Lig en Lewe Christen Familiesentrum

Lig en Lewe Christen Familiesentrum 'n Interkerklike en onafhanklike denominasie wat fokus op Jesus, redding van siele en die gemeenskap!

10/06/2026

Laat jou hoop in Jesus wees
Rom 15:13 En mag die God van die hoop julle vervul met alle blydskap en vrede deur die geloof, dat julle oorvloedig kan wees in die hoop deur die krag van die Heilige Gees!
Mag die God van hoop, jou vanoggend vul met verwagting, en oorvloed. Hulle wat op Jesus hoop, sal nooit beskaamd staan nie. Hulle wat op Jesus hoop sal oorwinning op oorwinning beleef. Wees oorvloedig in hoop, as ander in sak en as sit, hoop ons op God. Toe Job in sak en as sit, sy vrou sê, wat hoop jy nog op God, toe sê Job, my verlosser leef. Hy het op God gehoop, en geweet, die goeie is voor die deur.
Joh 14:1 Laat julle hart nie ontsteld word nie; glo in God, glo ook in My.
Moenie na die wêreld en omstandighede kyk nie, Kyk na Jesus, glo Sy Woord en staan in die vrede van Hom. Jou omstandighede is nie jou uitkoms nie, die hoop in Jesus is jou verwagting. As dit goed gaan, moenie jou hoop in Jesus verruil vir trots nie, bly op Hom hoop en leef uit Sy genade. Hoop is ń klein woordjie, maar dit is die krag van ons bestaan. Sit nie jou hoop in die goed van die wêreld nie, sit dit in Jesus. Hy roep die dinge wat nie bestaan nie asof dit bestaan.
1 Pet 1:8 vir wie julle, al het julle Hom nie gesien nie, tog liefhet; in wie julle, al sien julle Hom nou nie, tog glo en julle verbly met ‘n onuitspreeklike en heerlike blydskap,
Verbly jou in die Here, dit gee hoop, dit bou jou geloof en gee jou vrede. As jy jou in die Here verbly dan kom die oorwinning met ń spoed na jou toe. Dan groei hoop in jou hart soos ń paddastoel. Hoop op Hom in die nag, hoop op Hom in die uitdaging, hoop op Hom as alles ellendig is, en jy sal oorwinning behaal.
Blessings

09/06/2026

Wat ń Koning dien ons!
Col 1:13 Hy wat ons verlos het uit die mag van die duisternis en oorgebring het in die koninkryk van die Seun van sy liefde,
Col 1:14 in wie ons die verlossing het deur sy bloed, naamlik die vergifnis van die sondes.
Daar is net een koning wat dit kan doen, en dit is Koning Jesus. Daar is net een wat jou vry kan maak van sonde, en dit is Jesus. Hy het gesterf, die dood oorwin, opgestaan en aan ons ewige lewe kom geskenk. Jesus is in staat om elke band te breek wat ons bind. Hy het die vermoë om jou Sy ongelooflike heerlikheid te laat sien. Hy haal ons uit die duisternis en plant ons in die lig. Sy liefde is die krag van ons bestaan, en die waarborg vir ons voortbestaan.
Heb 2:14 Aangesien die kinders dan vlees en bloed deelagtig is, het Hy dit ook op dieselfde manier deelagtig geword, sodat Hy deur die dood hom tot niet kon maak wat mag oor die dood het—dit is die duiwel—
Ons Koning het die heerlikheid van die hemel verlaat en by ons in die duisternis kom woon. Hy het dit gedoen, om ons uit die duisternis te haal, en in Sy lig te bring. Hy het die mag van die duiwel verbreek, en ons Sy ewige liefde laat ervaar. Ons Koning het medelye met Sy mense, en het ons kom bewaar van die verderwer. Hy is ons waarborg, Hy is ons erfdeel en ons hoop. In Hom vind ons die totale doel, en uiteinde van alles.
2 Pet 1:11 Want so sal ryklik aan julle verleen word die ingang in die ewige koninkryk van onse Here en Saligmaker, Jesus Christus.
Watter koning kan nog die verklaring maak, dit is net Jesus, ons Koning. Hy voorsien elke dag, en dan kry ons die kroon van die lewe, die ewigheid. Daar sal ons altyd by ons Koning wees, en saam met Hom regeer. Die moeite werd om Hom as Koning te hê.
Blessings

08/06/2026

Jesus jou waarborg
Psa 100:5 Want die HERE is goed; sy goedertierenheid is tot in ewigheid, en sy trou van geslag tot geslag.
Jesus is betroubaar, genadig en vol van ontferminge. Hy is goed en wil net die beste gee, vir die kroon van Sy skepping, die mens. Hy seën ons met oorvloed en gee ons die lewe wat ons nodig het. Die asem in jou neus is genade van Hom. Dat jy vanoggend wakker geword het, en met uitdagings sit, is Sy genade. Hy wil jou in die dag, Sy genade bewys en jou help, om die oplossing te wees, en nie die probleem nie. Hy is die onuitputlike bron, wat altyd en ewig daar sal wees. Hy is die betroubare en onuitputlike Fontein van Lewe, wat altyd beskikbaar is.
Ps 103:17 Maar die goedertierenheid van die HERE is van ewigheid tot ewigheid oor die wat Hom vrees, en sy geregtigheid vir kindskinders,
Hy is so betroubaar, Hy kyk ook na jou nageslag. As jy jou kinders geseënd wil hê, dien die Here. Hy is die een wat met hulle bemoeienis sal maak. Baie besittings is geen waarborg vir kinders, om geseënd te wees nie. Jesus is die waarborg, vir nou en die ewigheid.
Jer 33:11 die stem van vreugde en die stem van vrolikheid, die stem van die bruidegom en die stem van die bruid, die stem van die wat sê: Loof die HERE van die leërskare, want die HERE is goed, want sy goedertierenheid is in ewigheid! —van die wat ‘n lofoffer bring in die huis van die HERE; want Ek sal die lot van die land verander soos tevore, sê die HERE.
Laat die lof van die Here in jou mond wees. Verbly jou in Hom en Hy sal jou gee die begeertes van jou hart. Kom terug na Hom toe, buig voor Hom. Rig jou lewe op Hom, en sien die oplossing soos die son opkom, na ń donker nag.
Blessings

07/06/2026

Wees julle dan volmaak
Mat 5:46 Want as julle liefhet die wat vir julle liefhet, watter loon het julle? Doen die tollenaars nie ook dieselfde nie?
Mat 5:47 En as julle net jul broeders groet, wat besonders doen julle dan? Doen die tollenaars nie ook so nie?
Mat 5:48 Wees julle dan volmaak soos julle Vader in die hemele volmaak is.
Die Here het nie witbroodjies nie. Hy behandel almal dieselfde. Hy het almal lief, maar haat die sonde. Jesus het vir almal gesterf en hulle sonde vergewe, almal maak net nie gebruik daarvan nie. Hy soek nie net die beste nie, Hy vat almal wat na Hom toe kom. Hy beoordeel nie, Hy stuur nie CV’s uit en jy moet aansoek doen nie. Hy roep almal, Hy het almal lief.
Jhn 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.
Elkeen, Elkeen wat in Hom glo sal gered word. Maak nie saak jou nasionaliteit nie, maak nie saak wie of wat jy is nie, Hy is lief vir jou. Hy vergewe sonde, Hy gee alles, Hy gee genade. Hy het Sy seun Jesus gegee vir ons sonde, vir jou sonde. Jesus het jou lief, draai net na Hom. Geluk, vrede, genesing en genade is in Hom. Hy is nie kwaad vir jou as jy verkeerd doen nie, Hy huil daaroor.
Rom 10:11 Want die Skrif sê: Elkeen wat in Hom glo, sal nie beskaam word nie.
Elkeen, Elkeen wat in Hom glo sal genade vind. Nie die met mooi lewens nie, Elkeen. Ń Mooi lewe is ook nie die deur nie, Jesus is die deur. Hy is regverdig, daarom sê Hy elkeen, wat in Hom glo, hulle met mooi lewens en hulle wat nie mooi lewe nie, almal wat glo in Jesus sal gered word.
Rom 10:9 As jy met jou mond die Here Jesus bely en met jou hart glo dat God Hom uit die dode opgewek het, sal jy gered word;
Rom 10:10 want met die hart glo ons tot geregtigheid en met die mond bely ons tot redding.
Blessings

06/06/2026

Jy is kosbaar en waardevol
Mat 10:29 Word twee mossies nie vir ‘n stuiwer verkoop nie? En nie een van hulle sal op die aarde val sonder julle Vader nie.
Mat 10:30 En van julle is selfs die hare van die hoof almal getel.
Mat 10:31 Wees dan nie bevrees nie: julle is meer werd as baie mossies.
As ek weet die Here weet van my, dan voel ek veilig. As die uitdaging kom en ek het die versekering die Here weet van my, is ek kalm. Ek verwag die oorwinning van die Here. Wat gee my sekerheid? Die Woord van die Here. Ek weet die Here weet van my. Hy wat na die mossie kyk, kyk na my. Hy wat van elkeen van hulle weet, weet van my. Ons is kosbaar vir die Here. Hy is by en met jou, Hy hou jou in Sy hand. Hy is so besorg oor jou, elke haar van jou hoof is getel.
Luk 12:24 Kyk na die kraaie, want hulle saai nie en hulle maai nie; hulle het geen voorraadkamer of skuur nie, en tog voed God hulle. Hoeveel meer is julle nie werd as die voëls nie!
Alles wat God gemaak het versorg Hy, en sorg vir hulle. Daar is plek vir almal, Hy het Sy skepping mooi gemaak. Hy het jou ook gemaak, jy is nie per ongeluk hier nie, Hy het dit beplan dat jy hier is. Omdat jy in Sy beplanning is, kyk Hy na jou en is Hy verantwoordelik vir jou.
Mat 5:45 sodat julle kinders kan word van julle Vader wat in die hemele is; want Hy laat sy son opgaan oor slegtes en goeies, en Hy laat reën op regverdiges en onregverdiges.
As dit met jou goed gaan, is dit God se genade. Dit sê nie jy is in die regte verhouding met Hom nie, Hy sorg vir almal. Deur jou lewe aan Hom te gee, bring jou in die regte verhouding met Hom. Draai na Hom, en volle vrede sal jou oorweldig.
Blessings

05/06/2026

Jesus oordeel nie, Hy genees
Jhn 9:1 En toe Hy verbygaan, sien Hy ‘n man wat blind was van sy geboorte af.
Jhn 9:2 En sy dissipels vra Hom en sê: Rabbi, wie het gesondig, hierdie man of sy ouers, dat hy blind gebore is?
Jhn 9:3 Jesus antwoord: Hy het nie gesondig nie, en sy ouers ook nie; maar die werke van God moet in hom openbaar word.
Jy is nie siek omdat jy iets omdat God jou straf nie, jy is siek omdat daar ń duiwel is. Hy wil jou doodmaak. Hy wil jou vernietig, hy wil jou moed en vertroue in God breek. Hy wil oorlog maak en veg, want dit is sy natuur.
Jhn 8:44 Julle het die duiwel as vader, en die begeertes van julle vader wil julle doen. Hy was ‘n mensemoordenaar van die begin af en staan nie in die waarheid nie, omdat daar in hom geen waarheid is nie. Wanneer hy leuentaal praat, praat hy uit sy eie, omdat hy ‘n leuenaar is en die vader daarvan.
Hy lieg en bedrieg, en vertel vir jou dit is die Here wat jou straf. Dit is ń leun van die leuenaar. Kom los van hom, Jesus het gekom om ons gesond te maak.
Jhn 10:10 Die dief kom net om te steel en te slag en te verwoes. Ek het gekom, dat hulle lewe en oorvloed kan hê.
Jesus is die oplossing vir jou. Hy wil jou aanraak, glo Hom en lewe. Jesus wil Sy werke in jou openbaar. Hy wil jou verlos van die duiwel en jou oorwinning gee.
Mat 10:7 En gaan preek en sê: Die koninkryk van die hemele het naby gekom.
Mat 10:8 Maak siekes gesond, reinig melaatses, wek dooies op, dryf duiwels uit. Julle het dit verniet ontvang, verniet moet julle dit gee.
Dit is Jesus se opdrag, Hy wil jou genade gee. Glo dit en lewe. Staan op uit die dood, en gryp die lewe, en leef met volle oorwinning. Gelowige gesondheid, is jou erfdeel.
Rom 14:11 Want daar is geskrywe: So waaragtig as Ek leef, sê die Here, voor My sal elke knie buig, en elke tong sal God bely. Die duiwel en siekte ook!!!!!
Blessings

04/06/2026

Toe alles wanhopig was toe red Liefde my.
Jhn 3:16 Want so lief het God die wêreld gehad, dat Hy sy eniggebore Seun gegee het, sodat elkeen wat in Hom glo, nie verlore mag gaan nie, maar die ewige lewe kan hê.
Ons redding is nie gebore uit goed doen, dit is gebore uit liefde. God het Sy skepping so lief, Hy het gesterwe vir hulle. Ons het gesing, ons sal lewe ons sal sterwe vir jou Suid Afrika. Liefde is die grootste krag wat daar is. Liefde dring in waar geen ander mag kan indring nie. Liefde het gesterf, sodat ons kan lewe. Die dryfveer agter God is liefde is, want Hy is liefde.
1Co 13:3 En al sou ek al my goed uitdeel, en al sou ek my liggaam oorgee om verbrand te word, en ek het nie die liefde nie, dan sou dit my niks baat nie.
1Co 13:4 Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie,
1Co 13:5 handel nie onwelvoeglik nie, soek nie sy eie belang nie, word nie verbitterd nie, reken die kwaad nie toe nie,
1Co 13:6 is nie bly oor die ongeregtigheid nie, maar is bly saam met die waarheid.
1Co 13:7 Dit bedek alles, glo alles, hoop alles, verdra alles.
Liefde dra ons, Liefde is ons bron van voortbestaan. Liefde leef nie vir homself nie, maar vir Sy kinders. As Hy na jou kyk, sien Hy jou, en ontferm Hom oor jou. Hy kyk met oë van omgee, trots en verwagting. Sy hart swel as jy Sy wil doen, as jy jou lewe neerlê, en dit doen wat Sy hart begeer. As jy verkeerd doen, hou Hy dit nie teen jou nie, Hy vergewe vergeet en bring vir jou die beste.
Luk 15:20 En hy het opgestaan en na sy vader gegaan. En toe hy nog ver was, het sy vader hom gesien en innig jammer vir hom gevoel en gehardloop en hom omhels en hartlik gesoen.
Liefde red my, toe alles wanhopig was toe red Liefde my.
Blessings

03/06/2026

Bed**k die regte goed
Phil 4:8 Verder, broeders, alles wat waar is, alles wat eerbaar is, alles wat regverdig is, alles wat rein is, alles wat lieflik is, alles wat loflik is—watter deug en watter lof daar ook mag wees, bed**k dit.
Alles begin in jou gemoed. Haat kom uit jou gemoed. Vergifnis kom uit jou gemoed. Vrede kom uit jou gemoed. In jou denke word jou besluite bepaal. Daar maak ons die besluit wat ons gaan doen.
Pro 4:23 Bewaak jou hart meer as alles wat bewaar moet word, want daaruit is die oorspronge van die lewe.
As jy met verkeerde en negatiewe dinge in jou hart besig is, gaan hulle jou daar oorweldig en jou verkeerde besluite laat neem. Daarom skryf Paulus, bed**k wat regverdig, rein, lieflik, loflik is. Bed**k die oplossing van die lewe en nie die ondergang daarvan nie. Raak met Jesus besig in jou gemoed, Hy is die oplossing van alle uitdagings. Hy sal jou die regte besluit laat neem. Hy sal jou die genade gee wat jy nodig het.
1 Thes 5:21 Beproef alle dinge; behou die goeie.
D**k wat sou Jesus doen in die omstandigheid. Hoe sou Hy optree. Moenie d**k wat se skade kan ek ly nie, d**k wat is die regte ding om te doen. Jesus het voor die kruisiging baie gewroeg in Sy gemoed. Hy het gesê, Here neem die beker van my weg, nogtans nie My wil nie, maar U wil. So erg het Hy gewroeg, sy sweet het bloed geword. Hy het die regte besluit geneem, Hy het die kruis gekies, sodat ons die lewe kon vind. Neem die regte besluit, as jy en jou gemoed onderhandel, deur te fokus op Jesus, en wat Hy sou doen.
Eph 5:10 En beproef wat die Here welbehaaglik is;
Die regte besluit, bring jou na die oorwinning waarna jy soek. Laat Jesus se begeertes in jou hart altyd die oorhand kry. Dit is die regte besluit. Bed**k die regte goed, en lewe in volle oorwinning.
Blessings

01/06/2026

Christus skyn oor jou
Eph 5:14 Daarom sê Hy: Ontwaak, jy wat slaap, en staan op uit die dode, en Christus sal oor jou skyn.
Hier is ń nuwe week, met nuwe dinge wat gebeur. Eerste maak klaar met gister, vat die nuwe week, en leef met verwagting. Kyk uit na die goeie wat die Here vir jou in stoor het. Die uitdagings wat kom sal jy oorwin, want die Here is met jou. Jy moet uit die koue huis kom, sodat die son jou warm kan maak. Die son is so warm, jy trek jou baadjie uit, as jy begin werk. Net so, staan op, begin die week, Christus sal oor jou skyn. Hy sal jou laat oorwin, want Hy het belowe.
1Co 10:13 Geen versoeking het julle aangegryp behalwe ‘n menslike nie; maar God is getrou, wat nie sal toelaat dat julle bo julle kragte versoek word nie; maar Hy sal saam met die versoeking ook die uitkoms gee, sodat julle dit sal kan verdra.
Uitdagings maak ons sterk, dit bou ons geestelike spiere, en maak ons gereed, vir wat kom. Moenie uitdagings sien as terugslae nie, sien dit as ń geleentheid. ń Geleentheid, sodat die Here kan kom, en oor ons skyn. Word net wakker uit die slaap, en jy sal die oorwinning behaal, soos nooit tevore.
2 Cor 4:6 Want God wat gesê het dat daar uit duisternis lig moet skyn—dit is Hy wat in ons harte geskyn het om die verligting te bring van die kennis van die heerlikheid van God in die aangesig van Jesus Christus.
Jy gaan Jesus liefde ervaar. Jy gaan Sy genade en sy vrede beleef. Staan net op en begin doen, doen wat jou hand vind om te doen. Doen dit met alle mag en krag, want die Here is met jou. Versterk jou in Hom en vind lewe soos nog nooit tevore.
Blessings

Address

3 Vrede Street
Vredendal
8160

Telephone

082 802 8411

Website

Alerts

Be the first to know and let us send you an email when Lig en Lewe Christen Familiesentrum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category