Handelinge

02/06/2026

Woord Woensdag 🍀
Jesus herinner ons dat liefde vir Hom meer is as woorde, dit word sigbaar in hoe ons ander dien en liefhet.

01/06/2026

Volg gerus hierdie aanlynskakel na Tieka se lewensvieringdiens op 1 Junie 10:00 🤍

https://www.youtube.com/live/dIcSF9zF2wM?si=FAseHWABRJa4GreY

Die regstreekse uitsending van die gedenkdiens van Tieka Vermeulen.

31/05/2026

Handelinge Aanlyn | Kom ons (probeer) oefen weer | Elmore

Die Aanlyn Erediens van 31 Mei 2026.Volg die skakel soos per Elmore se verwysing: https://youtu.be/x_tTrrp2Q70?si=jFXBRyvvqbljAPh8

27/05/2026

Hierdie Sondag herinner die Here ons daaraan dat ons nie perfek hoef te wees nie, ons mag net weer kom probeer, weer nader beweeg en weer saam met Hom leer leef. 🤍

Die kinders gaan gesels oor hoe Jesus die storm stilmaak.

⚠️ Geen jeugaand hierdie week as gevolg van eksamens, sien julle die 14de Junie!

Almal welkom✨

26/05/2026

✨ Woord Woensdag ✨

Die Here nooi ons om saam met Hom deur die lewe te stap.
Nie in vrees nie, maar in rus, vertroue en geloof. 🤍

“Kom oefen saam met My in die lewe.”
– Matteus 10:26 & Matteus 11:28 ✨

25/05/2026

Kom geniet ons Kermis saam met ons!

🗓️ Saterdag 30 Mei
⏰ 08:30 – 13:30

Daar sal heerlike kos 🍔🌭, kindervermaak 🎈, lekker speletjies en wonderlike samesyn wees vir die hele familie!

Bring jou familie en vriende saam vir ’n dag vol pret, lag en kuier. Ons sien uit daarna om julle daar te hê! 😊

24/05/2026

Handelinge Aanlyn | Bang | Elmore

Die Aanlyn Erediens van 24 Mei 2026.

23/05/2026

Dit is met groot hartseer dat ons die lewensviering van Tieka Vermeulen met julle deel🙏

Tieka was die afgelope 18 jaar ’n kosbare deel van Handelinge-gemeente. Haar lewe was ’n stille getuienis van liefde, diensbaarheid en omgee. Elke geskenkie op Vaders- of Moedersdag is met liefde deur haar hande gemaak. Elke profetiese briefie is deur haar gedruk. Elke bordjie kos wat bedien is, het haar hart van omgee weerspieël.

Sy was werklik die definisie van ’n 1000 skakerings van liefde, altyd bereid om te gee, te dien en ander eerste te stel. Haar getroue diens aan God se koninkryk en haar opregte liefde vir mense laat ons met kosbare herinneringe wat ons vir altyd sal koester♥️

23/05/2026

Kom geniet ons volgende stapoggend saam met ons!

📅 Dagboek die datum: 6 Junie
⏰ 08:00 die oggend
📍 Kings Kloof Trails, Muldersdrift

💳 Kostes:
• R60 pp volwassene
• R30 per skoolleerder
• Kinders onder 6 gratis

Kom geniet die vars lug, mooi natuurtonele en lekker samesyn saam met ons! ☀️

21/05/2026

Hierdie Sondag sluit ons ons Pinkster-reeks af. 🌿
Kom beleef saam met ons hoe God voorsien, vermenigvuldig en mense ontmoet presies waar hulle is. Die kinders gesels oor Jesus wat die 5000 mense gevoed het, ’n kragtige herinnering dat selfs die kleinste in God se hande genoeg kan wees.

Ons sien uit daarna om saam te kuier, aanbid en die week op die regte noot af te sluit. 🤍