Bergsig Gemeente Rustenburg

31/07/2026

🌻 Goue Gerwe – 27 Julie 2026 🌻

Baie dankie aan almal wat ons Goue Gerwe-funksie bygewoon het! Dit was 'n heerlike oggend met 'n vasvrakompetisie wat vir baie lag en gesels gesorg het.

Dankie dat julle so 'n interessante en vrolike dag saam met ons gedeel het – dit was net lekker om julle almal weer te sien! 💛

28/07/2026

Skaapkop-Gilde Aand

Gereformeerde Kerk Rustenburg Wes bied ‘n Skaapkop-Gilde aand aan en almal is welkom!

Datum: 3 September 2026
Tyd: 18:00
Plek: Airspan Vliegveld.

Kaartjies kos R5500 per tafel van 10 mense en sluit in: 3 skaapkoppe per tafel, Lamspotjie met stampmielies en rys, 4 bottels wyn, tuisgebakte brode en konfyt.

Alle opbrengste gaan vir die Gereformeerde Kerk Rustenburg Wes en Moeggesukkel .

Tydens die geleentheid sal daar ‘n veiling wees en seevakansies, jagpakkette en vele meer word aangebied.

Bring gerus nie bederfbare kos, goeie bruikbare klere en toiletware saam vir Moeggesukkel .

Meer inligting is beskikbaar by die organiseerders:
Henri Gryzenhout 083 229 6645
Nico Loubser 083 308 0703

Kom geniet heerlike kos, ondersteun ‘n goeie doen en bou saam aan ‘n sterker gemeenskap.

26/07/2026

https://youtube.com/live/W-aaqV6Z33Q?feature=share

18/07/2026

Ons sluit ons wonderlike reeks uit die Boek Josua af. Moet dit nie mis nie...

Josua 21:43-45 en Josua 23:1-11, 14 Ds. Pieter Jordaan

30/06/2026

26/06/2026

‘Laat die kindertjies na My toe kom…’

Wat ’n voorreg om saam ’n plek te bou waar kinders Jesus se liefde kan beleef.

Dankie aan elkeen wat deel was van hierdie mooi projek.

19/06/2026

🏺 Liewer laat as nooit...

Op 6 Junie het ons 'n wonderlike Pottery-werkswinkel gehad, en wat 'n spesiale dag was dit nie!

Net soos die pottebakker die klei in sy hande vorm, so vorm die Here ons ook - stadig, met liefde, en met 'n doel.

"Maar nou, HERE, U is ons Vader; ons is die klei, en U is ons Pottebakker, en ons almal is die werk van U hand." (Jesaja 64:8)

Dankie aan elke dame wat opgedaag het – julle teenwoordigheid het hierdie dag werklik spesiaal gemaak. Dit was pragtig om te sien hoe vrouens vrouens ondersteun, lag, deel en bemoedig in die proses. 💛

Vrouens wat vrouens in God ondersteun – dít is waaroor dit gaan. 🙏