Lig en Lewe Christen Familiesentrum

Lig en Lewe Christen Familiesentrum 'n Interkerklike en onafhanklike denominasie wat fokus op Jesus, redding van siele en die gemeenskap!

20/08/2026

In jou is die oorwinning, ontsluit dit deur geloof
Psa 23:1 ‘n Psalm van Dawid. Die HERE is my herder; niks sal my ontbreek nie.
Dawid het geweet Hy is deel van God. Hy het deur die geloof, God sy eiendom gemaak. Hy het nie gewonder, en was nie onseker, hy was seker. Daar het ń dag in sy lewe aangebreek wat Hy seker gemaak het, hy is kind van God. Hy het geleef uit die volheid van die Here, en kon met gesag skryf, die Here is my herder.
Isa 1:18 Kom nou en laat ons die saak uitmaak, sê die HERE: al was julle sondes soos skarlaken, dit sal wit word soos sneeu; al was dit rooi soos purper, dit sal word soos wol.
Hy het sy saak met die Here uitgemaak en daarom kan Hy die pad van geregtigheid stap, en seker wees. Sy lewe aan die Here oorgegee, het Hy die kindskap ervaar, en geweet daar is hoop. Wat Hy ook al nodig gehad het, was tot sy beskikking, want God was met Hom.
Joh 10:14 Ek is die goeie herder, en Ek ken my eie en word deur my eie geken.
Dawid het nie net van God geweet nie, hy het Hom geken. Hy het Hom beleef en Sy stem gehoor. Hy het Hom ervaar en elke uitdaging met geloof in Hom, storm geloop. Sonder vrees, sonder bekommernis, was hy verseker, die Here is met Hom.
Col 2:9 Want in Hom woon al die volheid van die Godheid liggaamlik;
Col 2:10 en julle het die volheid in Hom wat die Hoof is van alle owerheid en mag;
Gelowige ons staan vas in die geloof. Ons wet in wie ons glo, en wat ons glo. Ons weet die Here is ons herder, Sy volheid en oorwinning, is deel van ons. Ons weet niks sal ons ontbreek nie, want Hy dek ń tafel in die woestyn. Hy is ons hoop en verwagting. Jesus het gekom om ons lewe en lewe oorvloedig te gee.
Blessings

19/08/2026

Vervul met verwagting
Eph 3:19 en die liefde van Christus te ken wat die kennis oortref, sodat julle vervul kan word tot al die volheid van God.
Paulus skryf, sodat ons vervul kan word tot die volheid van God. Jy al ged**k Sy volheid in ons, Sy liefde uitgestort in ons. Deur die Heilige Gees wat die volheid van God is, maak Hy aan ons Sy grote krag en liefde bekend. Hy vul ons met Sy kapasiteit en vermoë om die oplossing te wees. Hy gee aan ons die vermoë om bokant ons omstandighede te leef en Sy genade te ervaar en beleef.
Eph 3:20 En aan Hom wat mag het om te doen ver bo alles wat ons bid of d**k, volgens die krag wat in ons werk,
Wat ń voorreg om na Jesus te gaan, om ons lewens aan Hom oor te gee. Om te ervaar hoe Hy ons vul met Sy begeertes en Sy verwagting. Ons word minder en Hy meer. Ons verander om te bid sodat Sy naam verheerlik kan word. Ons vergeet van onsself en sien die behoefte van ander, en leef om hulle die oorwinning in Jesus, te laat ervaar. As ons bid, verander die Here ons, en nie net hulle vir wie ons bid. Hy werk in ons harte sodat Hy gestalte in ons kan kry. In ons is dieselfde Krag wat Jesus uit die dode opgewek het.
Rom 4:20 En hy het nie deur ongeloof aan die belofte van God getwyfel nie, maar hy is versterk deur die geloof en het aan God die eer gegee
Rom 4:21 en was ten volle oortuig dat Hy ook die mag het om te doen wat Hy beloof het.
God is in staat om te doen, wat jy nooit ged**k het, moontlik is nie. Hy is in staat om jou die begeertes van Jou hart te gee. Hy is almagtig, as Jy op Hom hoop sal jy Sy almag sien en beleef.
Blessings

18/08/2026

Antwoord op Sy roepstem
1Th 4:16 Want die Here self sal van die hemel neerdaal met ‘n geroep, met die stem van ‘n aartsengel en met geklank van die basuin van God; en die wat in Christus gesterf het, sal eerste opstaan.
Die Here self sal neerdaal. Hy gaan nie ń prediker of ouderling stuur nie, Hy gaan self kom, om Sy kinders op te wek. Jy sal net weet dit is Hy, as jy Sy stem ken, as jy nie weet wie dit is nie, sal jy nie eers ag gee nie.
Jer 33:3 Roep My aan, en Ek sal jou antwoord en jou bekend maak groot en ondeurgrondelike dinge wat jy nie weet nie.
Hy wil met jou ń persoonlike verhouding hê. Hy wil Sy lewe ten volle aan jou oorgee, as jy jou lewe aan Hom oorgee. Hy wil met jou praat, sodat jy Hom kan ken.
Jhn 7:37 En op die laaste dag, die groot dag van die fees, het Jesus gestaan en uitgeroep en gesê: As iemand dors het, laat hom na My toe kom en drink!
Mense het hier na ń fees van ń kerk gegaan, Jesus was ook daar, die fees het oor Hom gegaan, hulle het dit nie eers geweet nie. Hulle was kerkgangers, hulle het die geloof van hulle ouers gevolg. As julle meer soek, KOM NA MY TOE, en strome van lewende water sal uit julle binneste vloei, was Sy uitnodiging aan hulle. Julle sal ontdek ek wil met elkeen van julle bemoeienis maak.
Jes 55:1 o Almal wat dors het, kom na die waters; en wie geen geld het nie, kom, koop en eet; ja, kom, koop sonder geld en sonder prys, wyn en melk!
As jou siel dors is, as jy in jou binneste leeg voel, gaan na Jesus toe. Feeste gaan dit nie gee nie, Jesus sal jou dors les. Hy sal jou Sy liefde en guns laat ervaar. Hy het gekom om met elke mense, ń verhouding te hê sodat ons uit Hom kan leef.
Jhn 1:16 En uit sy volheid het ons almal ontvang, ja, genade op genade.
Blessings

17/08/2026

Triomfantlik in Christus
Luk 18:27 Maar Hy antwoord: Die dinge wat by mense onmoontlik is, is by God moontlik.
Luk 18:27 But He said, "The things that are impossible with people are possible with God."
Saam met Jesus is alles moontlik, met Hom in vennootskap kan jy nie in die steek gelaat word nie. Hy is die een wat jou keer op keer laat triomfeer. Gelowiges is in ń verbond met Hom, ons weet Hy sal voorsien. Dawid het Goliat oorwin want die Here was met Hom. Daniël het uit die leeukuil gekom, sonder enige probleem, want die Here was met hom. Hoekom sal ons vrees, by God is alle dinge moontlik. Die week wat voorlê is ons vol verwagting want die Here wat ons dien is almagtig. Ons verwagting is groot, want ons God is groot.
Eph 1:22 En Hy het alle dinge onder sy voete onderwerp en Hom as Hoof bo alle dinge aan die gemeente gegee,
Jesus is in beheer van alles. Hy is oor alles, en Hy is die begin en einde van alles. Hy maak deure oop, wat ons ged**k het onmoontlik is. Hy voorsien in alles, en ons leef uit Sy volheid. Die dissipels het dit ervaar op die storm see. Selfs die wind en die see was Hom gehoorsaam. Die dissipels was verstom want Hy is te volle in beheer.
Eph 3:20 En aan Hom wat mag het om te doen ver bo alles wat ons bid of d**k, volgens die krag wat in ons werk,
Eph 3:21 aan Hom die heerlikheid in die gemeente in Christus Jesus deur alle geslagte tot in ewigheid! Amen.
Gaan na Jesus toe, Hy is in beheer van alles. Hy kan elke begeerte van jou vervul. Selfs dit wat jy ged**k het onmoontlik is. Maak jou hart aan die Here bekend en gee Hom alle eer, Hy laat jou triomfeer.
Blessings

16/08/2026

Jou vertroue in Jesus bepaal jou uitkoms
Heb 3:14 Want ons het deelgenote van Christus geword, as ons net die begin van ons vertroue tot die einde toe onwrikbaar vashou;
Al een in die wêreld wat jy kan vertrou, sonder om enigsins te twyfel, in sy betroubaarheid, is Jesus. As jou vertroue in hom is, sal jy nooit maar nooit beskaamd staan nie. Maak nie saak wat die omstandighede is, of wat sal gebeur nie, moenie jou vertroue in Hom verloor nie. Die duiwel sal alles probeer om jou vertroue in Jesus ten laat verloor.
Eph 1:20 wat Hy gewerk het in Christus toe Hy Hom uit die dode opgewek het en Hom laat sit het aan sy regterhand in die hemele,
Eph 1:21 bo alle owerheid en mag en krag en heerskappy en elke naam wat genoem word, nie alleen in hierdie wêreld nie, maar ook in die toekomstige.
Jesus is die hoof bo alles. Hy is ten volle in beheer, al gaan dit ook hoe. Sy belofte dat Hy met ons is, staan vas, ek vertrou ten volle in Hom. Ek weet Hy sal my nooit beskaamd laat staan nie. As dinge nie volgens my reg loop nie, is ek nog ten volle oortuig Hy is in beheer.
Want ons het deelgenote van Christus geword
Ons het deelgenote geword as ons tot die einde ons vertroue in Hom stel. Deur alles wat met ons gebeur, is ons ten volle deel van Hom, en is Hy met ons. Niemand en niks sal my vertroue in hom kan verswak. Staan vas en vertrou die Here, Hy is betroubaar.
Psa 112:7 Hy vrees nie vir slegte tyding nie; sy hart is gerus, vol vertroue op die HERE.
Asaf sê, maak nie saak wat die tyding is nie, my vertroue is in die Here. Ek berus my in Sy besluit, want Hy weet die beste. Hou vas aan jou vertroue in Jesus, Hy is ten volle in beheer.
Blessings

15/08/2026

Doeners het ń verwagting
2Ti 4:8 Verder is vir my weggelê die kroon van die geregtigheid wat die Here, die regverdige Regter, my in dié dag sal gee; en nie aan my alleen nie, maar ook aan almal wat sy verskyning liefgehad het.
Gelowiges dit is tyd om ons fokus van die dinge in die wêreld af te haal, en te sit op die prys wat ons gaan behaal op die einde van alles op aarde. Hou aan om goed te doen en fokus op die ewigheid. Ons loon is nie hier nie, ons loon is eendag by Jesus.
2Co 5:10 Want ons moet almal voor die regterstoel van Christus verskyn, sodat elkeen kan ontvang wat hy deur die liggaam verrig het, volgens wat hy gedoen het, of dit goed is of kwaad.
Gelowiges gaan voor Jesus staan. Hulle gaan ontvang vir dit wat hulle gedoen het. Hulle ontvang nie die ewige lewe deur dit wat hulle gedoen het nie, dit is ń geskenk. Die prys is betaal deur Jesus.
Eph 2:8 Want uit genade is julle gered, deur die geloof, en dit nie uit julleself nie: dit is die gawe van God;
Eph 2:9 nie uit die werke nie, sodat niemand mag roem nie.
Jou redding is die beste besluit wat jy ooit gemaak het. As jy Jesus kies dan ontvang jy die ewige lewe, en word deel van die Vader se huisgesin.
Eph 2:10 Want ons is sy maaksel, geskape in Christus Jesus tot goeie werke wat God voorberei het, sodat ons daarin kan wandel.
Daar wag ń kroon vir hulle wat die wil van die Here doen. Kom ons fokus op Jesus en leef volkome vir Hom. Gee oor met alles wat in jou is, en leef ten volle vir Jesus. Daar wag vir jou ń beloning, wat jy nie kon d**k ooit sal kom nie. Ons verstand is te klein om dit te bereken.
1Co 2:9 maar soos geskrywe is: Wat die oog nie gesien en die oor nie gehoor en in die hart van ‘n mens nie opgekom het nie, wat God berei het vir die wat Hom liefhet.
Blessings

14/08/2026

Bid sonder ophou
Luk 18:1 En Hy het ook aan hulle ‘n gelykenis vertel met die oog daarop dat ‘n mens gedurig moet bid en nie moedeloos word nie,
As dinge nie reg loop volgens ons nie en die lewe druk, dan word ons moedeloos. Moedeloos is eintlik Godloosheid. Jy bekommer, omdat jy d**k daar is geen hoop nie. Jy verval in ń negatiewe toestand, en sit en oord**k jou omstandighede heel dag, en kan nie slaap in die nag. Moedelose mense is kragteloos, en verwag die slegste. Hoe oorkom ek dit? Jy moet bid, en jy moet dit aanhoudend doen. Buig laag en jy sal Hom vind wat jou optel uit die stof.
1 Thes 5:17 Bid sonder ophou.
Kortste maak kragtigste vers en bevel in die Bybel. Wanneer jy bid, kom jy in die Here se teenwoordigheid, jy betree die teenwoordigheid van die Almagtige. Hy tel jou uit jou verlate toestand op en sit jou op die berg van oorwinning. Jy omring jou met die oplossing, en vind rus vir jou siel.
Isa 61:3 om vir die treurendes in Sion te beskik dat aan hulle gegee word sieraad vir as, vreugde-olie vir treurigheid, ‘n gewaad van lof vir ‘n verslae gees; sodat hulle genoem kan word terebinte van geregtigheid, ‘n planting van die HERE, tot sy verheerliking.
Jesus het die raad gegee vir die moedelose. Hy kom besoek jou en saam met Hom kom die Vader en die Heilige Gees, om jou te versterk. Hy tel jou uit die put van moedeloosheid en bring oorwinning in jou hart. Jou omstandighede verander nie, maar jou gemoed verander. Jy word gevul met hoop en verwagting, vir dit wat God gaan doen.
Heb 12:2 die oog gevestig op Jesus, die Leidsman en Voleinder van die geloof, wat vir die vreugde wat Hom voorgehou is, die kruis verdra het, die skande verag het en aan die regterkant van die troon van God gaan sit het.
Jou hart op Jesus, en jou knieë op die grond voor Hom, is die oorwinning.
Blessings

13/08/2026

Jou veilige skuilplek in benoudheid
Ps. 91:1 Hy wat in die skuilplek van die Allerhoogste woon, sal veilig bly en rus in die skaduwee van die Almagtige, wie se krag geen vyand kan weerstaan nie.
Die skuilplek van die Allerhoogste is Jesus. Hulle wat by Hom skuil sal verseker triomfeer. Hulle sal die oorwinning van die Here beleef. Hulle sal moeilike tye beleef, maar daar sal altyd ń uitkoms wees. Hulle is verbind aan Hom wat die beste vir ons gee. Hy is te volle in beheer, en sal hulle die genade gee, om alles te oorwin.
Psa 27:5 Want Hy steek my weg in sy hut in die dag van onheil; Hy verberg my in die skuilplek van sy tent; Hy verhef my op ‘n rots.
Die beste skuilplek is by Jesus. Hy is die bewaarder van hulle wat na Hom toe kom. Alles verander maar Jesus nooit. Hy help almal. Hy is die een wat roep, kom na my toe, vermoeide en belaste. Hy ken die hart en kyk nie na die uiterlike nie. Hy oordeel nie, maar wil ń skuilplek wees, vir hulle wat na Hom toe kom.
Psa 31:20 o, Hoe groot is u goedheid wat U weggelê het vir die wat U vrees, wat U uitgewerk het vir die wat by U skuil, in teenwoordigheid van die mensekinders!
Die Here is goed daarom kan ons by Hom skuil. Jesus het gekom om die juk te breek oor ons, en vrede te gee. Hy het gekom om die vermoeide krag te gee en die kragtelose oorwinning. Hulle wat by Hom skuil, kry in die dal van doodskaduwee krag, en oorwinning. Jesus die Ark van die wêreld red ons van die ewige verderf en by Hom kan ons veilig skuil.
1Jn 3:8 Hy wat die sonde doen, is uit die duiwel, want die duiwel sondig van die begin af. Vir hierdie doel het die Seun van God verskyn, om die werke van die duiwel te verbreek.
Sy doel is om vry te maak van ongeregtigheid, en te seën. Skuil by Hom hy is die, skeur van die rots.
Blessings

12/08/2026

Leef met opregtheid van hart
Eph 6:5 Diensknegte, wees gehoorsaam aan julle here na die vlees, met vrees en bewing, in opregtheid van julle hart, soos aan Christus;
Eph 6:6 nie met oëdiens soos mensebehaers nie, maar soos diensknegte van Christus wat die wil van God van harte doen
Eph 6:7 en met goedwilligheid die Here dien en nie mense nie,
Eph 6:8 omdat julle weet dat elkeen vir die goeie wat hy doen, loon van die Here sal ontvang, of hy ‘n slaaf is of ‘n vryman.
Gelowiges leef uit God tot God. Hulle glo die Here is in beheer van hulle lewe en daar waar hulle is, is hulle deur God geplaas. Hulle doen hulle werk na die beste van hulle vermoë, want hulle doen dit vir die Here. Gelowiges lewe vir die Here en nie vir mense nie, daarom word hulle deur die Here geseën, waar hulle is, omdat God se seën op hulle is. Hulle doen dit met blydskap, maak nie saak hoe hulle werkgewers is nie, want hulle doen dit vir die Here.
Heb 4:13 En daar is geen skepsel onsigbaar voor Hom nie, maar alles is oop en bloot voor die oë van Hom met wie ons te doen het.
Hulle is ń tempel van God en leef uit Hom, hulle weet Hy is bewus wat hulle elke dag doen. Hulle is verantwoordelik en soek nie die guns van mense nie, maar van God. Hulle genadige en goeie Vader, sorg vir hulle met oorvloed. Hulle is deel van die oplossing, nie deel van die probleem. Hulle is betroubaar en stap die pad van geregtigheid.
Mat 6:33 Maar soek eers die koninkryk van God en sy geregtigheid, en al hierdie dinge sal vir julle bygevoeg word.
Omdat hulle die Here soek, en Sy guns, is hulle vol van blydskap, en ń aanwins vir hulle werkgewers. Hulle hoop is op Hom, en Hy sal nooit beskaam nie. Leef vir Jesus en Sy guns sal jou volg.
Blessings

Address

3 Vrede Street
Vredendal
8160

Telephone

082 802 8411

Website

Alerts

Be the first to know and let us send you an email when Lig en Lewe Christen Familiesentrum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category