NG KERK CERES

21/05/2026

Tussen die reeds en die nog nie. Kom sluit vanaand by ons aan vir die laaste Pinkstergesprek voor Pinksterfees Sondag.

Kerksaal. 18:00 vir sop. 18:30 gesels ons saam om die tafels.

21/05/2026

Pinkstergesprek Woensdagaand. Hoe werk ons saam?

19/05/2026

Sien julle vanaand 18:00 by die Kerksaal vir Sop en Pinkstergesprekke.

18/05/2026

Sien julle weer vanaand 18:30 (kom solank 18:00 vir ‘n lekker koppie soo).

17/05/2026

Ons Pinkstergesprek vanaand vind in die Kerksaal plaas om 18:00 (Sondag 17 Mei). Kom geniet ‘n koppie sop en dan begin die diens om 18:30. Almal welkom.

15/05/2026

Sondag se erediens en Pinkstergesprek. Ons hoop om julle 09:30 te sien.

14/05/2026

Vandag vier ons Hemelvaart. Ons leef in die tussenin-tyd. Tussen die “reeds” en die “nog nie”. Christus het reeds vir ons gesterf, opgestaan en Sy Gees gestuur. Maar ons is nog nie in die tyd waar Hy terug gaan keer om die aarde nuut te maak nie. Soos nadat jy ‘n Takelot bestelling geplaas het, betaal het, maar nog vir die pakkie wag.

Hierdie laaste paar dae in Ceres het ons dit akuut ervaar.

Nou ná die storm vat ons hande en maak Christus se liefde duidelik. Ons is Sy gestalte en verteenwoordigers op aarde.

11/05/2026

Dit was 'n baie koue en nat Sondag gister - vir almal wat die Erediens gemis het, ons het gesels oor hoe God ons kies.

Hier is die skakel na die erediens:

Opstanding Sondag

11/05/2026

Wanneer is ons daar?

Toe my kinders jonger was, het hulle dit geniet om sekere films herhaaldelik oor te kyk. Op ‘n stadium het Xander uitgewerk hoe om die beeld vorentoe en agtertoe te verander om sekere stukkies binne ‘n film oor en oor en oor te kyk. Elke keer wanneer dieselfde toneel op die skerm verskyn sal hy uit sy maag lag asof hy dit vir die heel eerste keer sien. Een van hierdie tonele was uit die tweede Shrek-fliek waar die irriterende donkie vir die duisendste keer vra: “Are we there yet?”

Die reis wat hulle onderneem, is na die land van: “Far, far away” en hierdie tussenin reis van die donkie se bestaande blyplek na sy nuwe tuiste neem net eenvoudig te lank. Dus vra hy: hoe vêr nog…

Ek d**k vandag aan hierdie toneel om iets te probeer verduidelik van ons Pinkstertema vir die jaar: Van Ballingskap na tuiste.

Dit is reeds ‘n redelike mondvol en ek hoor jou vra: “Wat kan dit tog beteken?” Kom ons begin by die woord ballingskap. Dit is ‘n woord wat vloei vanuit die Bybel en die volk Israel wat met geweld deur die koning van Babel weggevoer is, uit hulle eie land uit. Hulle word van alles wat vir hulle bekend is vervreem. Die mense van Juda was tuis in hulle eie land en Jerusalem, met die Tempelge-bou, wat gesien was as die plek waar hulle God kon ontmoet. As gevolg van hulle ongehoorsaamheid het God toegelaat dat hulle weggevoer word vanuit die land wat Hy vir hulle voorvaders belowe en vir hulle as geskenk gegee het.

As jy mooi kyk sal jy sien dat hierdie tema deur die hele Bybel herhaal word en ek en jy is vandag nog in ‘n tipe Ballingskap. Dit gaan hier nie net oor ‘n geografiese verwydering nie, maar om in ons lewens en denke van God verwyder te wees. Met die Sondeval is die mens vervreem van God en die aarde waaruit hulle geskep is. Die Bybelverhaal kan gesien word as God se werk in ons lewens om ons weer by Hom tuis te bring. Deur ons hele lewe vra ons, soos die donkie: Is ons al daar?

Kom neem deel aan ons Pinkstergesprekke en vra dat God jou sal help om in Hom tuis te kom en te leef as ‘n persoon wat besef ons huis is in God se volle teenwoordigheid.

-AlexC

10/05/2026

Gelukkige Moedersdag aan al die Moeders! Die mammas! Die moederliefs! Ma’s! Moeksies en Mamsies.

Daar was vir elkeen van die bogenoemde ‘n pragtige koekie vir vandag se erediens.

Julle word opreg waardeer.