01/09/2026
Ons laaste Sondag van vroue maand - 30 Augustus 2026
Prediker: Sr. Rhona Ruiters - Genesis 2 & 3
Titel: Van anval na oorwinning - Van vrou na Eva‼️
Dis hartseer om te lees dat Eva die toets gedruip dit. Die vyand het ñ aanvalsplan beraam, want hy wou tussen die noue verhouding tussen Adam, Eva en God kom. Hy was jaloers en wou dit nie so hê nie, en hy het dit reg gekry.
📍Die vyand se 1ste aanvalsplan:
- Die aanvalsplan begin by Genesis 3:1 - het God werklik so gesê? Die vyand bring twyfel.
- Baie keer word ons so vasgevang in twyfel wanneer ons luister na ñ storie en vra "kan dit waarlikwaar so wees?"
- Toe die vyand die twyfel bring, toe kon Eva nie reguit sê wat die Here gesê dit nie, en sy sny God uit die waarheid uit.
- As jy die waarheid in 2 moet sny om die 1 wat jou versoek tevrede te stel teenoor God wat jou leer, loop jy in gevaar.
📍Die vyand se 2de aanvalsplan: Genesis 3:6
- Eva wou meer hoor en weet en later van tyd toe begeer sy.
- Is it nie hoe ons baie keer vasgevang word wanneer ñ skinder storie na ons toe kom, dan begeer ons om meer te wil weet.
- Begeer ons ook nie soms wat ander het om in te pas nie?
- Jy mag nie jou naaste se huis begeer nie; jy mag nie jou naaste se vrou begeer nie, of sy dienskneg of sy diensmaagd, of sy os of sy esel of iets wat van jou naaste is nie. EXODUS 20:17
📍Die vyand se 3de aanvalspunt:
- Hy dwing die begeertes af op jou om die wat na aan jou is ook in twyfel te laat.
- Eva gee die appel vir Adam nadat sy weet dis verkeerd, en wys vir Adam hoe sappig dit is, maar omdat hy lief is vir haar, is sy wildskrag min, en hy stap nie weg nie, en hy sê nie vir haar sy mag nie, en hy eet saam met haar.
- Is it nie hoe die bose ons vasgevang kry in negatiewe dinge om dit oor te dra sodat ander ook daar deur weg draai van God af nie?
- Deur verkeerde besluite te neem om ander tevrede te stel, kan dit jou lewe en jou verhoudings kos.
Baie keer as iemand jou invloed, dan invloed jy iemand anders en dis hoe die ketting reaksie begin.
ñ Storie wat uitgepluk is, kan jy nie beteel nie, want dis klaar uit gesit.
Dis wat die vyand doen om verhoudings te verbreek; Die dief kom net om te steel en te slag en te verwoes. JOHANNES 10:10
📍Die vyand se 4de aanvalspunt:
- Hy het dit reg gekry om hulle vas te vang in sy web, want hulle draai weg van hulle God af.
- Is dit nie hoe ons as mens is nie, en dan besef ons te laat en probeer dit te bedek, dan beweeg ons weg van God en mekaar af, want die bose het dit reg gekry om tussen ons te kom.
- Dis so maklik om ñ verkeerde besluit te neem en ander daardeur seer te maak, en in die proses God een kant toe te skuif vir plesier.
Eva moes seker nag en dag voor die Here geween het, omdat sy nie sterk genoeg was om deur die slang gebruik te word nie.
Ons is soms nie sterk genoeg om beheer te neem oor sitausies nie, dan word dit erger en erger tot jy nie meer kan nie.
Genesis praat van ñ belofte van God wat ons van ons sonde verlos, en Hy sal sorg dat ons die oorwinning behaal.
En Ek sal vyandskap stel tussen jou en die vrou, en tussen jou saad en haar saad. Hý sal jou die kop vermorsel, en jý sal hom in die hakskeen byt. GÉNESIS 3:15
☝🏼 Eva kry ñ belofte uit die hand van God, en dis die eerste Evangelie wat gebore word.
📍Dit het Ek vir julle gesê, dat julle in My vrede kan hê. In die wêreld sal julle verdrukking hê; maar hou goeie moed, Ek het die wêreld oorwin. JOHANNES 16:33 🙏🏼
