NG Kerk Somerset-Wes

11/06/2026

'n Bietjie meer oor Die Helderberg Hospitaal projek werk saam met die hospitaal se maatskaplike werker. Sy hou ons op hoogte van spesiale behoeftes en geleenthede waarby ons betrokke kan raak.
Ons is steeds betrokke met die Thula-beertjie projek. Dames is welkom om vir ons beertjie pante te brei of te hekel. Patrone hiervoor is beskikbaar by Liesle. Die toekomstige mamma, met behulp van die maatskaplike werker, maak dan die beertjie vir haar baba klaar.
Ons gee van tyd tot tyd klein versnapperinge met ‘n Bybelversie aan, by die hospitaal af, wat onder personeel en pasiënte versprei word.

Aangesien daar heelwat pasiënte na Tygerberg Hospitaal oorgeplaas word vir verdere behandeling, is daar besluit om ook daar betrokke te raak. Ons het vir die winter ‘n behoefte aan musse en serpe, veral vir volwassenes. Alle breiwerk is welkom en word waardeer. Daar is ook deurlopend ‘n behoefte aan badkamerbenodigdhede. Waslappe, sepe, tandeborsels en tandepastas kan asseblief by die kerkkantore vir ons gelos word.
Groete Lynette Jacobs (Junie 2025)

Dié projek se visie is om Jesus se lig in Helderberg Hospitaal te wees.

By die Helderberg Hospitaal projek bederf ons pasiënte en personeel van tyd tot tyd met ‘n eetdingetjie.
Ons help ook uit met badkamerbenodigdhede en ons dames brei fluks aan items vir die babas.
Ons heg ‘n Bybelversie aan ons skenkings vir bemoedeging.

Kontak gerus vir Lynette by 082 040 4967 as jy graag betrokke wil raak.

07/06/2026

https://www.youtube.com/live/MNRPA-5eJYA?feature=shared

7 Junie 2026Tema: Hy beskerm. Hy versorgPrediker: Ds. Willem Sa...

07/06/2026

Afkondigings

05/06/2026

Ons Jeugaksies is aan die gang!

Kategese (Junior en senior fases)

Daar word elke Sondag tydens die skoolkwartale Kategese vir die Junior Fase (voorskools tot gr. 6) in die ou Moederskamer en die saal aangebied, gelyktydig met die erediens in die kerk.
Na die erediens word Kategese vir die senior fase aangebied, insluitend ‘n belydenisklas.
Gesinsdienste word twee keer per kwartaal in die saal aangebied, gelyktydig met die erediens in die kerk.

Kéramos (vir jong volwassenes)

KÉRAMOS: Dit is dié NAAM van die OMGEEGEMEENTE se JONG VOLWASSENES-GROEP.
Dit kom van die Griekse woord κέρᾰμος af, wat KLEIPOTTE beteken.

SLEUTEL-VERS: 2 Korintiërs 4:7
“Ons wat hierdie skat in ons het, is maar kleipotte wat maklik breek; die krag wat alles oortref, kom dus van God, nie van ons nie.”

KERN-BOODSKAP
Ons almal is BROOS & BREEKBAAR, maar ons het GOD se KRAG wat IN en DEUR ons werk.

GOD SE LIEFDE EN KRAG WORD SIGBAAR IN MY
wannneer ek besef: ek is ‘n breekbare kleipot, maar God se krag werk in my wanneer ek klein/nederig genoeg is om God se grootheid te vertoon wanneer ek verstaan dat ek niks is sonder God nie, maar alles saam met Hom.

GOD SE LIEFDE EN KRAG WORD SIGBAAR DEUR MY
wanneer ek met ‘n omgeehart leef wanneer ek Sy liefde en krag uitdeel sodat Sy lig ook in en deur hul (as breekbare kleipotte) kan skyn.

Die bekende Henri Nouwen het gesê: “As I grow older, I am more than ever aware of how little as well as how much we can do for others. Yes indeed, we are chosen, blessed, and broken to be given.
Real care means the willingness to help each other in making our brokenness into the gateway to joy.”

Elke KLEIPOT-JONGMENS (tussen 18-35 jr) wat ‘n BEHOEFTE het daaraan om saam met ons GOD se LIEFDE en KRAG SIGBAAR te maak, word met OPREGTE OMGEEHARTE UITGENOOI om DEEL te word van KÉRAMOS.

Ons versorg mekaar en gee vir ander om, want ons
‘CARE MOS’ – KÉRAMOS.
Vir meer inligting kontak Handri (071 056 6890 na 17:00)

05/06/2026

Helderberg Ontwikkeling-sentrum sê dankie vir materiaal skenkings en volgehoue ondersteuning.

05/06/2026

Hottentots-Holland gemeente bied aan:

ORREL- & SAKSOFOONUITVOERING
🎼 🎵🎶🎵🎶🎵🎶🎵🎶

Sondag, 7 Junie, 11:00
R100/volwassene & R50/skolier
(Fondse t.b.v herstelwerk aan ons orrel)

Bespreek gerus per whatsapp (0842472251) of e-pos [email protected]

Program sluit musiek in van o.a J.S. Bach en H.A. Stamm

Ondersteun asb. Hottentots-Holland gemeente se uitvoering tbv hul orrelfonds.

31/05/2026

https://www.youtube.com/live/v8tKe1CI8CE?feature=shared

31 Mei 2026Tema: God ons KoningPrediker: Ds. Willem SauerOrreli...

29/05/2026

'n Bietjie meer oor CARITAS - die Omgeegemeente se diens van barmhartigheid.

Ons reik uit na gemeentelede in nood,
met maandelikse kruideniersware, klere,
bystand en ondersteuning waar nodig.

Caritas bedank gemeentelede graag vir die ontvangs van items en klere wat ons kan verkoop en wil julle aanmoedig om items te skenk. Dit word gestoor en verkoop in die Caritas kelder. Die verkope van klere is ‘n belangrike deel van Caritas se barmhartigheidsdiens. Klere word ook gratis aan hulpbehoewende gemeentelede geskenk. Caritas is baie dankbaar vir die maandelikse geloofsoffers soos van gemeentelede ontvang.

Francine het op 1 Januarie 2024 oorgeneem by Hester Loots.

Koördineerder:
Francine van Zyl
(084 764 3452).

27/05/2026

🍂🧡 HERFSMARK 2026 – ’n Heerlike Herfsoggend vir die Hele Familie! 🧡🍂
Die koue is oppad… en daar is min dinge so lekker soos die geur van vars pannekoek, warm koffie en ’n gesellige mark vol mense, kuier en unieke produkte! ☕🥞🍰

📍 NG Kerksaal – Andries Pretoriusstraat 77
📅 Saterdag, 30 Mei 2026
⏰ 09:00 – 13:00

Of jy nou kom vir die pannekoek, plante, soetgoed, geskenkies, die koffie of net die lekker saamkuier — daar gaan iets wees wat jou hart warm maak!
🍂 Ons sien uit daarna om julle te verwelkom! 🍂