Gerrie de Haas

Gerrie de Haas Changing peoples lives through Jesus Christ with the help of the Holy Spirit and the grace of God! Heb 6:1-3

We believe in God the Father, the Creator of heaven and earth and His son Jesus, who became man and died on the cross for the full redemption of mankind and to restore the relationship between God and mankind. We believe that the third person of the Trinity was poured out upon all mankind as comforter and guide in all truth. We believe in:

a Godly Gospel of repentance and deliverance. The salvati

on of man’s soul and the renewing of his spirit through the process of being born again. The believers baptism in water and for the baptism of the Holy Spirit. The fact that all mankind should hear the Gospel of peace and salvation. Signs and wonders following the Word of God being preached.

‘JY MOET WEER GEBORE WORD’ 1/3Daar is ‘n saak wat ons d**k ons alles van weet, maar dis nie so nie. Dis die...
02/06/2026

‘JY MOET WEER GEBORE WORD’ 1/3

Daar is ‘n saak wat ons d**k ons alles van weet, maar dis nie so nie. Dis die konsep van Wedergeboorte.

Dit het gemaak dat ons die volheid van God nie altyd verstaan nie. Kom ons kyk wat sê die Bybel: Jesus Christus en Nikodemus. Johannes 3:3-5

‘Jesus antwoord en sê vir hom: Voorwaar, voorwaar Ek sê vir jou, as iemand nie weer (van Bo af) gebore word nie, kan hy die koninkryk van God nie sien nie.

Nikodémus sê vir Hom: Hoe kan ‘n mens as hy oud is, gebore
word? Hy kan tog nie ‘n tweede keer in die skoot van sy moeder ingaan en gebore word nie? Jesus antwoord: Voorwaar, voorwaar

Ek sê vir jou, as iemand nie gebore word uit water en Gees nie, kan hy in die koninkryk van God nie ingaan nie’.

Jesus sê duidelik aan Nikodemus: ‘Dit gaan nie daaroor dat jy nie hemel toe kan gaan nie. Dit gaan oor die beginsel dat jy nie die Koninkryk van die hemele en van God gaan sien of kan ingaan nie’.

Die Koninkryk van God is waar God ‘n sekere manier het om dinge te doen. Dis ‘n geestelike geboorte. Jesus se dissipels moes ook almal hierdeur gegaan het om met Heilige Gees vervul te word.

As jy nie hier op aarde in die Koninkryk van God opereer nie, sal jy sekere dinge in God se sisteem nie kan doen nie. As jy die Naam van die Here aangeroep het, gaan jy hemel toe eendag.

Maar daar is ‘n hoër vlak. Om alles wat beskikbaar is vir elke kind van God te kry, beteken dit dat daar ‘n ander manier is om nog dinge te doen.

Kom ons kyk na die gesprek tussen Jesus en Nicodemus.

Nicodemus was nie ‘n nuwe bekeerling nie. Hy was ‘n ernstig man van God. Hy was totaal oorweldig deur die bediening van Jesus.

Hy het alles dopgehou en toe een aand in die geheim na Jesus toe gegaan. Jesus het presies geweet wie Nicodemus was en daarom toegelaat dat hy na Hom toe kan kom.

Nicodemus wou so graag doen wat Jesus gedoen het. Hy wou so graag die salwing wat hy gesien het, ook hê. Hy het besef dis die manier om sy eie bediening na nuwe hoogtes toe te neem.

- Dr Gerrie de Haas -

‘JY MOET WEER GEBORE WORD’ 2/3Ons moet net eers die basiese beginsels van bediening besef. Daar is redding – om...
02/06/2026

‘JY MOET WEER GEBORE WORD’ 2/3

Ons moet net eers die basiese beginsels van bediening besef. Daar is redding – om tot bekering te kom, en dan is daar wedergeboorte. Die twee verskil heeltemal.

Bekering gebeur heel eerste. ‘n Mens ontvang die Woord van God – dis Jesus Christus, onder die leiding van Heilige Gees.

Wat het jy ontvang? Jy het redding ontvang. Jou naam word nou geskryf in die Lam se Boek van Lewe.

Jou sonde kan nou vergewe word. Jou klere is nou gewas met die Bloed van Jesus. Jy is nou op die eerste vlak van die Lewe.

Die Deur is oop en jy het ingestap in die voorportaal.

Maar, die geheim is nie in die voorportaal nie. Jy moet opgaan na die volgende vlak toe. Jy kan vir 20 jaar gered wees, sonder om wedergebore – van Bo af - te wees. Die heel grootste gedeelte van die kerk wêreldwyd funksioneer hier.

Jesus het baie duidelik gesê: ‘Jy kan nie soos Ek funksioneer as jy nie wedergebore is en nie totaal geesvervuld is nie’.

Daar is altyd twee oproepe na die altaar toe. Met die eerste een word jy gered. Hierna volg die proses om van Bo af gebore te word.

Dit gebeur gewoonlik met manne en vroue wat ernstig is oor Jesus. Hulle is die Nicodemus van vandag.

Ek glo werklik dat elkeen van ons deur ‘n tipe bevryding moet gaan om wedergebore te word. Daar is net te veel probleme in families met vloeke, oorgeërfde siektes, rituele en toorgoed en pyn.
Jesus se Bloed moet jou verander. Wat in jou sirkuleer moet Jesus se Bloed wees.

Dit moet met jou vlees ook gebeur en dit gebeur nie net vanself na redding nie. Dit is mense wat dit ernstig met God opneem wat op die volgende vlak gaan opereer.

Dié wat so wedergebore word, word die ‘uitverkorenes’ genoem. Die gereddes word die ‘geroepenes’ genoem. Die Bybel sê: ‘Baie is geroep, maar nie almal antwoord daarop nie’.

Ons doel moet wees om soos Jesus te lyk en te doen. Ek weet jy is gered en gaan eendag hemel toe. Al wat gaan gebeur is dat jy moeg daar gaan aankom.

Moeg vir die elke dag bid met min deurbrake.
Om net gered eendag dood te gaan is al so ‘n groot oorwinning. Die oomblik as jy wedergebore raak, kom Sy Bloed in jou are in.

Dit is die hoër vlak.

Die hele oorlog in die gees gaan hieroor. Jy kan nie net as ‘n geredde in die kerk funksioneer sonder outoriteit nie.

Wat is in die Bloed van Jesus? Die Bloed van Jesus is ‘n samekoms van al die kampioene wat in een persoon manifesteer.

- Dr Gerrie de Haas -

‘JY MOET WEER GEBORE WORD’ 3/3Wat het in die verlede gebeur? Wat is in die Bloed van Jesus? Die oomblik...
02/06/2026

‘JY MOET WEER GEBORE WORD’ 3/3

Wat het in die verlede gebeur? Wat is in die Bloed van Jesus?

Die oomblik toe Adam in sonde val, kon Satan die bloed van alle mense kontamineer. Ons moet besef dat Adam se val baie meer skade in die gees aangerig het as wat die kerk besef.

Die oomblik toe Adam geval het, het hy met alles geval.

Toe Satan hom oortuig om te eet van die boom van die kennis van goed en van kwaad, kon Satan onderwys, kennis en openbaring ook steel.

Hy het weggeloop met die hele biblioteek onder sy arm.

Satan, as ‘n gevalle engel, kon nie van self op aarde opereer sonder dat hy nie toegang gekry het tot mens se informasie en kennis nie.

Dis die groot rede waarom mensdom in die begin verval het in die ‘donker era’, die primitiewe era. Mense was gestroop van die kennis en informasie wat vir hulle bedoel was.

Wat sê die Bybel daarvan nadat Jesus die prys kom betaal het: ‘In die laaste dae sal die kennis wat ons verloor het, weer vermeerder’.

Waarom die kennis en informasie? Die tyd het aangebreek waar die kerk alles wat Satan gesteel het, weer gaan terugbring. God het dit tog van die begin af beskikbaar gestel.

Wat gebeur nou as jy werklik van Bo-af wedergebore word?

Daar is sekere aspekte van jou en sekere areas van jou liggaam wat ‘n ooreenkoms met Jesus moet hê. Wat is die belangrikste deel?

Jou gees. Dis tog die plek waar verandering moet kom.

Wat is nog ‘n voordeel van die hoër vlak? Jesus wat kom sê: ‘Omdat jy in My is sal jy bid, maar voordat jy vra sal Ek jou al klaar geantwoord het, want as jy soek, sal jy vind’.

As ons die werklikheid van God en ons menslike wesens verstaan, sal jy nooit in ‘n tydelike lewe van gemak wil leef en so eindig, in vergelyking met ‘n ewige lewe van oorwinning na die dood nie.

As jy jouself gaan verheug in Christus, sal Hy jou al die begeertes van jou hart gee. Dit wat God in jou geplaas het, maak nie saak hoe lank gelede nie, maak nie saak hoe onmoontlik dit soms lyk nie, Hy sal sorg dat dit met jou sal gebeur. Hy is die gewer van drome.

Hy is die Een wat die begeerte in jou plaas.

Die vyand gaan jammer wees dat hy jou ooit laat twyfel het. God gaan die finale sê in jou lewe hê.
Daar is ‘n bonatuurlike saak vir jou. Wees gereed en maak reg daarvoor. Hy gaan dit laat gebeur, in die Naam van Jesus Christus.

Ons stap in ‘n nuwe tydperk in. Ons gaan oorwin want die Bybel sê ons sal oorwin deur die Bloed van Jesus en die woorde van ons getuienis.

- Dr Gerrie de Haas -

WAT IS ‘N OOP HEMEL? 1/3Ons kry die Israeliete op die wal van die Jordaanrivier. Die 40 j...
28/05/2026

WAT IS ‘N OOP HEMEL? 1/3

Ons kry die Israeliete op die wal van die Jordaanrivier.

Die 40 jaar se trek uit Egipte is verby. Josua moes hulle deurlei na die Beloofde Land toe. Die Jordaan het oopgegaan die oomblik toe die priesters wat die ark van God gedra het, hulle voete in die water gesteek het.

Die aanraking van die priesters se voete was die teenwoordigheid van God. Die Jordaan is afgekeer en die water het aan die een kant opgereis soos een wal.

Toe die volk deur die Jordaanrivier getrek het, het hulle 12 klippe geneem uit die middel van die rivier. Hierdie 12 klippe was verteenwoordigend van die 12 stamme van Israel.

Terwyl die volk deur die oop rivier geloop het moes hulle die 12 klippe saam met hulle uitdra en op die wal gaan neersit waar hulle die aand sou oorbly. Dit was die nuwe altaar van Israel.

Die een belangrike punt is dat die Jordaanrivier in die Ou Testament oopgegaan het. In die Nuwe Testament het die hemele oopgegaan op presies dieselfde plek toe Jesus Christus gedoop is in die Jordaan.

Jesus is nou 30 jaar oud. Dit was die minimum ouderdom waarop ‘n priester – ‘n Rabbi – sy publieke bediening kon begin. Jesus stap af na die water op die plek waar Johannes die Doper mense gedoop het.

Watter plek was hierdie? Presies dieselfde plek waar Josua die volk deurgelei het duisende jare gelede. Dis die plek waar die 12 klippe gepak is as ‘n altaar.

Terwyl Johannes mense daar gedoop het, het ongelowige kerkleiers daar aangekom. Johannes het hulle gesien en vir hulle gesê: ‘Julle addergeslag.

Julle probeer wegkruip vir die wraak van God’.

Daarop wys Johannes na die klippe wat Josua daar gepak het en sê: ‘God het die mag om uit hierdie klippe kinders vir Abraham op te wek’. Vandag is dit ons wat kinders van God is, wat daardie klippe buite op die wal is.

Die Israeliete het met die tog na Kanaän twee keer deur water gegaan. Die eerste keer was dit vir hulle bevryding. Die Rooisee is oornag oopgemaak. Die hele tyd het die Israeliete deurgetrek met walle van water aan weerskante.

Hulle is daar deur die water en hulle is verlos van die vyande.

Die tweede keer was dit die Jordaanrivier in vloedtyd.

Kant en wal vol. Die volk moes omtrent ‘n kilometer weggebly het
van die priesters af wat die teenwoordigheid van God op hulle skouers gedra het. Die Ark was God se teenwoordigheid.

Nadat die water oopgemaak het moes die priesters met die Ark in die middel van die rivier gebly het totdat almal veilig deur is.

Josua moes toesien dat die twaalf klippe uitgehaal is. Die klippe op die kant was die bewys van hulle deurgang en van die verbond met hulle. Profeties is daardie klippe vandag ek en jy.

Die woorde van Johannes profeties beteken dat ek en jy vandag kinders vir God kan opwek.

Toe God die Israeliete laat trek het was dit nie noodwendig die 3 miljoen mense nie. Dit was die beweging van alle gelowiges in die Gees.

Die klippe wat uitgeneem is beteken net ‘nuwe gelowiges’.

Die eerste keer is die Rooisee oopgemaak. Die tweede keer is die Jordaanrivier oopgemaak en die derde keer toe Jesus in die Jordaan was het die hemele oopgegaan. Die hele hemel is oopgemaak.

Dis waarom ons vandag ook in die Gees deur die water kan gaan om die hemele oop te maak. Dis vir elke gelowige wat besef hy is totaal afhanklik van God.

- Dr Gerrie de Haas -

WAT IS ‘N OOP HEMEL? 2/3Ons kan vandag weer ‘n nuwe verbond met God sluit. Jesus is nie gedoop ...
28/05/2026

WAT IS ‘N OOP HEMEL? 2/3

Ons kan vandag weer ‘n nuwe verbond met God sluit.

Jesus is nie gedoop omdat Hy ‘n sondaar was nie. Jesus is nie gedoop omdat Hy tot bekering gekom het nie. Jesus was die Koning van die konings. Jesus is gedoop omdat die hemel bokant Hom moes oopgaan en Hy met Sy bediening kon begin.

Die waterdoop na bekering is vir die afwas van ons sonde en as deel van ons belydenis. Die doop van iemand wat al lankal God dien is vir die hemel om oop te gaan en vir die bediening as ‘n koning.

Wat gebeur in plekke waar mense normaal funksioneer as deel van godsdienstigheid en kerklike orde? Alles sal ‘n stryd wees.

Daar kan vir rukke iets goeds gebeur maar die hemel bly geslote.

God wil die hemel oor gelowiges oopmaak sodat Hy deel van die bediening kan wees. Jy en God funksioneer nou as één. Jesus Christus was ons voorbeeld daarvan.

Ons sien Jesus in die Gees bedien. Toe Jesus die vissies en die brode in Sy hande geneem het, het Hy sy oë oopgemaak en opgekyk in die oop hemel. Net salwing hier op aarde kan nie brood maak nie.

Die stoorkamers in die hemel het vir Hom oopgegaan.

Vandag verwag Hy dat ek en jy op dieselfde vlak moet funksioneer.

Ook met die opwekking van Lasarus het Jesus opgekyk in die oop hemel. Dis waar die opwekkingskrag vandaan gekom het.

Hy het nie na Lasarus gekyk nie, maar in die hemel in.

Die voordeel van Oop Hemel is dat ons baie kerke in Suid-Afrika kan help om daar uit te kom. So sal ons elke demoniese gees en elke demoniese mag in die lug wat dit teenstaan, moet vernietig.

Jesus het in Sy bediening hemel twee keer sien oopgaan, hier op aarde. Die eerste keer met Sy doop in die Jordaan en die tweede keer bo-op die berg saam met drie van Sy dissipels.

Tydens die tweede keer het Moses en Elia afgekom en by hulle kom staan. Sy dissipels het nie verstaan wat hier gebeur het nie.

Ons verstaan ook nou nog nie alles nie!

Ek glo dat, soos ons nader kom aan die klimaks van tye, ons baie meer sal weet van die Woord van God. Die één ding wat ons weet is dat ons nie sonder God kan beweeg as die hemele nog nie oop is nie.

- Dr Gerrie de Haas -

WAT IS ‘N OOP HEMEL? 3/3Daar is soveel manne en vroue wat deur Jesus geroep is vir ‘n tyd soos waarin ons nou is, maar h...
28/05/2026

WAT IS ‘N OOP HEMEL? 3/3

Daar is soveel manne en vroue wat deur Jesus geroep is vir ‘n tyd soos waarin ons nou is, maar hulle het dormant geraak. Die passie, die visie, die wonderwerke wat eers daar was, is nou weg.

Die geeste in die lug hou hulle gebonde. Dit is die geeste wat ons land moet verlaat!

Die engele wat opdrag het om ons almal by te staan is alreeds hier en op hulle pos. Ons moet net weet dat die hemele nie net sal oopgaan sonder geestelike oorlog nie!

Die oorlog gaan daaroor om dinge reg te skuif in die hemele.

Dit gaan oor jou manier om Jesus te dien. Verkeerde ou dinge moet verwoes word. Dinge wat jou huwelik beïnvloed moet regkom. Dit moet alles wegkom uit ons lewens.

Wat gebeur nadat die hemele oopmaak?

Vir die eerste keer moet jy Jesus hoor. Jy moet Hom voel. Jy moet Hom sien en Hy wil aan jou vat.

Toe Jesus op aarde was het Hy altyd gesê: ‘Ek doen nie iets as Ek nie My Vader in die hemel dit sien doen nie en Ek praat nie as Ek nie My Vader in die hemel dit hoor sê nie.

Dit kan alleenlik onder ‘n Oop hemel gebeur.

Plaas nou jou hande in Sy hande – Hy wil hulle aanraak en verander.
As jy nou jou hande op mense plaas, sal hulle Jesus voel en ervaar en kan hulle selfs val. Siekes moet gesond word.

Dis nie net vir predikante nie, dis vir alle gelowiges.
Kerk, ons is so bevoorreg dat ons al soveel van dit gesien het.

Omdat dit oop is hier bo, belewe ons wat ons sien en hoor en ervaar dit. Dit is werklik my begeerte om soveel van julle toe te rus om dit eerstehands te ervaar.

Kerk, ons moet begin saamstaan in ons land en hom weer oorneem vir Christus. Die grootste deurbrake in die moderne geskiedenis gaan nou gebeur. God wil die hele wêreld aanraak en begin verander.

Die beste lê nog vir ons voor.

Ons almal moet na ‘n hoër geestelike vlak gaan. Maar, dan moet daar iets hier binne gebeur.
Ons moet nou ‘n verklaring maak:

‘Vader in die hemel, ek glo en verklaar dat die hemel sal oopgaan bokant my. Maar nie net oor my nie, maar oor die hele Suid-Afrika en oor die hele wêreld, want dit is U begeerte. In Jesus Christus se Naam.

Amen.’

- Dr Gerrie de Haas -

DIE GELYKENIS VAN DIE TWEE VERLORE SEUNS 1/3Lukas is die enigste een wat hierdie wonderlike vergelykenis opgeskryf het:...
27/05/2026

DIE GELYKENIS VAN DIE TWEE VERLORE SEUNS 1/3

Lukas is die enigste een wat hierdie wonderlike vergelykenis opgeskryf het: Lukas 15:11-32

Lukas 15:11

Hy het ook gesê: ‘n Man het twee seuns gehad. Kom ons kyk na die agtergrond wat hier geskilder word: Kom ons sien ‘n pragtige woning (want dit verteenwoordig die woning van ons Hemelse Vader). Dis ‘n woning met al die vreugde en liefde wat in ‘n huis kan wees.

In hierdie huis is ‘n man – en dit is God die Vader. Hierdie Vader het twee seuns gehad.

Een word genoem die ouer en die ander die jonger seun. Ons sien ‘n wonderlike huis met ‘n man en sy twee seuns.

Lukas 15:12.

En die jongste van hulle het vir sy vader gesê:
Vader, gee my die deel van die eiendom wat my toekom.
En hy het wat hy gehad het tussen hulle verdeel.

Die jongste seun het skielik verander en gesê: ‘Ek is moeg van al
die dissipline. Ek hou nie meer van hierdie plek nie.

Hierdie seun het sy verhouding met sy pa verloor.

En die vader het aan hom sy deel wat hom toekom, gegee.
Hy het dit net gekry omdat hy ‘n genadige vader gehad het.

Lukas 15:13 En nie baie dae daarna nie het die jongste
seun alles bymekaar gemaak en in kontant omgesit en
weggereis na ‘n ver land. En daar het hy sy eiendom verkwis
deur losbandig te lewe.

Hier het die seun ‘n nuwe lewe begin van losbandigheid. Vir ‘n
seisoen het hy al die plesier wat in daardie ver plek was, geniet.

Die plesier van sonde.

Lukas 15:14 En toe hy alles deurgebring het, kom daar ‘n
swaar hongersnood in daardie land, en hy het begin gebrek
ly.

Nie net was sy geld klaar nie, maar ook daardie land val in
hongersnood. Skielik was hy bang om terug te gaan huis toe.

Hy was nie veronderstel om bang te wees nie, maar hy was.
Hy is nou desperaat.

Hy kry geen werk nie. Al sy ou vriende was weg.
Hy dwaal rond. Nie een van sy ou vriende stel meer in hom belang
nie.

Hy wyk uit na die platteland toe. Hy soek desperaat na werk.

Lukas 15:15 Toe het hy hom by een van die burgers van
daardie land gaan voeg. En dié het hom in sy veld gestuur
om varke op te pas.

Dit was die grootste vernedering wat ‘n Jood ooit kon deurmaak.
Om met varke te werk. Hy het so laag gesink.

Lukas 15:16

En hy het verlang om sy maag te vul met die peule wat die varke
eet, en niemand het dit aan hom gegee nie.

Die gedagte dat hierdie seun saam met die varke moes gaan bly,
was vir hulle verskriklik!

DIE GELYKENIS VAN DIE TWEE VERLORE SEUNS 2/3Kom ons gaan terug na die begin. Toe hierdie jong man saam met sy vader in ...
27/05/2026

DIE GELYKENIS VAN DIE TWEE VERLORE SEUNS 2/3

Kom ons gaan terug na die begin. Toe hierdie jong man saam met
sy vader in sy huis gebly het en daar ‘n goeie verhouding tussen
hulle was, was hy ‘n seun – sy seun.

Daar was nooit ‘n kwessie daaroor nie.

Terwyl hierdie jong man in die ver land was en sy geld verkwis het,
was hy nog steeds ‘n seun – sy pa se seun!

En toe hy afgegaan het en die grond geslaan het daar tussen die
varke, was hy nooit ‘n vark nie . Nee – hy was ‘n seun!

Jesus vertel hierdie verhaal en Hy maak seker dat ons moet weet
dat hier jong man altyd ‘n seun was. Al die tyd!

Hierdie vergelykenis is nie oor iemand wat gered word nie.
Dit gaan oor die vergewende vader.

Dit openbaar die hart van die liefdevolle vader wat nie net sondaars
red nie, maar ook die seun wat sondig, terugneem as ‘n seun.

Ons moet hieruit leer dat die Vader ons nie wil los in die donker
deel van hierdie prentjie nie.

Lukas 15:17

Maar hy (die seun) het tot homself gekom en gesê: Hoe baie huur-
linge van my vader het oorvloed van brood, en ek vergaan van
honger!

‘Hy het tot homself gekom’ – Sonde doen aaklige dinge aan ons.
Dit maak dat ons die wêreld verkeerd sien. Dit maak dat ons
onsself in die verkeerde lig sien. Dit maak dat ons die plesier van
die wêreld met die verkeerde oë sien.

Skielik begin hierdie jong man sy intelligensie gebruik. Hy sê
skielik vir homself: Weet jy wat? Ek is ‘n seun van my vader en nou
is ek in ‘n vreemde land.

Ek sit sowaar hier in ‘n varkhok met varke en by my huis is my vader se bediendes baie beter daaraan toe.

Beter as ek, en die ergste is dat ek sy seun is!

Toe hierdie seun so begin d**k, begin dinge sin vir hom maak.

Hy staan daar op en maak ‘n intelligente besluit.

Lukas 15:18–19

Ek sal opstaan en na my vader gaan, en ek sal vir hom sê: Vader,
ek het gesondig teen die hemele en in u oë. Ek is nie meer werd
om u seun genoem te word nie; maak my soos een van u
huurlinge.

Ons sien hier die mooi prentjie: Die prent van ‘n pragtige huis.
Dis sy vader se huis. Jesus beskryf hierdie plek in Johannes 14:

‘In die huis van my Vader is daar baie wonings – baie blyplekke.’
Dit is die huis waarvan ons praat.

Kom ons kyk na die huis: Dis in die agtergrond.

In die huis staan daar ‘n vader wat uitkyk by die venster.
Hy kyk nog elke dag uit by die venster vandat sy seun weg is.

Hy weet dat een dag sal sy seun langs die pad kom – huistoe.

Die jong man besef dat hy uitgestap het as ‘n erfgenaam van sy
pa. Wat Jesus ons hier wil leer is dat hy nog altyd ‘n seun is.
Sonde neem dit nie net weg nie!

- Dr Gerrie de Haas -

DIE GELYKENIS VAN DIE TWEE VERLORE SEUNS 3/3Die vraag vandag is: Glo jy dat nadat jy werklik wedergebore van Bo af is, ...
27/05/2026

DIE GELYKENIS VAN DIE TWEE VERLORE SEUNS 3/3

Die vraag vandag is: Glo jy dat nadat jy werklik wedergebore van
Bo af is, jy vir altyd gered kan bly? Ja.

Glo jy dat ‘n Christen kan sondig? Ja verseker.

Kan ‘n Christen in sonde bly? Hy is veronderstel om dit nie te doen
nie. As hy My seun is, sal hy een dag opstaan en sê: Ek sal opstaan
en teruggaan na my Vader se huis’.

Lukas 15:20

En hy het opgestaan en na sy vader gegaan. En toe hy nog ver
was, het sy vader hom gesien en innig jammer vir hom gevoel en
gehardloop en hom omhels en hartlik gesoen.

Die seun is in vodde. Om hom hang die reuk van varke!

Hy staan net daar en wag vir die oordeel, maar, sy vader sit sy
arms om hom en soen hom.

Lukas 15:21

En die seun sê vir hom: Vader, ek het gesondig teen die hemele en
in u oë. Ek is nie meer werd om u seun genoem te word nie.

Ons moet nou mooi let op wat die vader se opdragte is.

Lukas 15:22

Maar die vader sê vir sy diensknegte: Bring die beste kleed en trek
hom dit aan, en gee ‘n ring vir sy hand en skoene vir sy voete.

‘Die beste kleed’ was ‘n pragtige skoon kleed wat oor hom gehang
word nadat hy gewas is. Die opdrag is om hom te reinig van die
verlede en hom skoon aan te trek.

Die ring is die seël van die familie met al die voorregte wat daaraan
behoort. Die seun word hiermee herstel in sy vorige glorie in die
familie. Hy is nou weer volmaak herstel in sy vader se huis.

Lukas 15:23-24

En bring die vetgemaakte kalf en slag dit, en laat ons eet en vrolik
wees.Want hierdie seun van my was dood en het weer lewendig
geword; en hy was verlore en is gevind. En hulle het begin vrolik
word.

Daar was ongelukking nog ‘n verlore seun in die huis:

Lukas 15:25-28

En sy oudste seun het in die veld gewerk.Terwyl hy al nader na die
huis kom, hoor hy musiek en beurtsange.

En hy roep een van die diensknegte na hom toe en vra wat dit
beteken. Dié sê toe vir hom: U broer het gekom, en u vader het die
vetgemaakte kalf geslag, omdat hy hom veilig en gesond
teruggekry het.

En hy het kwaad geword en wou nie binne-gaan nie. Sy vader gaan
toe uit en smeek hom om in te kom.

Luister nou: Hy is nou die regte verlore seun!

Hy was kwaad toe hy hoor sy broer het teruggekom en daar is ‘n
fees in sy eer. Hy weier ook om in te gaan en deel daaraan te hê.

Daar is soveel Christene wat nie in ‘n ver land bly nie.

Hulle probeer vir God leef maar is geestelik brandarm.
Waarom?

Hulle is geseënd met al die geestelike seëninge, maar dit
bly buite hulle bereik. God kom sê: ‘Dit is alles joune. Alles wat Ek
het behoort aan jou. Vat dit net’.

Ons hemelse Vader is so ryk aan geestelike dinge en alles behoort
ook aan ons, maar Hy sal dit nie afdwing op jou nie.

Dis ons plig om daarna uit te reik en hulle vir onsself te neem.
Die verhaal eindig met die oudste seun wat buite ‘n verhouding met sy vader staan. Maar, ons weet dat die vader die deur vir hom
oophou.

Hy is so wonderlik.

- Dr Gerrie de Haas -

BEVRYDING EN OORWINNING 1/4Demoniese geeste kan toegang tot mense kry as hulle toegelaat word. Mense kan onder demoniese...
19/05/2026

BEVRYDING EN OORWINNING 1/4

Demoniese geeste kan toegang tot mense kry as hulle toegelaat word. Mense kan onder demoniese invloed wees van buite af óf van binne af.

Indien bose geeste jou van buite af probeer aanval, is dit die gewone toestand wat met alle mense gebeur.

Dit beteken slegs dat ons almal blootgestel is aan so iets, maar dat die bose nie werklik ‘n houvas op jou kan kry nie, net omdat hy jou van buite af probeer manipuleer.

Jesus Christus self is die voorbeeld hiervan waar Satan self probeer het om Hom te versoek, met die hoop dat hy iets sal regkry.

Bose geeste kan ook van binne af wees en in jou inkom as hulle toegang kry.

Hulle het nou ‘n baie groter kans om sekere areas van jou lewe te beheer.

Mense wat in so ‘n toestand verkeer kan dan deur bose magte beheer word en oor sekere aspekte van hulle lewe verloor hulle
beheer.

Christene moet altyd bewus wees daarvan dat die bose geeste in hulle, oortreders is. ‘n Oortreder is iemand wat onwettig of verkeerdelik op ‘n plek is waar hy eintlik nie mag wees nie.

‘n Oortreder sal ook op ‘n verbode plek bly solank as wat hy nie
gekonfronteer word of weggejaag word nie. Dit is egter jou wettige reg om op te tree en hierdie situasie te verander.

Geen demoon mag bly in ‘n Christen wat ernstig is daaroor om hom te verwyder nie – hy het geen reg om in jou te bly nie.

Die outoriteit behoort eintlik aan jou en daarom sê die Woord ook:

Jakobus 4:7 ‘Onderwerp julle dan aan God; weerstaan die duiwel, en hy sal van julle wegvlug’.

Wanneer demone die reg bekom het om in mense te kom, hoor jy hulle dikwels verwys na die mens se liggaam as hulle ‘huis’.

Ek het al gehoor dat hulle sê: ‘Hierdie is ons huis’ of ‘ons bly al lankal in hierdie huis’ of ‘I will never, never leave this body!’

Mattheus 12:43-45

‘En wanneer die onreine gees uit die mens uitgegaan het, gaan hy deur waterlose plekke en soek rus en vind dit nie.

Dan sê hy: Ek sal teruggaan na my huis waar ek uitgegaan het. En hy kom en vind dit leeg, uitgeveeg en versier.

Dan gaan hy en neem sewe ander geeste slegter as hy self met hom saam, en hulle kom in en woon daar; en die laaste van daardie mens word erger as die eerste’.

Dis nie ongewoon dat demone aanspraak maak en vir jou wil kom vertel dat hulle ‘n reg het om in mense te wees nie.

Met die outoriteit wat Christene het, mag nie een van ons ooit sukkel met bose geeste nie, maar ongelukkig is die teendeel waar.

- Dr Gerrie de Haas -

Address

Polokwane

Opening Hours

Monday 09:00 - 13:00
19:00 - 20:00
Tuesday 09:00 - 13:00
18:30 - 20:00
Wednesday 09:00 - 13:00
Thursday 09:00 - 13:00
14:00 - 20:00
Sunday 09:00 - 11:00
14:00 - 20:00

Website

Alerts

Be the first to know and let us send you an email when Gerrie de Haas posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Gerrie de Haas:

Shortcuts

Share