလှူရှင်များနှင့်တကွ မိသားစုဝင်အားလုံး ဘေးရန်ကင်းကွာ ကျန်းမာချမ်းသာကြပြီး ဘဝခရီးလမ်းတွင် လုံခြုံနွေးထွေးကြပါစေ။

စုပေါင်းအင်အားဖြင့် ကုသိုလ်ပန်းများ ပွင့်လန်းတဲ့နေ့ဖြစ်ပါသည်။

05/07/2026

May.6.2026 ဗုဒ္ဓသာသနာတော်မြတ်ကြီး ရေရှည်တည်တံ့ခိုင်မြဲစေရန် ရည်သန်၍ ၅၅နှစ်မြောက် မင်္ဂလာနှစ်ပတ်လည် အထိမ်းအမှတ်အဖြစ်
သရဏမဉ္ဇူကျောင်းတိုက်ရှိ သာသနာ့မြေနေရာအတွက် ဦးအောင်ကြည်ညွန့်+ဒေါ်လဲ့လဲ့စန်း မိသားစုမှ A-255 မြေကွက်ကို လှူဒါန်းပူဇော်ပါသည်။
ဤသို့ သာသနာတော်အတွက် မြေအလှူ လှူဒါန်းရသော ကောင်းမှုကုသိုလ်အစုစုတို့ကြောင့် အလှူရှင်မိသားစုသည် အန္တရာယ်ကင်း၍ စိတ်ချမ်းသာ၊ ကိုယ်ကျန်းမာစွာဖြင့် လိုအင်ဆန္ဒများ ပြည့်ဝပါစေ။

05/02/2026

ကဆုန်လပြည့်နေ့ ဗုဒ္ဓနေ့ ဥပုသ်သီလဆောက်တည်

05/01/2026

ကဆုန်လပြည့် ဗုဒ္ဓနေ့ နေ့ထူးနေ့မြတ် အချိန်အခါသမယတွင် သရဏမဉ္ဇူကျောင်းတိုက်၌ ဘုရားအမှူးရှိသော သံဃာတော်အရှင်သူမြတ်တို့အား ဆွမ်းဆက်ကပ်လှူဒါန်းခြင်း၊ ဥပုသ်သီလဆောက်တည်ခြင်း၊ တရားထိုင်ခြင်း၊ မေတ္တာပွါးခြင်း အမျှပေးဝေခြင်း၊ ညောင်ရေသွန်းခြင်းအစရှိသော ကုသိုလ်ထူး ကုသိုလ်မြတ်များကို စုပေါင်း၍ ပြုလုပ်ခဲ့ပါသည်။

နေ့ဆွမ်း အလှူဒါနအဖြစ် ကိုမောင်လေး+မလဲ့တို့နှင့် တကွ ဥပုသ်သည်များမှစုပေါင်း၍ ဆွမ်းကပ်လှူဒါန်းကြပါသည်။

ဗုဒ္ဓနေ့ အထိမ်းအမှတ်အဖြစ် ပရိဘောဂစေတီထိုက်သော ဗောဓိညောင်ပင်အား ဘုရားဂုဏ်တော်ပွါးများ၍ ကြည်ဖြူအေးမြစွာ ညောင်ရေသွန်းခြင်း။

ယနေ့ပြုရ ကုသိုလ်အစုစုတို့ကြောင့် ဒါယကာ ဒါယိကာမတို့အားလုံးတို့သည် သက်ရှည်ကျန်းမာ စိတ်ချမ်းသာ ကောင်းကျိုးလိုအင်ဆန္ဒပြည့်ဝကြပြီး ဘေးရန်ခပ်သိမ်းကင်းငြိမ်းကြပါစေ။

#ကဆုန်လပြည့် #ဗုဒ္ဓနေ့ #ညောင်ရေသွန်းပွဲ #သရဏမဉ္ဇူကျောင်းတိုက် #အလှူတော် #သာဓုသာဓုသာဓု

04/30/2026

သရဏမဉ္ဇူကျောင်းတိုက်၌ သီတင်းသုံးတော်မူသော ဘုရားအမှူးရှိသော သံဃာတော်အရှင်မြတ်တို့အား May လ အတွက် နေ့စဉ် ဆွမ်းအလှူရှင်များဖြစ်ပါသည်။

ဆွမ်းလှူဒါန်းခြင်း၏ အကျိုးထူး (၅) ပါး

၁။ အသက်ရှည်ခြင်း (အာယု) - ဆွမ်းလှူသည့်အတွက် မိမိလည်း အသက်ရှည်ရခြင်း။
၂။ အဆင်းလှခြင်း (ဝဏ္ဏ) - ရုပ်ရည်ရူပကာ ကြည်လင်တောက်ပခြင်း။
၃။ ချမ်းသာခြင်း (သုခ) - ကိုယ်စိတ်နှစ်ပါး အေးချမ်းသာယာရှိခြင်း။
၄။ ခွန်အားကြီးခြင်း (ဗလ) - ကိုယ်ခန္ဓာသန်စွမ်းပြီး အင်အားနှင့် ပြည့်စုံခြင်း။
၅။ ဉာဏ်ပညာကြီးခြင်း (ပဋိဘာန) - အရာရာကို ဝေဖန်ပိုင်းခြားနိုင်တဲ့ အသိဉာဏ်ပညာကြီးမားခြင်း။

ဆွမ်း ဒကာ ဒကာမ အပေါင်းတို့သည် ဘေးရန်ကင်းကွာ ကျန်းမာ ချမ်းသာကြပါစေ။

04/29/2026

သရဏမဉ္ဇူကျောင်းတိုက်၌ သီတင်းသုံးတော်မူကြသော ဘုရားအမှူးရှိသော သံဃာတော်အရှင်မြတ်တို့အား (ကိုဝဏ္ဏတင့်ဆွေ) အား ရည်စူး၍ ဒေါက်တာတင့်ဆွေ + ဒေါ်မြမြအေး မိသားစုမှ ဆွမ်းဆန်အစရှိသော လှူဖွယ်ဝတ္ထုအစုစုတို့ကို ဆက်ကပ်လှူဒါန်းခဲ့ပါသည်။
ဤကောင်းမှုကုသိုလ်အစုစုတို့ကြောင့် အလှူရှင်မိသားစုဝင်များ အားလုံး ဘေးရန်ဝေးကွာ၍ ကျန်းမာ ချမ်းသာကြပါစေ။