Harmonie Gemeente

10/06/2026

Sondag 14 Junie, Harmonie Gemeente.
'n Oggend van Lofprysing, Vreugde en Samesang!

Hierdie langnaweek nooi ons jou na iets besonders. Nie 'n konsert waar jy kom luister nie. Nie 'n vertoning waar jy net toekyk nie. Maar, 'n geleentheid waar ons as vriende, as families, as kuiergaste - saam ons stemme verhef om God te loof.

Ons gaan die bekende liedere sing wat oor jare heen harte aangeraak het. Liedere wat herinneringe wakker maak. Liedere wat geloof versterk. Liedere wat ons weer herinner aan die goedheid en trou van God.

Jonk en oud is welkom! Daar is selfs van die geliefde kinderliedjies wat geslagte saam kan laat glimlag en saamsing. Bring jou familie. Bring 'n vriend. Bring iemand wat bemoediging nodig het. Bring iemand wat graag saam met ander ons God wil aanbid.

En ná die sang? Bly gerus nog 'n bietjie kuier en geniet 'n heerlike pannekoek saam met ons. Kom ervaar die vreugde en omgee liefde van Harmonie Gemeente.

Kom ervaar die krag van stemme wat saam God se Naam grootmaak.
Sondag | 09:15
Harmonie Gemeente
(Hoërskool Bellville)

Kom sing saam. Kom aanbid saam. Kom wees deel van iets mooi.

Want wanneer God se mense saam sing, gebeur daar iets in die harte wat geen woorde alleen kan doen nie.

Hierdie Sondag gaan dit nie oor hoe goed jy sing nie... dit gaan oor Wie ons besing.

04/06/2026

WAT AS GOD IETS VIR JOU WIL GEE?
Nie nog 'n taak nie;
Nie nog 'n verpligting nie, maar 'n Gawe.
Toe mense op Pinksterdag die waarheid hoor, het hulle gevra: "Wat moet ons doen?"

Hierdie Sondag ontdek ons waarom daardie vraag steeds relevant is – en waarom God se antwoord oor die Gees se werking in ons lewens, dalk anders is as wat jy verwag.

📍 Harmonie Gemeente
🕘 Sondag 09:15 (Nagmaal word bedien)
Met Kinderkerk en Jeug
Almal is hartlik welkom.
Prediker: Hugo Weich
Tema: Tyd om dit uit te leef!

01/06/2026

Welkom in Junie!

01/06/2026

Ons finale deel III van Pinkster. Ons praat oor wat dit regtig beteken om “vol van die Gees” te wees! Om só deur die Heilige Gees vervul te wees… dat Hy sigbaar word in jou leefstyl.

Efésiërs 5:18 sê: “Moenie dronk word van wyn nie… maar word met die Gees vervul.”

Iemand onder die invloed, kan nie wegsteek wie/wat hom beheer nie. En dalk is dit presies wat God vir ons bedoel het: Dat Sy Gees só deur ons lewens vloei, dat mense Jesus in ons raaksien.

00:00:00 - Lofsang00:08:08 - Die BoodskapOns finale deel III van Pinkster. Ons praat oor wat dit regtig beteken om “vol van die Gees” te wees! Om só deur die...

28/05/2026

Probeer om nie Sondag se Woord te mis nie. Ons finale deel III van Pinkster. Ons praat oor wat dit regtig beteken om “vol van die Gees” te wees! Om só deur die Heilige Gees vervul te wees… dat Hy sigbaar word in jou leefstyl.

Die Bybel sê: “Moenie dronk word van wyn nie… maar word met die Gees vervul.” Iemand onder die invloed, kan nie wegsteek wie/wat hom beheer nie. En dalk is dit presies wat God vir ons bedoel het: Dat Sy Gees só deur ons lewens vloei, dat mense Jesus in ons raaksien.

Hierdie Sondag praat ons prontuit oor: “Dronk van die Gees” Kom luister saam. Kom vra weer vir God om jou lewe vol te maak. Daar is Kinderkerk en Jeug gelyklopend met die Erediens, 09:15 by Hoërskool Bellville.

21/05/2026

Wat as God nie net langs jou wil stap nie… maar IN jou wil woon?

Pinkster Sondag ontdek ons weer die ongelooflike waarheid van Handelinge 1:8:
“Julle sal krag ontvang wanneer die Heilige Gees oor julle kom.”

Nie krag vir “super-gelowiges” nie, maar vir gewone, moeg, bang, gebroke mense soos ons. Mense wat soms voel hulle het nie meer genoeg krag om aan te hou nie.

Maar Pinkster herinner ons: Die Gees van die Lewende God woon in jou. En wanneer Hy in jou leef, begin iets verander: jou hart, jou karakter, jou lewe… en uiteindelik sien ander dit ook.

Kom beleef ’n boodskap vol hoop, waarheid en die krag van God se teenwoordigheid.

“Julle sal krag ontvang!”

14/05/2026

Sondag begin ons met 'n baie opwindende Reeks - van Hemelvaart en die Heilige Gees…

Ons gaan nie praat oor wat ons 'd**k ons weet' van die Gees nie, maar ons gaan terug na die WOORD, en diep denkend werk deur presies wat JESUS gesê het oor die Gees van God - en daardie effek wat dit op ons lewens kan hê.

Kom met groot afwagting vir 'n vars aanraking en bewuswording van God se Gees in ons lewens. Sien jou Sondag!

Ons diens (met Kinderkerk en Jeug) begin 09:15, by Hoërskool Bellville, en almal is hartlik welkom. Nooi iemand saam!

14/05/2026