Hervormde Kerk Lichtenburg-Oos

17/06/2026

17/06/2026

Woensdag 17 Junie 2026
Woensdaggebed

Here, die sonde het ons harte tot stilstand geruk. Dit het ons lewe verstrik en laat sterf.Dankie dat die bloed aan die kruis ook weer deur ons harte kon vloei. Dit het ons lewensritme herstel

Daarom loop ons harte oor van opgewondenhrid.
Ons wil aan U die lof en eer bring vir U goedhartigheid.

Here, omdat U weer lewe geskep het en geskenk het, help ons om mekaar se harte te hoor. Laat ons mekaar aanraak met U groot liefde en laat ons so in mekaar se lewe weer nuwe hartritmes bring.

Amen

Ds. Lammert

15/06/2026

Maandag 15 Junie 2026

Handelinge 28:2 "Die mense daar was baie vriendelik teenoor ons. Omdat dit begin reën het en koud was, het hulle 'n vuur aangesteek en ons almal daarby verwelkom. "

Een van die wonderlike dinge om te aanskou is vriendelikheid. Dikwels verande 'n vriendelike groet of 'n glimlag, die ontvanger se hart en gesindheid.

'n Vriendelike "Goeie more of geniet jou dag," dra lewe uit. Dit bevestig dat God se genande groot is en dat ek in iemand se lewe omgee en warmte bring.

Vriendelikheid is soos daardie swaelkoppie aan 'n vuurhoutjie. Klein maar die begin om warmte en lewe te bring.

Vriendelikheid kos niks en veral as ons aan die ontvang kant is, dan bring dit weer nuwe hoop.

Amen

Ds. Lammert

11/06/2026

Donderdag 22Junie 2026

Donderdag Doen

Jakobus 5:7 "Wag dan geduldig, broers, totdat die Here kom. Let op hoe die boer wag vir die kosbare oes wat die land oplewer. Hy wag geduldig daarvoor totdat dit die vroeë en die laat reëns gekry het."

Geduld is sekerlik dit wat vir ons elkeen moeilik is. Vandag wil ek dit in 'n ander lig beskou. Kan ons wag op die Here se koms? Want ek d**k dit is die toets van geduld eerdee as dat mense ons kwaad maak en reaksie uitlok.

Geduld is om te weet dat baie aardse dinge sleg is, maar dat dit nie ons optrede moet bepaal nie. Ek kyk met verlange uit na de Here se koms.

Geduld is die vermoë om gelowig te volhard in moeilike tye en op God te wag. Dit behels 'n aktiewe en volhardende vertroue op God se tydsberekening en beloftes, selfs te midde van beproewing.

Amen

Ds. Lammert

10/06/2026

Woensdag 10 Junie 2026
Woensdaggebed

Here, ons dankU dat U liefde is.
Dat ons hierdie wonderlike voorreg het om uit U hand te leef en te leer van liefde.

Dankie dat U alles opgeoffer het, sodat ons kan leef
Ons d**k aan die spot. Die slae. Die suur wyn. Die spykers deur U vlees. Die aandrang : Red jouself !

Here, U is tot alles instaat, maar op Golgota het U nie die doel verlaat. Aan die kruis is dit volbring.

Wees U ons Leidsman en leer ons liefde vir U en ons naaste. Help ons om ook U beeld vandag te weerkaats.

Amen

Ds. Lammert

09/06/2026

Dinsdag 9 Junie 2026

Wat is vrede!? Dit is in die meeste gevalle vir ons die afwesigheid van verskille en konflik.Ons snag ook dat daar afwesigheid van oorloe moet wees, sodat brandstof se prys sal daal. Die hartseer is dat, daar waar mense is, vrede dikwels afwesig is.

Nnmeri 6:24 tot 26 “Die Here sal julle seën en julle beskerm; die Here sal tot julle redding verskyn en julle genadig wees; die Here sal julle gebede verhoor en aan julle vrede gee!"

Werklike vrede is die vrede wat Christus gee :dat ons saak met God, die Vader, reg is. Vrede om te kan weet ek behoort ook in my sterwe aan God.

Amen

Ds. Lammert

09/06/2026

Maandag 8 Junie 2026

Romeine 15:13 : "MagGod, die bron van hoop, julle deur julle geloof met alle vreugde en vrede vervul, sodat julle hoop al hoe sterker kan word deur die krag van die Heilige Gees !"

Wat gee vir jou vreugde? Jou span se oorwinning ? Daardie geskenk vir jou verjaarsdag? Of dalk ervaar ek vreugde in die graad wat ek behaal het na 'n lang studie tyd. Of dalk is ons vreugde in die kind wat vir ons gebore is.

Vreugde is dus iets meer as' n tydelike emosie wat saam met die son sal sak en verdwyn.

Vreugde in die Bybel is ook iets dieper en blywend. Ware vreugde spruit voort uit 'n mens se verhouding met God en die wete dat Hy jou verlos het.

Amen

Ds. Lammert