Helderberg Gemeente

14/06/2026

Hou by die Woord - Danie O'Kennedy 14 Junie 2027

12/06/2026

Danie O'Kennedy nooi jou uit na Sondag 14 Junie 2026 se eredienste. Onthou dis ons winter eredienstye.

10/06/2026

By Helderberg hou ons van saamkuier en spanwerk. Hierdie dierbare dames van die Kreatiewe Kuiertalent groep het vanoggend gehelp om al die boksies te vou vir ons Senior Tee wat plaasvind op die 18de Junie. Hierdie is 'n besondere groep mense wat lekker dinge doen, julle kan dit gerus oorweeg om deel van hulle te word.

10/06/2026

My Bybel is vir my baie belangrik, dis deel van my lewe. Dit is nie soseer die plek waar ek antwoorde soek nie, eerder waar ek antwoorde kry vir vrae wat ek nog nie eers het nie.

Natuurlik is dit kosbaar om te weet hoe lief die Here ons gehad het, dat Hy sy Seun vir ons gestuur het om in ons plek te sterf en waarlik op te staan uit die dood. Wat ek wel baie waardeer, is die verskillende mense in die Bybel. Gewone mense wat sondig was, maar die wonderlikste wonderwerke beleef, wat vergifnis ontvang het en uitgeleef het en wat vervul word met die Heilige Gees.

Moses met sy blink gesig. Stefanus wat soos ’n engel gelyk het vir die mense wat hom gestenig het. Dawid met al sy menslike oortredings en sy seun Salomo. Wat dan nog van die wonderlike Henog, wens ons het meer geweet oor hom. Dan al die brawe en wonderlike vroue, Jaël (Rigters 4), Maria Magdalena, Debora (Rigters 4), Hanna, Maria (Jesus se ma) en die lys gaan aan.

Die beste van alles is dat hierdie mense nie eers geweet het dat hulle belangrik is nie en dat mense duisende jare nadat hulle al gesterf het nog steeds hulle voorbeeld wil volg. Die Here se genade is groot, nie net vir die mense in die Bybel nie, maar vandag nog vir my en jou. Die Heilige Gees kan vandag ook in jou wees, want dit is die geskenk van die Here aan ons almal.

My wens vandag is dat jy jou Bybel lees, van begin tot einde – behalwe Levitikus 13-14, wat gaan oor die siektes (jig).
Lize

08/06/2026

Ons is baie bly oor hierdie week se nuwe lidmate.

08/06/2026

07/06/2026

Idees vir 'n nuwe lewe - Deon Els 7 Junie 2026

05/06/2026

Deon Els nooi jou uit na Sondag 7 Junie 2026 se eredienste. Onthou dis ons winter eredienstye.

04/06/2026

Holiday Club is elke jaar n groot sukses.
Die kinders kuier lekker en leer van God.
Dis moontlik as gevolg van n span tienerleiers. Hulle slaap oor by Holiday Club en doen elke dag baie moeite om dit besonders te maak vir die jongerkinders.

Om die week vir hulle net so besonders te maak benodig ons n paar donasies. Sien die lys hier onder. Daar kan ook gehelp word deur van die leiers se inskrywings fooi te dek.

Vir enige vrae kontak:
Lizl by [email protected]
Marinda by [email protected]

04/06/2026

Holiday club is ook vir die Graad 7s tot 12s. Julle kan inskryf as leiers.

Ons het n spesiale program vir julle in die aande. Julle slaap oor en spandeer ook lekker tyd saam die jonger kinders in die oggende.