16/08/2026
SAGANTAA DILBATAA (SUNDAY PROGRAM SERVICE)
✍️ KABAJA AYYYAANA DAA'IMMANII(MUCOOLII) KAN BARA 2018.
👆Egaan guyyaa har'aa akka waldaa keenyaatti kabaja ayyaana daa'immanii kabajaa turreerra.
✍️Waaqayyoo kallattii garaa garaan nu tajaajilaa tureera.
✍️ Keessattu kara Daa'imman(Mucoolii) keenyaa Waaqayyoo nuu faarfatamaa,waaqeffamaa,kadhatamaa fi nu barsiisaa... tureera.
👇 Guyyaa kana sababeeffachuun sagalee Waaqayyoo kara garaa garaa soorrachaa turre, muraasa yoo isiniif qoodne...
✍️ KUNUUNSA MAATII.
👆Egaan "maatiin" dhaabbata guddaa Waaqayyoo biyya lafaa kana irratti hundeesse dha.
✍️ Dhaabbata kanas dhiiraa(Addaam) fi dhalaa(Hewwaan) gidduutti hundeesse.
●📖 UMA 2:21-24
👆 Kanaaf hundeessaan dhaabbata kanaa Waaqayyoo dha.
✍️ Dhaabbanni kun immoo kan yeroof hundaa'ee diigamu utuu hin ta'iin walittii fufiinsa kan qabuu dha.
👆 Maarree dhaabbanni kun akka itti fufuuf hundeessaan dhaabbata kanaa Waaqayyoo dhaabbata kana ni eebbise.
✍️ Dhaabbanni kun itti haa fufuuf kallattii garaa garaan eebbiseera.
👆 Eebba kana keessaa inni hangafnii fi ol-aanaan Dhalaan ykn Ijoollee dhaan dhaabbata maatii jedhamu kana eebbise.
●📖 FAR 127:3, UMA 4:1-2, UMA 1:28
✍️ Egaan macci hamma kana baay'atu har'a addunyaa kana keessa jiran hundi maddi isaa eebba Waaqayyo dhaabbata kana eebbise irraa dhufee dha.
●📖 UMA 1:28
✍️ Kanaaf hundaa ol Addunyaa kana kunuunsuu gaafa yaadnu bakka nuti irratti xiyyeeffachuuf dursa kennuuf qabnu dhaabbata "Maatii" jedhamu kana ta'uu qaba jechuu dha.
✍️ Egaan Waaqayyoo dhaabbanni kun akka kunuunfamuu fi akka itti fuufiinsa qabaatuuf itti gaafatamummaa guddaa waliin kan inni itti kenne keessaa muraasa yoo ilaalle:-
1,Maatii(Abbaa fi haadha)
👆 Egaan hundaa ol maatiin ga'ee guddaa qabu.
✍️ Keessattuu dhaabbanni maatii jedhamu kun
" Daa'imman" Waaqayyoo kennaa godhee nuuf kenne kunuunsuun isa ol-aanaa dha.
●📖 QOL 3:18-21
✍️ Keessattu kan nuti dagachuu hin qabne Daa'imman keenyaaf uffata,nyaata fi foon isaaniif waan barbaachisu guutuun dirqama maatii irraa eegamu akkuma ta'e.
👆 Fakkeenyummaa gaarii Ijoollee Waaqayyoo kennaa godhee nuuf kennetti agarsiisuun ga'ee keenya ba'uu qabna. Sababni isaa waan nuti itti himnu caalaa waan nuti goonu hordofu waan ta'eef.
👆 Akkasuma Daa'imman kun waa'ee isa uumaa isaanii ta'e Waaqayyoon akka hubatan, beekan gochuun barsiisuun kadhachuuniif gorsuun hubannaa sagalee Waaqayyo akka qabaatan itti gaafatamummaa guddaa Waaqayyoo maatiitti kenne dha.
●📖 FKN 22:6
2, Waldaa Kristiyaanaa.
👆 Egaan hundaa ol Waldaan Kristiyaanaa dhaabata maatii jedhamu kana dubbii sagalee Waaqayyoon sooruun,barsiisuun, qajeelchuun,kadhachuufiin.... kunuunsuu fi itti fuufsiisuuf ga'ee guddaa fi itti gaafatamummaa guddaa Waaqayyoo itti kennee dha.
●📖 2Xim. 2:2
3, Hawwasaa fi Biyya.
👆 Hawwasaa fi Biyyi isaan keessa jiraatanis ga'ee guddaa qabu jechuu dha.
●📖 1Sam 2:26, Luq 2:40
✍️ Kanaaf walumaa galatti Dhaabbata kanaaf kununsaa fi itti fuufiinsa akka qabaatu gochuun, egereen maatii,Waldaa Kristiyaanaa fi addunyaa kanaa itti fufee akka jiraatuuf dirqamaa fi itti gaafatamummaa guddaa nu jira.
🙏🙏🙏
