VGK Pacaltsdorp

26/05/2026

Hierdie komende naweek is Sondagskoolnaweek.

Daar gaan lekker aktiwiteite wees vir ons kinders en ook verkope gaan aangebied word.

Springkastele, Boeresport soos Sakresies, aartappelresies ens. Daar gaan verkope vir kinders wees soos party packs, gemmerbier, glowsticks en nog meer.

Ouers, bring jul kinders en kom deel in die pret.😋🥳

24/05/2026

VGK Erediens - 24 Mei 2026

21/05/2026

18/05/2026

Lyndall gradueer in Kaapstad! 🎓✨

Een van ons gemeentekinders, Lyndall het haar Bachelor of Commerce (General Major)-graad deur STADIO Higher Education behaal en ons is ongelooflik trots op haar harde werk en deursettingsvermoë.

Sy het haarself uitstekend bekwaam deur uit haar 20 modules 20 onderskeidings te behaal — ’n merkwaardige prestasie wat beslis gevier moet word! 👏

Saam met haar op hierdie besondere dag is haar trotse ouers, Japie en Rosemary Potts.
Mag hierdie prestasie net die begin wees van ’n mooi en geseënde toekoms.

Baie geluk Lyndall — jou kerkfamilie vier saam met jou! 🌸🙌

18/05/2026

MC Josephs 💙🙏

MC, ’n kosbare baba in ons gemeente, sal binnekort ’n delikate operasie ondergaan by Rooikruis Hospitaal in Kaapstad. Ten spyte van moeilike omstandighede het die ouers van baba Mc die belangrikheid van die doop eerste gestel.
In hierdie video deel sy ouers hul verhaal, hul geloof en die pad wat voorlê. Deur alles bly hulle die Here ken in al hul planne en vertrou hulle op Sy leiding en genade.

“Ek is die Here wat jou gesond maak.”
— Exodus 15:26 🙏✨
✨

Ons vra dat julle saam met ons bid vir God se beskerming, wysheid vir die dokters en volkome genesing vir klein MC. Mag liefde, hoop en geloof hierdie familie dra deur elke oomblik. 🤍

18/05/2026

Doopdiens van baba MC Josephs deur ds Mytle Neewat-Joubert.

18/05/2026

A A N D A G!!! A A N D A G!!!

Ons vra verskoning vir die mense wat reeds die klomp versnipperde clips van baba MC Josephs se doopdiens gekyk en reeds begin deel het onder mekaar.

Op die een of ander manier het facebook "besluit" om truuks met ons te speel en die "upload" heeltemal te versnipper tot hordes klein snippets.

Ons gaan nou ongelukkig alles weer moet delete en dan weer oplaai en as dieselfde ding gebeur, is daar nog een opsie wat oorbly en dit is om die video te livestream. So moenie skrik as VGK Pacaltsdorp skielik vandag "LIVE-ON-AIR" gaan met 'n doopdiens nie. Die opname was alreeds gister gedoen. Mooi dag almal.

17/05/2026

VGK-Pacaltsdorp wil langs hierdie weg graag die volgende drie here uitsonder vandag.

Isaac (kitaar) en Sean (klawerbord) is gereëlde besoekers aan ons kerk en wanneer hulle kom, kom hulle nie net om te kom ontvang nie maar ook om te kom bied.

Dan het ons ook vandag 'n splinternuwe gas in ons midde gehad. Ons eie tromspeler het in 'n frats-werksbesering sy hand beskadig en moes steke ontvang.

Stephen (tromme) het glad nie gehuiwer toe ons hom kontak nie en het onmiddelik ingespring toe hy genader word vir hulp.

Namens ons kerk wil ons hierdie here baie hartlik bedank. Julle bydrae tot ons eredienste word glad nie gering geskat nie. Ons waardeer julle groot.

Ns. In MATT 5:15 sê die Here:
"’n Mens steek ook nie ’n lamp op en sit dit onder die maatemmer nie, maar op die staander, en dit gee lig vir almal in die huis.”

Daarmee sê Hy dat jy jou talente moet gebruik sodat almal genot daaruit kan put en jy daarmee siele vir die Here kan wen.

Dis presies wat hierdie drie menere doen. Baie baie dankie julle.

Die Here seën.🙏🏻

17/05/2026

Pinksterdienstye @ Cong Kerk Pacaltsdorp

17/05/2026

Vandag was ’n besondere en emosionele dag in ons gemeente waartydens 'n spesiale doopseremonie deur dominee Myrtle Neewat-Joubert vir klein MC waargeneem was nét na die amptelike kerkdiens. 💙🙏

MC is oppad na Kaapstad saam met sy ouers, Chinese (uitgespreek: Sherneece) en Malcolm, waar hy ’n delikate operasie sal ondergaan. Ons dra hom, sy ouers en hul familie in ons gebede op en vertrou God vir krag, vrede en volkome genesing.

Dit was mooi om te sien hoe familie, peetouers en vriende saamgestaan het om hierdie spesiale oomblik te deel en hul liefde en ondersteuning te wys.

Mag God se hand oor klein MC wees elke tree van die pad en mag sy operasie 'n reuse sukses wees in Jesus' naam. 🤍✨

17/05/2026

VGK Eredens - 17 Maart 2026