NG Kerk Gordonsbaai

07/06/2026

Gebedsdiens: U word hartlik uitgenooi na ons maandelikse gebedsdiens vanaand – Sondag 7 Junie – om 18:00 by Kusweg in die kerksaal.
Almal is welkom om biddend saam te kom, sodat ons onsself opnuut kan beklee met God se wapenrusting.
Jongmense tussen 20 en 30 jaar word spesifiek uitgenooi, met die oog daarop om 'n groep te begin wat gereeld sal saamkom om te kuier en geestelik te groei.

04/06/2026

08h30 - Klassieke Diens, Kusweg
09h00 - Ds. John Smit, Summervale
09h30 - Lofkids, Lofsentrum
10h00 - Familiediens, Lofsentrum
17h00 - Tienerkerk, Lofsentrum
18h00 - Gebedsdiens, Kusweg

04/06/2026

GEBEDSTEMA
Sondag 7 Junie 2026

Sondag 7 Junie - Koninkrykstyd
Ds. Helmi Breytenbach
Nehemia 4

Lied van die Bouers
(na aanleiding van Nehemia 4 met behulp van KI)

1. Here van hemel en aarde, sterk en groot,
U is ons skild in elke nood.
Die muur lê voor ons,
steen op steen,
maar U is die Bouer, en ons die hande, voete en lyf.

Refrein: Ons bou en bid, ons werk en waak,
want U is God wat sterk kan maak.
Met troffel, hamer, swaard in hand,
vertrou ons op u magtige hand.

2. Spotters lag en vyande dreig,
maar ons sal nie in vrees verbleik.
U hoor die roep van u volk se stem,
U gee ons moed om vol te hou.

3. Wanneer ons arms moeg word, Heer,
en die puin lê hoog, swaar en seer,
herinner ons: die werk is U s'n, en U sal self ons sterkte wees.

4. Almagtige God, U rig ons op.
U gee 'n tuiste waar ons saam met U woon.
U dek ons tafel, oorlaai ons met liefde.
Ons bekers loop oor.
Tot in ewigheid sal ons by U woon.

02/06/2026

Uitnodiging aan voornemende lidmate wat graag by ons gemeente wil aansluit.

29/05/2026

29/05/2026

Prof. Jannie nooi jou uit na Triniteitsondag, hierdie Sondag by Kusweg en die Lofsentrum. Sien julle daar!

29/05/2026

08h30 - Klassieke Diens, Kusweg
09h30 - Lofkids, Lofsentrum
10h00 - Familiediens, Lofsentrum
17h00 - Tienerkerk, Lofsentrum

29/05/2026

GEBEDSTEMA
Sondag 31 Mei 2026

Triniteitsondag.
Dr Jannie le Roux uit Openbaring 5:1 - 10
Tema: Die Gees wat ons oë oopmaak vir die Lam.

Ode aan die Lam
Heilig is U,
o Lam van God,
geslag maar lewend,
stil maar magtig, nederig maar verhewe bo alle troon en kroon.
Die hemel hou asem op wanneer U verskyn.
Oë vol vuur en genade, wonde wat soos juwele blink — tekens van liefde
wat die dood deurbreek het.
Die lewende wesens herhaal sonder ophou ...
"Heilig, heilig, heilig is die Here God die almagtige, Hy wat is en wat was en kom.
Die ouderlinge buig neer, harpe en liere bewe in aanbidding, goue skale vol gebede
styg soos wierook op voor u heilige aangesig.
Want U alleen is waardig om die boekrol oop te maak — die geskiedenis uit God se hand te neem,
waardig om die seëls te breek en die verborgenhede van die eeue te ontsluit.
U is geslag — en met u bloed het U mense losgekoop, uit elke stam en taal en volk en nasie.
Nie met goud nie, nie met mag nie, maar met liefde wat aan 'n kruis gebloei het.
Daarom sing die hemel:
Waardig is die Lam wat geslag is, om die krag en rykdom en wysheid en sterkte en eer
en heerlikheid en lof te ontvang!
En die see antwoord, en die aarde fluister saam, en sterre laat hulle lig bewe voor die Koning van die eeue.
Elke skepsel vind sy stem in hierdie een groot lied:
Aan Hom wat op die troon sit én aan die Lam behoort die lof en die eer en die heerlikheid en die krag
tot in alle ewigheid!

Amen.

26/05/2026

Groepshuisbesoek:
Streek 9: Dennehoflaan, Golf Estate (naby die Lofsentrum) en Sir Lowry's Estate tot by Dolphin View se inwoners word uitgenooi na 'n groephuisbesoek op Donderdag 28 Mei om 16:00 aan huis van Frans en Riëtta Kersop te 10 St Andrews, Fairview.
Skakel gerus met Frans op 082 325 2060 of Erik Brits op 082 883 2520 as u dit graag wil bywoon.
Hierdie is ook 'n vriendelike versoek aan al die wyke se lede – indien moontlik, stel asb. jou huis beskikbaar vir volgende groephuisbesoeke.