11/05/2025
Moedersdag Diens – 11 Mei 2025
Tema: Totdat Ek My Beeld in jou sien ❤️
Vandag vier ons Moedersdag – ’n dag van dankbaarheid, liefde, bederf, ongelooflike herhinneringe, en eer aan die vouens in ons lewens. Vir sommige van ons is hierdie ‘n dag vol vreugde, van geskenkies, tot koffie in die bed, kleurvolle kaartjies – al is dit 20 kaartjies soos wat Zionike nou al vir my oor die naweek gegee het.
Maar die realiteit is, vandag kan ook vir ander dalk pyn bring, miskien as gevolg van verlore drome, afwesige kinders of selfs omdat hier vrouens is wat hulle eie mammas al aan die dood afgestaan het. Daar is ook vrouens wat deal met die realiteit en die pyn van onvrugbaarheid. So vanoggend wil ek vir elke vrou se, dat God sien JOU !
Moedersdag Vir my is ook ’n dag waarop ons nie net die fisiese mammas vier nie, maar elke vrou – die wat mammas is, die wat wag om nog mamma te word, selfs die vrouens wat nie kinders het nie, die vrouens wat miskien al ‘n kind verloor het, en die wat ander se kinders liefhet soos hul eie. God se hart klop vir elke vrou, en God se drome oor ons vrouens word nie bepaal deur om ‘n mamma te wees of nie ‘n mamma te wees nie.
Vanoggend gaan ek so bietjie van God se hart vir ons as vrouens met julle deel. So gedagte direk uit God se Woord vir elkeen van ons wat dit vandag moes hoor.
Voor ek bid, wil ek vir julle lees uit: Maleagi 3:3: “En Hy sal sit, ‘n smelter en reiniger van silwer”
Net tot so ver. Kom ons bid oor die Woord.
Ek wil begin by die begin vanoggend, en julle eers bietjie laat stil staan by Genesis 2:18. Die Here God Homself het na Adam gekyk en besef hierdie arme man is verlore. Hierdie man kort rigting in sy lewe, en tot vandag toe stem ek nogal saam met Hom, en ons kan almal saam stem toe God se: Dit is nie goed dat die mens alleen is nie. Ek wonder nogal of Hy dieselfde sou voel as Hy eers die vrou geskape het. Maar dit sal ons nie weet nie 🙂
God het gese dit is nie goed vir die mens om alleen te wees nie, Ek sal vir hom ‘n hulp maak wat by hom pas. Die volgende verse se die Here vir ons Hy het die diere na die mens toe gebring om hulle name te gee en so sal hulle vernoem gewees het. So hier gee ek dit vir ons manne, hulle kan darem orde bring en goed organiseer in sekere situasies, maar ek vermoed Adam was verveeld, en nadat hy gedoen het wat die Here vir hom gese het, het God hierdie situasie so bekyk, en miskien was dit bietjie chaos gewees, of Adam was net onnodig stout en het dalk bietjie kattekwaad aangejaag, mans word mos nie maklik groot nie.
God het hierdie situasie so bekyk en gese, nee genade, hier is niks wat by dié mens pas nie. Die situasie wat Hy aanskou het, was steeds nie volledig nie, En hier is waar die volmaakte prentjie begin …
Jy sien, God weet absoluut wat Hy doen. Eerstens, maak Hy die man stil. Ek d**k miskien wou Adam eers bietjie onderhandel. Want dalk wou hy eers nog gaan visvang of nog net een keer gaan jag, dalk eers ‘n boom klim of watokal mans hulle self mee kan entertain in die bos. Maar God doen dinge mos bietjie anders, en Hy sit hom in ‘n diep slaap, as arme Adam maar net geweet het wat kom!
Maar God begin toe om ‘n wonderlike en volledige daad te doen, en hy sit vir Adam in ‘n diep slaap, en uit Adam se ribbekas vorm Hy hierdie beeldskone, ongelooflike. Volmaakte, wonderlike, super wese, ‘n VROU! En Hy neem haar na die mens toe.
Ek d**k met die eerste kyk toe is Adam smoorverlief, ons kan ons eie afleidings maak oor hoekom Adam een kyk gegee het en die mooiste vow – die mooiste belofte in daai oomlik spreek en hy se: Dit is nou eindelik been van my gebeente en vlees van my vlees, en hy sal sy vader en sy Moeder verlaat en sy vrou aankleef. En hulle sal een vlees wees.
Jy sien, die eerste doel vir jou lewe was nie om net ‘n Moeder te wees nie, maar om VROU te wees. Om ‘n helper te wees wat hierdie man sal volledig maak. En dis hoekom ons hierdie dag gebruik om eer te gee aan alle vroue – moeders, dogters, oumas, susters, enkelvroue, en dié wat wag op beloftes wat dalk nog nie vervul is nie. Jy hoef nie 'n ma te wees om 'n moederlike hart te hê nie. Jy hoef nie net ‘n ma te wees om waardevol in God se plan te wees nie. God het jou geskape met 'n doel, en jou teenwoordigheid in hierdie wêreld is nie toevallig nie.
God het elke vrou geskape met ’n spesifieke rol, ongeag haar huidige seisoen. Getroud of enkel, met kinders of sonder – jy is waardevol, geliefd en nodig. Jy is deel van Sy plan – vir jou huis, jou kerk, jou gemeenskap.
Miskien het jy hierdie al oor en oor gehoor en jy sit dalk vanoggend hier en wonder “Sien God my regtig raak? Weet Hy wat ek dra?” Die lewe trek ons in soveel rigtings—moederskap, verhoudings, werk, bediening, sorg vir ander—en tog voel dit soms of niemand raaksien wat ons doen nie. Maar hier is die waarheid wat deur die hele Bybel gesaai is: God ontmoet ons as vroue net daar waar jy is.
Nie net fisies nie, maar ook emosioneel en geestelik—reg in die dieptes waar ander nie kyk nie. Reg in die dieptes wat ander nie raaksien nie, selfs nie eers dit wat jou kinders of jou man nie raaksien nie. Hierdie silent battles wat ons as vrouens daagliks fight.
Ek het bietjie gaan kyk na verhale in die Woord waar God die vrouens ontmoet het, en ‘n paar van hierdie ontmoetings kon ek toepas op ons as vrouens se daaglikse lewens
Genesis 16 lees ons van Hagar, sy was ‘n dienskneg, mishandel en verwerp. Swanger en alleen, vlug sy die woestyn in. Sy het nie na God gesoek nie—maar God het na háár gekom.
Hy ontmoet haar by ‘n fontein in die woestyn en praat persoonlik met haar. In daardie ontmoeting Toe noem sy die Naam van die Here wat self met haargepraathet, en sy se; U is die God wat sien!
Hagar het nie daardie dag ‘n wonderwerk gekry nie—sy het ‘n belofte ontvang, dat sy nie onsigbaar is vir God nie.
In Johannes 4 gaan die Samaritaanse vrou om water te skep—’n gewone, alledaagse taak. Maar daardie dag wag Jesus op haar. Jesus het haar nie in ‘n fancy plek ontmoet nie, Hy het haar by ‘n put ontmoet.
In 1 Samuel 1 lees ons van Hanna—hartseer, verlangend en sonder kinders. Sy bid in die tempel, so stil dat die Priester d**k sy is dronk.
Maar God hoor haar. En God onthou haar. Hy het nie nodig gehad dat sy hard praat of ‘tekere gaan nie. Haar trane was vir God genoeg.
En dan kan ons hierdie ontmoetings vergelyk met hoe God die mans in die Bybel ontmoet het, dit was soveel anders in vergelyking. Jy sien, God het ons geskape, en Hy het presies geweet hoe die vrou is, hoe sy d**k, hoe emotioneel sy raak, en presies wat sy nodig het.
Wanneer God mans in die Bybel ontmoet het was dit soms in baie dramatiese oomblikke, Hy het hulle ontmoet op berge, by ‘n brandende bos in donderslae, in tye van stryd en uitroeping, of wanneer Hy streng opdragte aan hulle gegee het. Elia het God selfs ontmoet op ‘n berg met winde en aardbewings.
Maar dit was anders vir God wanneer dit by vrouens kom. Daarom wil ek jou vanoggend oortuig dat jy vandag sal weet … maak nie saak waar jy jouself bevind vandag nie - miskien is jy moedeloos, miskien is jy uitgeput, voel minderwaardig, voel verwaarloos, het fisies seer, voel alleen en asof niemand jou raaksien nie, en of niemand jou hoor nie, is hierdie die waarheid wat jy dalk vandag moet hoor, want Waar jy jouself ook al bevind—God sal jou dáár ontmoet.
God is so gefokus op jou, en Hy wag, geduldig vir jou, totdat Hy sy beeld in jou sien.
Maleagi 3:3: “En Hy sal sit, ‘n smelter en reiniger van silwer, en Hy sal die seuns van Levi reinig en hulle louter soos goud en soos silwer, sodat hulle aan die Here in geregtigheid, ‘n offer sal bring”
Terwyl ek afsonder en gaan lees oor hierdie teks vers wat die Here op my hart gele het, kom ek op ‘n storie af, en ek wil afsluit om hierdie storie met jou vanoggend te deel, ’n beeld wat so diep en fluisterend die hart van God openbaar: die proses van silwer verfyning.
’n Vrou het eendag ‘n bybelstudie taak gedoen oor Maleági 3:3 waar God in hierdie studie as ‘n silversmid beskryf word, en sy het gewonder wat dit beteken dat God “sit as ’n silwersmid.” Die vrou het besluit om die proses van silwer loutering te gaan ondersoek.
Sy het besluit om ’n silwersmid te gaan besoek en hom gevra oor die hele proses en of sy kan kyk hoe hy deur die proses gaan, sonder om aan hom te verduidelik hoekom sy dit spesifiek wil weet. Terwyl die silwersmid sit en werk verduidelik hy aan haar:
“Ek moet die silwer in die vuur hou in die warmste deel van die vuur om al die onsuiwerhede uit te brand. Maar ek moet dit self vashou, die heeltyd daar SIT en dit dophou, want as ek dit net ’n oomblik te lank los, sal dit vernietig word.”❤️
Die vrou het toe stil geraak en sy vra hom toe: Maar hoe weet jy wanneer die silwer reg is? Hoe weet jy dan wanneer die proses klaar is?
Die Silwersmid het met ‘n sagte glimlag geantwoord en gese” Dis baie eenvouding, ek weet die silwer is greed, wanneer ek my beeld daarin kan sien”
En so besef ek, in my stilte tyd dat hierdie die vers is wat God vandag in ons as vroue se harte wil kom bere. Want ongeag jou omstandighede, ongeag jou seer en jou pyn, ongeag jou verlange na iets wat net jy van weet, ongeag of jy moedeloos voel, ongeag of jy nie erkenning kry vir enige iets wat jy doen nie, ongeag jou trane en jou swakhede is Hy naby.
God het nie van jou vergeet nie, God sit, en Hy wag en Hy is so gefokus op jou, hy sit met soveel sorg en Geduld en kyk na jou met oe wat Hy nooit van jou sal afhaal nie. Hy jaag nie die proses aan nie, want Hy weet hierdie seisoen waarin jy vandag is, is nie te lank nie. Hy los nie een van ons in die vuur nie. Hy kyk en Hy wag. Nie om ons te straf nie, maar om ons te vorm.
En miskien wonder jy vanoggend maar hoe lank nog Here, want die vuur raak nou bietjie warm. My omstandighede raak nie beter nie? Maar jy sien, liewe vrou, die antwoord is eenvoudig:
Totdat Ek my Beeld in jou sien! 🤍
Nie een oomlik in jou vuur is verniet nie. Nie een seisoen waardeur jy gaan is vir Hom te lank nie. God weet wat Hy doen. Jy liewe vrou, is Sy Meesterstuk. Jy is kosbaar, verfyn en gekies.
En wanneer die wereld na jou kyk, wanneer jou kinders, jou vriende, jou man en selfs vreemdelinge na jou lewe kyk dat hulle mag se “Ek sien iets van Jesus in haar”
Want dit is Sy werk in Jou. Dit is Sy doel met jou! En dit is Sy hart: Totdat Hy Sy Beeld in Jou sien!
Past. Michelle ❤️
