Baptiste Kinderkerk

Home
South Africa
Bloemfontein
Baptiste Kinderkerk

Ons is die kinderbediening van Bloemfontein Baptiste Kerk. Hier leer ons saam van Jesus op 'n relevante en genotvolle wyse. Sondae dienstye is 8h30 en 10h15.

Elke peuter (1-3 jaar) kleuter (4-6 jaar) en Graad 1-5 maat is welkom. Die verskillende elemente van die Kinderkerk op ŉ Sondag oggend, kan soos volg opgesom word:

PEUTERKERK
Dit is nooit te vroeg om met die vorming van jou kind se geestelike fondasie te begin nie. By die Peuterkerk vorm ons klein kerkies in die Klein kerkie lokaal by die kerk. Tydens beide oggend dienste, word daar 'n program vi

r ons peuters aangebied. Peuters geniet weekliks 'n Skootstorie video wat 'n Bybelse konsep, vers of gedagte met die kindertjies deel. Daarna, beweeg peuters na kunswerke en speletjies wat die gedagte van die dag kan vaslê op 'n prettige wyse. Peuters word huistoe gestuur met 'n handleiding wat ouers kan gebruik om die gedagte gedurende die week uit te pak en in te bou in die daaglikse roetines en gebeure. KLEUTERKERK
Dit is die kerk vir kleuters 4-6 jaar in die voorste gedeelte van die Jeugsentrum. Ons leer hulle van Jesus op ŉ speel-speel manier gepas op hulle vlak. Die lesse word deur aangebied deur n aanbieder op hulle vlak en daarna is daar verskeie aktiwiteite waaraan die kinders deelneem in lyn met die les. Kleuters word huistoe gestuur met 'n handleiding wat ouers kan gebruik om die gedagte gedurende die week uit te pak en in te bou in die daaglikse roetines en gebeure. GRAAD 1-5
Dit is die gedeelte van Kinderkerk wat plaasvind in die Jeugsentrum. Ons het ŉ Grootgroep gedeelte waar al die kinders saam liedjies sing en 'n video les saam kyk. Daarna deel die kinders op in kleiner groepies binne hulle verskillende grade om die les prakties van toepassing te maak op hulle eie lewe deur verskeie aktiwiteite en besprekings. Elkeen van hierdie Kleingroepies het 'n opgeleide leier wat die kinders leer en met hulle verhouding bou om in hulle lewens in te spreek week na week. Kinders word huistoe gestuur met 'n handleiding wat ouers kan gebruik om die gedagte gedurende die week uit te pak en in te bou in die daaglikse roetines en gebeure.

16/06/2026

🎉 Gelukkige Jeugdag! 🎉

Julle is nie net die kerk van môre nie ,julle is God se lig vandag! ✨

Die Bybel herinner ons in 1 Timótheüs 4:12:
“Moenie dat iemand op jou neersien omdat jy jonk is nie, maar wees ’n voorbeeld vir die gelowiges.”

Mag elke kind en jongmens vandag weet dat God hulle wonderlik gemaak het, hulle liefhet en ’n besondere plan vir hul lewe het. 🌈💙

Hou aan droom, glo, groei en skyn vir Jesus! 🌟

10/06/2026

🎶 Sing saam en dans Woensdag! 💃🕺

Het jy geweet dat Dawid met sy hele hart voor die Here gedans het?
Hy was só bly en dankbaar vir God se goedheid dat hy nie kon stilsit nie!
Kom ons volg sy voorbeeld en loof die Here met vrolike liedjies, groot glimlagte en danspassies wat wys hoe lief ons vir Hom is. Bring jou energie, jou vreugde en jou dansskoene saam vir ’n heerlike Woensdag vol pret en lofprysing! ✨🙌💙

08/06/2026

Geen kinderkerk hierdie Sondag nie, maar onthou: God se liefde vat nooit vakansie nie!
Geniet die langnaweek en ons sien julle weer op Sondag, 21 Junie. 🐠💕

04/06/2026

Die Here is my Herder; niks sal my ontbreek nie.” – Psalm 23:1

Jesus is soos ’n liefdevolle skaapwagter wat altyd na Sy skapies kyk. Hy weet wat ons nodig het, beskerm ons wanneer ons bang is en sorg dat ons genoeg het. Net soos ’n herder sy skape na groen gras en vars water lei, lei die Here ons elke dag met Sy liefde. Daarom hoef ons nie bekommerd te wees nie, want Hy is altyd by ons en sorg mooi vir ons.

🐑💚 As die Here my Herder is, is ek Sy kosbare skapie, veilig in Sy sorg. 💚🐑

31/05/2026

Sondag 31 Mei
Vat 5 met Rob(ert) Seeskaap

Dierbare Skat
Het jy geweet dat robbe eintlik soos die skapies van die see is? Kom duik in vir hierdie soutwater Seeles waar ons die waarheid van prakties leer 🐑🩷