28/04/2026
Die afgelope tyd was woes
vanaf Recordings, tot voorbereiding vir ons Konsert in Vredenburg Sondag wat verby is.
Toe moes ons 'n week terug verneem van die dood van Devon wat ons heeltemal verslae het, ons moes, nie uit dwang, maar uit menslikheid al ons take kanseleer op daardie Saterdag na Devon se sterfte, omdat sy dood ons heeltemal geruk het.
Devon, het ons vir die afgelope 2-3 jaar ooral vervoer waar ons uitgenooi was, selfs oorgeslaap ook wanneer hy moes. Hy was nie net ons driver nie, hy was 'n UP lid. Hy het altyd seker gemaak ons kom veilig by ons bestemming aan. Sy sagtheid en menswees sal ons altyd by bly. Ja, ons harte is stukkend, en ons dink veral aan ons lid Jadene Krotz, wat haar lewens-maat verloor het. Ons weet die pad na herstel le lank voor jou uit,maar met die Here sal jy weer lag. Die Here sal jou weer bou.
Onderaan is 'n video hoe ons Devon se lewe gevier het. Sy Ma, sis Libby...wat 'n sterk vrou. Staande Rots was Devon se gunsteling koortjie en u het dit met volle bors saam ons kom sing, om hom vir oulaas te eer. Die Hartseer van 'n moeder ken ons nie,maar soos die koortjie verklaar " Hy is my staande Rots" bid ons dat die Here in hierdie tyd van rou, u Staande Rots sal bly.
Rus in Vrede Devon. Ons gaan jou vreeslik baie mis
