Pharos Gemeente

12/09/2026

Andries Kraal Uitreik | 26 September

’n Klein pakkie. ’n Groot glimlag. ’n Bietjie omgee.

Op 26 September gaan ons as Pharos-gemeente weer uitreik na Andries Kraal en jy kan help om iemand se dag ’n bietjie spesiaal te maak.

Ons benodig:

🥜 Klein pakkies NikNaks
🧃 Oros Mix
💰 Of ’n kontantbydrae indien jy eerder wil bydra tot die uitreik.

As jy iets kan skenk, bring dit kerk toe en help ons om hierdie uitreik saam moontlik te maak.

Want uitreik begin nie altyd met iets groot nie. Soms begin dit met ’n klein pakkie NikNaks en ’n hart wat sê: “Ek gee om.” ❤

11/09/2026

11/09/2026

https://mailchi.mp/91d677db1475/ambassadeurs-18000007

09/09/2026

Diensrecap | Wanneer ek nie meer kan stilbly nie

Ons praat maklik oor alles en almal maar wanneer dit by Jesus kom, raak ons skielik ’n bietjie stil.

Hierdie Sondag het ons gesels oor die dissipline van getuienis en dalk is getuienis nie in die eerste plek ’n “ek móét dit doen” nie, maar ’n “hoe kan ek stilbly?”

Jy hoef nie ’n teoloog te wees nie.
Jy hoef nie al die antwoorde te hê nie.
Jy hoef nie ’n perfekte storie te hê nie.

Jy het net jou storie.

Wie jy was.
Hoe jy Jesus ontmoet het.
En wat Hy sedertdien in jou verander het.

En wanneer jou hart vol raak van God se genade, begin jou mond gewoonlik daarvan praat.

So, ’n klein uitdaging vir hierdie week:

As iemand jou vandag vra: “Wat het Jesus in jou lewe verander?” wat sou jy antwoord?

Miskien is jou gewone storie presies die getuienis wat iemand anders nodig het om Jesus te leer ken.

04/09/2026

https://mailchi.mp/7cde667d1d6d/2026-09-04-pharosnuus-17999822

03/09/2026

Lechem | Sessie 02

Ons het hierdie week verder deur Rut gestap en een vraag het bly hang:

Is jy tevrede?

Nie die “alles is perfek” soort tevrede nie.
Maar dieper: het jy vrede gemaak met waar die Here jou geplaas het, met wat Hy aan jou toevertrou het en met die seisoen waarin jy tans is?

Ons het ook gekyk na wat in Naomi se hart gebeur het toe sy besef wie se lande Rut gekies het en gewonder wat daardie oomblik van deurbraak voorafgegaan het.

Miskien is daar ’n vraag uit Sessie 2 wat jy hierdie week saam met jou moet dra.

Wat het vir jou uitgestaan?

En as jy nog nie by ’n Lechem-aand was nie: kom sit volgende keer saam aan die tafel.

Vir volgende keer: Rut 1–3

01/09/2026

Kan ek God vertrou wanneer ek Hom nie verstaan nie?

Ons het Sondag verder gekyk na Jesus as die hemelse Bruidegom en na iets wat elke volgeling van Hom nodig het: vertroue.

Ons verstaan nie altyd God se weë nie. Ons het nie altyd antwoorde vir die hoekom nie, maar ons kan weet Wie Hy is.

God is goed. Sy oordele is reg en regverdig. Hy het geen verborge, donker motiewe nie, Hy is die Bruidegom wat ons vertroue waardig is.

En daarom is die belangrikste vraag dalk nie: “Verstaan ek alles wat God doen?”, maar, “Vertrou ek Hom genoeg om Hom te volg, selfs wanneer ek nie verstaan nie?”

In Jakobus 1:17 lees ons “Elke goeie gawe en elke volmaakte geskenk kom van Bo…”, en as jy regtig daaraan dink, wat help jou om God te vertrou wanneer jy nie die groter prentjie kan sien nie?

28/08/2026

https://mailchi.mp/bbb109f9a1be/die-beminde-bruidegom-17999666