Gereformeerde Kerk Krugersdorp

Gereformeerde Kerk Krugersdorp Premierstraat: Oggenddiens 09.00,
Aanddiens in Premierstraat 18:00
Aanlyn: Facebook Live & YouTube

Die Gereformeerde Kerk Krugersdorp is deel van Die Gereformeerde Kerke in Suid Afrika. In die alledaagse omgang staan ons bekend as die "Damdoppers" vanweë ons kerkgebou se ligging langs die Monumentdam. Ons funksioneer volgens ons missie om 'n eietydse Gereformeerde bediening van Jesus Christus aan die Wesrand uit te leef. Volgens hierdie missie bedien en versorg die lidmate van ons gemeente meka

ar in woord en daad met die Blye Evangelie
van Christus se liefde. Deur die Bybel en Gees van God groei ons saam in die heerlike gemeenskap met Jesus Christus en
word ons toegerus vir ons roeping as burgers van God se koninkryk waarvan die hoofsaak saamgevat word in die opdrag
"Gaan dan heen en maak dissipels van al die nasies en doop hulle in die naam van die Vader en die Seun en die Heilige Gees:
en leer hulle om alles te onderhou wat ek julle beveel het." (Matt: 28:19-20)
Ons nooi jou uit om betrokke te raak en ons bede is dat die inligting en aksies wat hierin bekendgestel word diensbaar
mag wees vir God se koninkryk. Kerk se bankbesonderhede:
Bank: FNB
Tipe Rekening: Tjekrekening
Bankrekeningnommer: 62876026511
Tak kode: 255355
Tak naam: My Branch

06/09/2026

AANDBYEENKOMS 6 SEPTEMBER– Dr De Wet Saaiman
Tema: Die Bybel - Sendbriewe - 1 en 2 Korintiërs
Paulus se briewe aan die Korintiërs leer gelowiges hoe die evangelie hulle hele lewe moet verander. In 1 Korintiërs spreek Paulus probleme soos verdeeldheid, seksuele sonde, verkeerde gebruik van Christelike vryheid en wanorde in die gemeente aan. Hy beklemtoon dat Jesus Christus die middelpunt van die gemeente moet wees, dat liefde ander se belange eerste stel en dat elke gelowige sy gawes moet gebruik om die gemeente op te bou. Die opstanding van Jesus gee Christene vaste hoop. In 2 Korintiërs fokus Paulus op versoening, vrygewigheid, ware Christelike leierskap en die betekenis van swakheid. Die kruis wys dat God se krag juis in swakheid sigbaar word. Die evangelie leer ons om nederig, vrygewig, liefdevol en diensbaar te leef, met Christus as middelpunt.

06/09/2026

OGGENDDIENS 6 SEPTEMBER – Ds Jannie v d Schyff
Baie wêreldleiers en politici ly aan grootheidswaan. Dit beteken dat hulle hulleself oorskat. Hulle ken nie hulle beperkings nie. Hulle is verwaand. Grootheidswaan kom nie net onder wêreldleiers en politici voor nie. Dit kom onder mense uit alle sfere van die samelewing voor. Dit koms selfs in die kerk en onder kerklidmate voor. Daarom is dit belangrik dat elkeen van ons onsself sal ondersoek of ons nie ook soms aan grootheidswaan ly nie. Vra jouself af: Ken jy jou beperkings of oorskat jy soms jouself? D**k jy soms jy is groter of belangriker as wat jy werklik is? Onthou wat staan in Jakobus 4:6: “God staan die hoogmoediges teen, maar aan die nederiges gee Hy genade.” Daniël 4 is ’n illustrasie hiervan. Nebukadnesar vertel hoe God in sy lewe ingegryp het deur hom te verneder en aan hom genade te gee.
In die prediking gee ons aandag aan:
· God gryp in
· God heers
· God gee genade

Baie geluk aan br Ryan en sr Meagan Hays wat Sondagoggend belydenis van hulle geloof afgelê het. Mag die HERE julle op j...
24/08/2026

Baie geluk aan br Ryan en sr Meagan Hays wat Sondagoggend belydenis van hulle geloof afgelê het. Mag die HERE julle op julle geloofspad behoed en bewaar!

23/08/2026

OGGENDDIENS 23 AUGUSTUS – Dr De Wet Saaiman
Skrifgedeelte: Matteus 4:12-17
Teksvers: Matteus 4:17
Tema: Koninkrykstyd: Die Koning het gekom, daarom: Bekeer julle!
Jesus begin sy openbare bediening met die oproep: “Bekeer julle, want die koninkryk van die hemel het naby gekom!” God was nog altyd Koning, maar in Jesus Christus het die Koning self na sy volk gekom. God het Hom deur die geskiedenis aan sy mense geopenbaar en sy belofte van ’n Verlosser vervul. In Christus het God self na ons toe gekom om sondaars te verlos deur sy kruisdood en opstanding. Daarom roep Christus ons om na Hom toe te kom. Bekering beteken om weg te draai van die sonde en doelbewus na God toe te draai. Dit is nie ’n eenmalige gebeurtenis nie, maar ’n voortdurende lewenswyse. In voorbereiding vir die Nagmaal moet ons onsself ondersoek, ons sonde bely en ons hoop alleen op Christus stel. In die Woordverkondiging let ons op:
1. WIE God is?
2. WAT God gedoen het?
3. HOE God wil hê ons moet leef?

21/08/2026

2026-08-21 Troosdiens Sr Ria Mulder

16/08/2026

AANDBYEENKOMS 16 AUGUSTUS – Dr De Wet Saaiman
Tema: Die Bybel - Evangelie volgens Lukas en Handelinge
Die Evangelie volgens Lukas en die boek Handelinge vertel saam die verhaal van God se koninkryk wat deur Jesus Christus tot vervulling kom. Jesus is die beloofde Messias en Koning wat goeie nuus aan armes bring, gebrokenes herstel, sondaars vergewe en buitestanders insluit. Sy koningskap word egter nie deur politieke mag gevestig nie, maar deur sy lyding, kruisdood en opstanding. In Handelinge gaan Jesus se werk voort deur die Heilige Gees, wat sy kerk bemagtig om getuies van die evangelie te wees. Die boodskap versprei van Jerusalem na Judea, Samaria en uiteindelik na die nasies. Lukas beklemtoon dat Jesus die Koning van alle mense is en dat sy kerk deur geloof, liefde, diensbaarheid, vergifnis en gehoorsaamheid moet leef. Die evangelie kan nie gestuit word nie: Christus regeer, die Gees lei, en die kerk verkondig die koninkryk totdat Jesus weer kom.

16/08/2026

OGGENDDIENS 16 AUGUSTUS – DR De Wet Saaiman
Skrifgedeelte: Psalm 72
Teksverse: Psalm 72:1-2, 18-19
Tema: Koninkrykstyd: ’n Gebed om die Koninkryk van God!
Psalm 72 leer ons om te bid: “Laat U koninkryk kom.” Salomo erken dat hy God nodig het om sy roeping getrou te vervul. So word ons ook geroep om in afhanklikheid van die Here te leef en Hom te dien waar Hy ons geplaas het. God se koninkryk word verder sigbaar wanneer geregtigheid en ontferming ons lewe kenmerk. Ons moet daarom die armes, verdruktes, eensames en weerloses raaksien en Christus se liefde aan hulle betoon. Tog wys Psalm 72 uiteindelik verder as Salomo na Jesus Christus, die volmaakte Seun van Dawid. Hy is die ware Koning wat geregtigheid, vrede en redding bring en sy koninkryk volkome sal vestig. In die Woordverkondiging let ons op God se koninkryk wat sigbaar word in:
1. ’n Lewe van AFHANKLIKHEID;
2. ’n Lewe van GEREGTIGHEID EN ONTFERMING; en
3. In Jesus Christus VOLKOME VERVUL word.

Ons maak met leedwese bekend die afsterwe van sr Ria Mulder. Sy het die stryd teen kanker moedig gestry en is vanoggend ...
11/08/2026

Ons maak met leedwese bekend die afsterwe van sr Ria Mulder. Sy het die stryd teen kanker moedig gestry en is vanoggend stil opgeneem in die hemelse heerlikheid. Sodra daar enige nuus oor die troosdiens is, sal ons so berig.

Address

Premier Straat Krugersdorp
Krugersdorp
1739

Website

Alerts

Be the first to know and let us send you an email when Gereformeerde Kerk Krugersdorp posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Gereformeerde Kerk Krugersdorp:

Shortcuts

Share

Category