Light Of Christ Ambo Church Page

23/08/2026

Light Of Christ Ambo Church Page
(Macaafa Iyaasuu 6 )
------------
1 Sababii Israa'elootaaf karri mandara Yerikoo jabaatee cufamee ture; namni isa keessaa gad hin ba'u, isattis ol hin galu ture.
2 Waaqayyo yommus Iyaasuudhaan, "Ilaa, ani Yerikoo mootii isaa fi loltoota isaa warra jajjaboo wajjin harka kee keessa buuseera.
3 Ati namoota mi'a lolaa hidhatanii wajjin mandaricha guyyaatti si'a tokko naanna'i! Guyyaa ja'a akkuma kana godhi!
4 Luboonni torba fiinoo torba baatanii sanduuqa kakuu dura haa adeeman! Guyyaa torbaffaatti immoo luboota fiinoo afuufaa adeemanii wajjin mandaricha si'a torba naanna'aa!
5 Yommuu isaan utuu gargar hin kutin fiinoo afuufan, akkuma sagalee fiinoo dhageessaniin namoonni hundinuu guddisanii itti haa iyyan! Yommus masaraan mandarichaa in jiga, namoonnis adda addaan irra yaa'anii qajeelanii ol itti in galu" jedhe.

16/08/2026

Light Of Christ Ambo Church Page
(Macaafa Hisqi'el Raajichaa 3 )
------------
1 Inni yommus, "Yaa mucaa namaa! Ati wanta siif kenname nyaadhu! Macaafa maramu kana nyaadhuutii dhaqii namoota Israa'elitti dubbadhu!" naan jedhe.
2 Kanaaf ani afaan koo nan bane, inni immoo macaaficha maramu akkan nyaadhuuf anaaf kennee, ..
4 Inni ammoo, "Yaa mucaa namaa! Ati gara namoota Israa'el dhaqii dubbii koo isaanitti dubbadhu!
5 Ati gara namoota Israa'elitti ergamte malee, gara saba afaan isaa hin hubannee fi haasaan isaa rakkisaatti hin ergamne;
6 ani gara saba warra afaan isaanii hin hubatamnee fi haasaan isaanii rakkisaatti, gara warra ati dubbii isaanii hin hubanneettan si erga miti; utuu ani dhugumaan gara isaaniitti iyyuu si ergeera ta'ee, silaa isaan siif in dhaga'u turan.
7 Garuu namoonni Israa'el anaaf waan dhaga'uu hin jaallatiniif, siifis dhaga'uu hin jaallatan, guutummaan mana Israa'el addaggee dha, boqu-jabeeyyii dha;
8 kunoo, ani fuula isaanii duratti ija-jabeessaa fi mata-jabeessa sin godha;

02/08/2026

Waldaa_Ifa_kristoos
Light Of Christ Ambo Church Page

19/07/2026

Light Of Christ Ambo Church Page
(Macaafa Faarfannaa 27 )
------------
1 Waaqayyo ifa koo ti, fayyina koo tis, yoos immoo eenyuunan sodaadha ree? Waaqayyo da'oo jireenya kootii ti, eenyu durattan pherpherama ree?
2 Warri hamaa hojjetan ana nyaachuuf yommuu anatti dhi'aatan, warri na cunqursanii fi warri diina kootii ana irratti yommuu ka'an, ofuma isaaniitii gufatanii in kufu.
3 Duulli na marsee yoo buufate iyyuu, garaan koo hin sodaatu; lolli yoo anatti ka'e iyyuu, ani hin shakku.

16/07/2026

Light Of Christ Ambo Church Page
(Seera Uumamaa 37 )
------------
3 Yaaqoob inni "Israa'el" jedhame ilma dulluma isaa jala argate waan ta'eef, Yoseefin ilmaan isaa hundumaa caalaatti in jaallate; qoloo dheeraa harka qabu in hojjechiiseef.
4 Obboloonni isaa garuu akka abbaan isaanii obboloota isaa hundumaa caalaatti isa jaallate yommuu argan isa in jibban; nagaas isatti dubbachuu hin dandeenye.
5 Yoseef abjuu abju'atee, obboloota isaatti yommuu hime, ittuma caalchisanii isa in jibban.
6 Inni, "Abjuu ani abju'adhe kana dhaggeeffadhaa!
7 Kunoo, nuyi maasii gidduudhaa bissii in hiina turre; kunoo, bissiin koo ka'ee ol qajeelee dhaabate; bissiin keessan immoo isatti naanna'anii bissii kootiif in gugguufu turan" jedheen.
8 Obboloonni isaas deebisanii, "Ati dhuguma mootii nu irratti taataa? Yookiis dhuguma aboo nu irratti qabaattaa?" jedhaniin; akkasitti waa'ee abjuu isaatiif, waa'ee dubbii isaatiifis ittuma caalchisanii isa in jibban.
9 Ammas abjuu tokko abju'atee obboloota isaatti himee, "Kunoo, ani abjuu kan biraa tokkos abju'adhe, biiftuun, ji'i, urjoonni kudha tokkos anaaf utuu gugguufanii argeera" jedhe.
10 Yeroo inni abbaa isaa fi obboloota isaatti himetti garuu, abbaan isaa isa ifatee, "Abjuun ati abju'atte kun maali? Dhuguma anii fi haati kee obboloonni kees dhufnee hamma lafa geenyutti siif gugguufuuf jirra moo?" jedhe.
11 Kana irratti obboloonni isaa isatti in hinaafan; abbaan isaa garuu dubbicha yaadatti in qabate...
12 Ergasii obboloonni Yoseef bushaayee abbaa isaanii tiksuudhaaf, gara Sheekem in dhaqan.
13 Israa'el yommus Yoseefiin, "Sheekem lafa obboloonni kee bushaayee tiksaa jiranitti sin ergaatii kottu!" jedhe; inni immoo deebisee, "Kunoo, ani asan jira!" ittiin jedhe.
14 Abbaan isaas, "Amma dhaqii, obboloonni kee fi bushaayeen nagaatti akka jiran ilaalii, hafuura isaanii anaaf fidi!" jedheen; akkasitti dachaa Kebroon keessaa isa erge, innis gara Sheekem dhufe.
15 Inni bakkee keessa asii fi achi utuu jooruu, namichi tokko isa argee, "Ati maal barbaadda?" jedheen.
16 Yoseef immoo, "Ani obboloota koon barbaada, hadaraa lafa isaan bushaayee tiksan anatti himi!" jedheen.
17 Namichi deebisee, "Isaan, 'Dootaan dhaqna' utuu waliin jedhanii dhaga'eera, kanaaf asii adeemaniiru" jedheen; Yoseef obboloota isaa faana dha'ee, Dootaanitti isaan argate.
18 Isaan garuu utuma inni isaanitti hin dhi'aatin fagootti isa arganii, isa ajjeesuudhaaf irratti koratan.
19 Isaan walii isaaniitiin, "Kunoo, abbaan abjuu sun dhufeera;

13/07/2026

Waldaa_Ifa_Kristoos_Ambo
Light Of Christ Ambo Church Page

12/07/2026

09/07/2026

Light Of Christ Ambo Church Page
(Luqaas 4 )
------------
1 Yesus hafuura qulqulluudhaan erga guutamee booddee Yordaanosii deebi'ee, hafuuruma sanaan lafa onaa keessa guyyaa afurtama geggeeffame,
2 Seexanaanis qoramaa ture. Guyyaa sana hundaa homaa iyyuu hin nyaanne, dhuma guyyoota sanaattis in beela'e.
3 Seexanichi yommus Yesusiin "Dhugumaan ilma Waaqayyoo yoo taate dhagaa kanaan buddeena ta'i jedhiitii abboomi!" jedhe.
4 Yesus immoo deebiseefii, "Caaffata qulqullaa'aa keessatti, 'Namni nyaata duwwaadhaan hin jiraatu' kan jedhu caafameera" jedhe.
5 Seexanichi itti aansee iddoo ol jedhaatti isa geessee, hamma liphsuu ijaatti mootummoota biyya lafaa guutummaatti isatti argisiise.
6 Achumaan immoo, "Kana hundumaa irratti aboo siif nan kenna, ulfina isaaniis siif nan dabala, isaan kun hundinuu anatti dabarfamaniiru; anis immoo abbaa ani jaalladheef nan kenna.
7 Kanaafis jilbeenfattee yoo anaaf sagadde hundinuu kan kee in ta'a" jedheen.
8 Yesus immoo deebisee, "'Waaqayyo gooftaa keetiif jilbeenfattee sagadi, isa duwwaafis hojjedhu!' kan jedhu caafameera" jedheen.
9 Seexanichi ammoo Yerusaalemitti isa geessee, fittee guutuu mana qulqullummaa irra isa dhaabachiisee, "Dhugumaan ilma Waaqayyoo yoo taate as irraa gad of darbadhu!
10'Dhimmanii akka si eeganiif ergamoota isaa siif in abbooma,
11 isaanis miilli kee dhagaatti akkah in buunetti harka isaanii irratti si baatu' kan jedhu caafameera" jedheen.
12 Yesus yommus, '" Waaqayyoon gooftaa kee gar-malee hin eeggatin' jedhameera" jedhee deebiseef.
13 Seexanichi immoo Yesusin karaa garaa garaatiin erga qoree, 'hamma yerootti isa biraa sokke.

05/07/2026

Light Of Christ Ambo Church Page