Majlisa Naqamtee-ነቀምቴ መጅሊስ

28/05/2026

Ergaa Dura Bu'aa Mana Maree Dhimmoota Islaamummaa Magaalaa Naqamtee
kan Ta'an Sheek.Tamaam Muhammed

27/05/2026

Salaata Iidal Adaha Magaalaa Naqamtee.

Hudaa Miidiyaa Daandii Qajeelluma.

26/05/2026

Ergaa Baga Geessanii Dura Bu'aa Mana Maree Dhimmoota Islaamummaa Magaalaa Naqamtee Sheek.Tamaam Muhammed Baga Ayyaana Idal Adaha Bara Hijraa 1447 tiin Isin Gahe!!!
EID MUBARAK

25/05/2026

Ergaa M/M/DH/IS/ Itoophiyaa Ayyaana Iid Al-Adhaa (Arafaa) ilaalchisee

Majlisa Buunnoo Beddellee
Caamsaa: 17/09/2018
🕌 Ummanni Musliimaa Ayyaana Iid Al-Adhaa (Arafaa) sababeeffatee Muslimtoonni duudhaa Islaamummaa isaa eeggatee, wal gargaaruun fi namoota harka-qalleeyyii deeggaruun akka kabaju Manni Maree Waliigalaa Dhimmoota Islaamummaa Itoophiyaa waamicha dhiyeesseera.

Ayyaanichi amanamummaa, obsaafi wareegama Nabiyyullaah Ibraahiim (A.S) kan itti yaadatamu ta’uu ibsuun, nageenya biyyaaf du’aa’ii gochuu fi tokkummaa uummattootaa cimsuun akka barbaachisu hubachiiseera.

Baga Ayyaana Iid Al-Adhaa isin gahe! 🌙🤲

Madda: Manni Maree Waliigalaa Dhimmoota Islaamummaa Itoophiyaa

25/05/2026

Manni Maree Dhimmoota Islaamummaa Magaalaa Naqamtee
الحمدلله الذي بنعمته تتم الصالحات
Guyyaa (16/09/2018) Sagantaa garaa garaa taasifneen.
1ffaa Dhimma Ayyaana Iidal Adahaa ilaalchisee dargaggootaa fi Shamarran gahee garaa garaa qaban faana mariin taasifamee kallattiin laatameera.
2ffaa Sagantaan qubsiisa Aalimaa (Imaamaa) masjiida Salaamii fi masjiida Shek Umar irratt taasifameera.
3ffaa akkasumas Sagantaan Eebba Barattoota qur-aana Xumuranii Hoteela milkoomitti kalaawii Qur-aanaa Mubaarak Naasiriin taasifameera.

07/05/2026

Ibsa Gumii Ulamoota Fatwaa Mana Maree Ol'aanaa Dhimmota Islaamummaa Oromiyaa.

Caamsaa 06, 2026
Zul-Qa’idaa 19, 1447 Finfinnee

Gumiin Fatwaa Mana Maree Ol'aanaa Dhimmota Islaamummaa Oromiyaa, hawaasni Muslimaa naannichaa keessa jiruu fi Biyya alaa keessa jiru qabiyyee dogoggorsaa miidiyaalee hawaasummaa irratti babal’atuun akka hin gowwoomne akeekkachiise.

Namoonni dhuunfaa tokko tokko seera shari’aa fi saayinsii Haala gadi fageenya qabuun osoo hin hordofin, hordoftoota baay'ifachuu fi dhibbaa uumuuf qofa qabiyyee dogoggorsaa kana bifa adda addaan babal’isaa jiru.

Akeekkachiisni kun kan dhufe, yaadolee bu’uura amantii waliin wal faallessan kanneen akka Hadiisa Sahiih ta’an morman, dubbii ulamaa’ii xiqqeessuu fi beekumsa malee fatwaa kennuuf ija jabaachuu irratti hundaa’uun babal’achaa waan dhufeefidha.

Kun immoo hubannoo hawaasaa fi tasgabbii amantii irratti balaa guddaa uuma. Gumiin Ulamootaa kun odeeffannoo argatan madda isaa mirkaneeffachuun, gara ulamaa’ii amanamoo ta’anitti deebi’suun fi waan miidiyaa hawaasummaa irratti dhiyaatu hunda duubaan deemuu dhiisuun barbaachisaa ta’uu mirkaneessee jira.

miidiyaalee hawaasummaa yommuu tajaajilaman haala duudhaalee Islaamummaa tajaajiluun fi tokkummaa hawaasaa eeguun akka Itti fayyadamanis Gumiin Ulamootaa akeekkachiisee jira.

Dabalataan, daa’iiwwanii fi dhaabbileen dhimmi ilaallatu dargaggoota barsiisuu , beekumsa sirrii ta’een isaan ijaaruu,gahoomsuu fi daandii giddu-galeessummaa (wasaxiyyaa) cimsuun, akka isaan jallina yaadaa fi gochaawwan sirna hin qabne irraa fagaatan gochuu irratti gahee isaanii akka bahan fi Namoonni tokko tokko Yeroo, Yeroon ajandaa uumun Hawaasa burjaajessanis kanaan booda akka of qusatan akeekkachiisa dabarsee jira.

Ibsi kun , Manni Marichaa hawaasa Muslimaa Naannoo Oromiyaa dhibbaa hamaa ta’an jalaa eeguu, hubannoo amantii Qur’aanaa fi Sunnaa irratti hundaa’e akkasumas hubannoo salafoota ummataa irratti hundaa’e ibsa baasee Jira.

Majlisa Oromiyaa - የኦሮሚያ መጅሊስ -المجلس أوروميا
Bara

21/03/2026

Iid Mubaarak.
Bulchiinsa Magaalaa Naqamteetti Kabaji Ayyaana Iid Al-faxir waggaa 1447ffaa haala duudhaa amantii islaama eegateen gaggeeffamee jira.

20/03/2026

الحمد لله الصلاة والسلام على رسول الله
وبعد:
Kabajamtoota Hawaasa Muslimaa Magaalaa naqamtee irra deebi'uun baga Ayyaana waggaa kan bara 2018/1447tiin Rabbi isin gahe jechaa guyyaa hardhaa namuusaa fi tasgabbii olaanaa duudhaa amantii islaamaa argisiisuun sirna Ibaadaa keenyaa daran waan miidhagsitaniif Guddaa,Xiqqaa,Dhiira,Dubartii,Dargaggoo fi shamarran hundi keessanuu galatoomaa,rabbi Anaaf hojjettan isiniin haa jedhu.
Akkasumas Kabajamoo Kantiibaa Bulchiinsa Magaalaa Naqamtee Obbo Masarat Haayluu fi itti Gaafatamaa Paatii Badhaadhinaa Gargaaraa porofeeseraa Obbo Malaakuu Geetahuun Guddaa Guddaa galatoomaa .
Haaluma kanaan Itti Gaafatamaa Bulchiisaa fi Nageenya Magaalaa Naqamtee Obbo Abiyoot Kiisii fi waa'illan isaanii hanga uummanni keenya nagaan bahee salaatee galattu eegumsaaf deggerasa garaagaraa taasisaa oolan galatoomaa jechaa warra Uwwisa Miidiyaa tiin numiidhagsan galatoomaa, qamoonni garaagaraa Ayyaana keenya nuwaliin dirree baatanii numiidhagsitan galatoomaa.
Keessummaa gareen Dargaggootaa Faaris Muusaa fi Muzammil Qaasim iin gurmooftanii sagantaa salaata iidaa keenyaa nuuf qindeessitan baayyee baayyee galatoomaa.
Miindaan keessan jaalala Rabbii fi Jannata Ol Aana akka ta'u Rabbirra isiniif kajeella, Jechaa qur-aana jecha rabbii irraa Aayata tokko qofa isiniifis ta'ee ofii kootiifis dhaamsa gochuun ergaa koo xumura.

وَاعْبُدُوا اللَّهَ وَلَا تُشْرِكُوا بِهِ شَيْئًا ۖ وَبِالْوَالِدَيْنِ إِحْسَانًا وَبِذِي الْقُرْبَىٰ وَالْيَتَامَىٰ وَالْمَسَاكِينِ وَالْجَارِ ذِي الْقُرْبَىٰ وَالْجَارِ الْجُنُبِ وَالصَّاحِبِ بِالْجَنبِ وَابْنِ السَّبِيلِ وَمَا مَلَكَتْ أَيْمَانُكُمْ ۗ إِنَّ اللَّهَ لَا يُحِبُّ مَن كَانَ مُخْتَالًا فَخُورًا﴾
[ النساء:
Kabajamtoota Ilma namaa hundi keessan.
1,Rabbi tokicha gabbaraa isa bira homaa hin qabinaa(hin qindeessinaa)
2,Haadhaa fi Abbaa keessan itti tola oolaa.
3,Fira keessanitti tola oolaa.
4,Ijoollee Abbaa hin qabne kunuunsaa.
5,Harka qalleeyyii warra qabeenya hin qabne garaagaraa.
6,Ollaa isa fira keessan ta'etti tola Oolaa.
7,Ollaa isa fira keessan hin ta'inittis tola oolaa.
8,Haadha warraa keessan(hiriyyaa keessan)nitti tola Oolaa.
9,Nama karaa(Emala keessa jiru,keessummaa karaa darbutti)tola Oolaa.
10,Warra hooggansa keessan jala jiraatan tola itti Oolaa,
Ijoollee ,Dubartoota,namoota mana keessan jiraatanii fi Beelladoota illee haqa isaanii eeggadhaa..
Rabbiin warra boonuu ykn kooruu fi Oftuulu hin jaallatuu ,boonaa fi oftuuluu irraa faagaadha.
Nagaa tahaa.
nagaa yaadaa.
nagaa hojjedhaa.
Tokkummaa keeessan cimsadhaa,wal hubadhaa,qindoomaa,dhiifama waliif godhaa,wal gargaaraa,wal jaalladhaa.
Bara kana wanti kayrii isin yaa yaaddan hundi isiniif haa milkaa'u.
Waan sharrii hunda Rabbi najaa isin haa baasu.
والسلام عليكم ورحمة الله وبركاته.

20/03/2026

Bitootessa 11, 2018 Naqamtee.

Bulchiinsa magaalaa Naqamteetti Ayyaanni Iid Al-Faxiri waggaa 1,447ffaan karaa duudhaa amantichaa eegeen kabajamee jira.

Walitti qabaan Mana Maree Dhimmoota Islaamummaa Magaalaa Naqamtee Sheek Tamaam Mohammad hawaasa Musiliimaan baga ayyaana Iid Al-faxiri waggaa 1447ffaa geessan jedhanii, gaaffiileen hawaasa Musiliimaa magaalaa Naqamtee deebii argachuu isaa ibsanii, guddina misoomaa fi nageenya magaalaa keenyaa keessatti hirmaannaan hawaasaa musiliimaa cimee itti fufuu qabas jedhaniiru.

Kantiibaan bulchiinsa Magaalaa Naqamtee Obbo Masarat Hayiluu, ayyaanicha irratti haasaa taasisaniin misoomaa fi nageenya magaalaa keenyaa keessatti gahee hawaasaa olaanaa ta'uu ibsanii, Gara fuula duraattis waliin taanee misooma magaalaa saffisiisuun barbaachisaa ta’uu himaniiru.Nageenyi waaraan akka jiraatuuf amantoota garaa garaa gidduutti tokkummaa cimaan akka jiraatu gochuun barbaachisaadha jedhanii, bakka nageenyi hin jirretti waaqeffachuun, daldaluu, barachuuniifi misoomni biroon akka hin milkoofne hubachuun hunduu nageenya naannoo isaafi magaalaa isaa eeguu keessatti qooda isaa bahuu qabas jedhaniiru.

Dhumarratti itti gaafatamaa Paartii Badhaadhinaa damee magaalaa Naqamtee gargaaraa Piroofeesaraa Malaakuu Geetaahun, obbolummaa fi tokkummaa cimsuun misoomaa fi nageenya magaalaa keenyaaf waliin hojjechuun barbaachisaadhaa jechuun dhaamaniiru.

Namoonni kabaja ayyaanichaa irratti hirmaachaa turan tokko tokkos yeroo ayyaana kana kabajnu namoota harka qalleeyyii naannoo keenyaa nyaachisuun ta'uu qabas jedhaniiru.

20/03/2026