Kempton Hooglandfamilie

09/06/2026

Hierdie tyd van die jaar kan besonders moeilik raak. Om aan te hou, uit te hou, net kalm te bly. So met die seisoenverandering raak dit moeiliker om vas te hou aan die vrug van die Gees. Geduld, selfbeheersing, vrede, vriendelikheid, goedhartigheid, nederigheid, getrouheid. Al die mooi goed wat ons moet probeer leef. En dan kom daar dae waar as iemand per ongeluk jou kant toe kyk, dan wil jy hulle sommer iets aandoen. Nie omdat hulle na jou kyk nie, maar omdat alles anders só swaar is om te dra. Hierdie tyd van die jaar, so net voor die vakansie, moet ‘n groot klomp goed gebeur en ons moet net vasbyt tot daardie laaste eksamen, of laaste report, of laaste toer, of laaste afspraak. Net vasbyt.

As mens so aanhoudend vasbyt, dan raak dit waaraan jy vasbyt ook dun. My kollega het altyd gepraat van om te lewe op die rims. Julle ken daardie gevoel: jy hoop vir die beste want as iets nou moet gebeur met hierdie tyres, dan is dit daarmee heen. En onlangs het ek so oomblik gehad. Ek het ged**k alles is nog okay, ons cruise lekker. Minwetend dat die spreekwoordelike tyre nou gaan bars. Maar dit het. In daardie oomblik d**k ek nie ons weet regtig wat om te doen nie. Dit voel of jou hele lewe inmekaar sak oor hierdie barsende oomblik na ‘n aanhoudende vasbyt.

Maar ek het ook besef dit was dalk goed dat dit uiteindelik gebeur het. Dat ek kon los, sodat my hande weer kan vashou aan dit wat ek moet. Ek het ‘n klompie goed gehoor wat ek dalk al lankal moes gehoor het, daaroor is ek ook bly. Dat my hande ook daardie “alles is okay, ek kan dit maak werk” kon los en kan vashou wat die Here in my hande plaas. Minder woede, meer vrede. Minder verdeelheid en rusie, meer selfbeheersing en nederigheid. Minder myself, meer God en my naaste. Dis ‘n vreemde gevoel, daardie gevoel van om te los na jy so lank al vasbyt en vasklou. En tog as ek laat gaan, is my hande oop om te ontvang. Dalk ook net wat jy nodig het op daardie tydstip.

My gebed vir julle elkeen wat moet vasklou en vasbyt, is dat die einde hopelik in sig is. Dat die Here jou hande sal sag maak, nie net om te kan laat gaan nie, maar om ook te kan ontvang. Sy liefde, sy vrede, en die hulp wat dalk op vreemde maniere by jou uitkom.

07/06/2026

Liewe gemeente,

Baie welkom by vanoggend se erediens. Ons teologiestudent, me. Trienie Drotschie bring vir ons die boodskap uit ‘n treffende Daniël 9. Ons gaan hoor hoe God altyd die laaste sê het, maar dat sy sê een van hoop en genade is ten spyte van moeilike omstandighede soos Daniël s’n.

Waarna kan jy uitsien vanoggend?
🕣 08:30 Erediens & Borrelbekkies
🕘 09:45 Junior Kategese, Ritme & Belydenisklas

📺 Skakel jy van die huis af in?
Kyk die regstreekse uitsending hier:
https://youtube.com/live/THPgErvPtU8?feature=share

💛 Wil jy deel wees van wat God besig is om te doen?
Gebruik gerus SnapScan om maklik ’n bydrae te maak:
https://pos.snapscan.io/qr/PXMP7844

Bring jou bersie saam, dis koud! Maar ons gaan lekker sing en bid en die Here se genade en liefde saam beleef en weer uitleef.

Welkom by NG Kerk Kempton-Hoogland se regstreekse uitsending.Vano...

05/06/2026

Liewe gemeente,

🙏🏻 Sondag gaan baie spesiaal wees. Ons het ‘n teologiestudent in ons midde wat hard besig is om te studeer en haar roeping te volg wat die Here op haar pad gesit het. Julle ken haar waarskynlik as die gesig en CEO van Tutela, Trienie Drotschie. Maar kort voor lank sal sy ook ds. Trienie wees. Ons gun haar die geleentheid om ook op die vlak van prediking te groei hier by Hoogland. Almal word uitgenooi om te kom luister uit ‘n moeilike gedeelte: Daniël 9 en om dieper te d**k en hoor oor gebed, skuldbelydenis en vergifnis.

📢 Let asb. daarop dat die *junior kategese* afsluit hierdie Sondag, maar dat Borrelbekkies, Ritme en Belydenisklas afsluit op die 21ste Junie.

🅱️ Onthou ook van die 4 B’s: Biltong, brood, braaivleis en Bolhuis! As jy bietjie op ‘scroll’ sal jy die advertensie sien van ons kuier-aand op 19 Junie! Bespreek vandag nog by Hendrika of Marie-Louise.

❄️ Winterhoop het amptelik afgeskop, so as jy komberse of wintersklere of ‘n ekstra blikkie kos in die kas het, bring dit gerus na die kerk toe Sondag. Dit word weer oorhandig aan MES einde van die maand.

Hoop julle almal bly warm en snoesig hierdie naweek!

02/06/2026

Misdaad. Verdwynings. Politieke stories. Sameswerings. Skokvideo's.

Vir sommige is hy 'n held.
Vir ander 'n kontroversiële figuur.
Maar min mense in Suid-Afrika laat soveel vrae ontstaan soos Mike BoIhuis.

Op Vrydag 19 Junie kry jy die geleentheid om self te luister.

Geen televisie-redigering.
Geen Facebook-kommentare.
Geen hoofopskrifte.

Net die man.
Die stories.
En die vrae.

🎟️ R200 per persoon (ete ingesluit)
📍 NG Kempton Hoogland

31/05/2026

Liewe gemeente,

Baie welkom by vanoggend se erediens. Ons lees saam uit daardie baie bekende Genesis 1 en ons bevestig, soos so baie gelowiges al voor ons: Die Here is met ons, al van die begin af, en hy is met ons tot in lengte van dae. Kom leef jou geloof uit vanoggend saam met jou geloofsfamilie.

Waarna kan jy uitsien vanoggend?
🕣 08:30 Erediens & Borrelbekkies
🕘 09:45 Junior Kategese, Ritme & Belydenisklas

📺 Skakel jy van die huis af in?
Kyk die regstreekse uitsending hier:
https://youtube.com/live/6J0so2Yg8hY?feature=share

💛 Wil jy deel wees van wat God besig is om te doen?
Gebruik gerus SnapScan om maklik ’n bydrae te maak:
https://pos.snapscan.io/qr/PXMP7844

Mag vanoggend jou herinner aan dit waaraan jy vashou: ‘n Vasste geloof in die wonderbaarlike drie-enige God

Welkom by NG Kerk Kempton-Hoogland se regstreekse uitsending.Vanoggend d**k ons saam na oor die tema: “Ek hou vas aan dit wat ek glo.” Ds. Hendrien bring vir...

29/05/2026

Liewe gemeente,

✝️ Sondag is Drie-eenheidsondag en wat ‘n wonderlike vertroosting is dit nie om te weet dat ons ons Here kan loof en prys en aanbid saam op ‘n Sondag nie! Almal word hartlik genooi na die erediens om 08:30. Ons luister na Ds Hendrien met die tema: Ek hou vas aan dít wat ek glo. Kom leef jou geloof uit saam met jou geloofsfamilie.

🎟️ Baie baie dankie aan almal wat bestel het vir vandag se Koop-en-loop! Die potte kook behoorlik. Onthou om jou kaartjie of tafel te bespreek vir ons manne-aand die 19de Junie saam met Mike Bolhuis.

❤️ Ek hoop hierdie naweek hou rustige oomblikke in vir dié van julle wat daarna smag, en lekker avonture in vir dié wat gaan jol.

Sien julle Sondag!

26/05/2026

So kort op die hakke van Pinkstersondag, is hier 'n lekker stukkie Bybeltrivia.

Het jy geweet dat die Heilige Gees nie net een keer uitgestort is nie, maar twee keer?

Die eerste keer lees ons daarvan in Handelinge 2:2-4, wat ook die een is wat ons almal ken. “Skielik was daar 'n geluid uit die hemel soos van 'n geweldige stormwind, en dit het die hele vertrek gevul waar hulle gesit het. Hulle het iets soos vuur gesien wat in tonge verdeel en op elkeen van hulle gekom het. Almal is met die Heilige Gees vervul en hulle het in ander tale begin praat soos die Heilige Gees dit aan hulle gegee het om onder sy leiding te doen.”

Dit gebeur hoofsaaklik met godsdienstige Jode wat almal so min of meer op dieselfde plek bymekaar was weens die Pinksterfees (die fees van die weke wat die eerste oes gevier het en presies 50 dae na die Pasga plaasgevind het).

Maar dan is daar ‘n tweede uitstorting wat gebeur in Handelinge 10:44-46 oor die heidene: “Terwyl Petrus nog praat, het die Heilige Gees op almal gekom wat na die woord geluister het. Toe die Joodse gelowiges wat saam met Petrus gekom het, hoor hoe die mense ongewone tale of klanke gebruik en God prys, was hulle baie verbaas dat die Heilige Gees as gawe uitgestort is ook op mense wat nie Jode is nie.”

Dit dien as ‘n kragtige teken dat die verlossing en die onderlinge verbondenheid nie nét vir die Jode bestem was nie, maar vir almal! Dis ook vir ons ‘n herinnering dat niemand belangriker geag kan word bo ‘n ander weens afkoms, status, ras, kultuur of enige ander mensgemaakte hekkie nie. Almal kan hulle gawes wat ontvang is van die Gees uitleef in dieselfde kerk: die kerk van Christus.

24/05/2026

Liewe familielid,

Jy word vanoggend uitgenooi om te deel in die Pinksterfees! Soos die eerste gemeente in Handelinge 2 vier ons ook die gemeenskaplike maaltyd vandag. Ds. Hendrien lei ons uit die Woord met die tema: Heelhartig deel, al wag ons nog. Hoe het die eerste gemeente gemaak na die uitstorting van die Heilige Gees, en hoe maak ons vandag? Kom luister gerus saam.

💒 Waarna kan jy uitsien vanoggend?
🕣 08:30 Pinksternagmaal & Borrelbekkies
🕘 09:45 Junior Kategese, Ritme & Belydenisklas

📺 Skakel jy van die huis af in?
Kyk die regstreekse uitsending hier:
https://www.youtube.com/live/uGmvMvWs4eI?si=wRJQRrmIS0pfd96U

💛 Wil jy deel wees van wat God besig is om te doen?
Gebruik gerus SnapScan om maklik ’n bydrae te maak:
https://pos.snapscan.io/qr/PXMP7844

Kom een en elkeen. Die feestafel is gereed, kom nes jy is.

Welkom by NG Kerk Kempton-Hoogland se regstreekse uitsending.Vano...

22/05/2026

Liewe Hooglandfamilielid,

Jy word spesiaal uitgenooi na Sondag se Pinksternagmaal! Ons gaan saam aan tafel onthou: ons is verbind aan mekaar, ons is gevul met die Heilige Gees en ons het heelhartig deel aan die koninkryk van God. Kom net soos jy is, by die Here se tafel is jy welkom.

‘n Paar ander afkondigings waarvoor julle ‘n nota móét maak:
🍔 *Koop-en-Loop* volgende Vrydag vanaf 16:00. Lekker winterkosse, warm, klaar gemaak. Jy kan onder die komberse inklim en dit geniet! Bestel asb. voor Donderdag by Hendrika.
👨🏼 *Brood, Biltong, Bolhuis*: Onthou om jou manne-aand kaartjie of tafel sommer NOU te boek. Julle, dit gaan ‘n aand wees om te onthou!
📖 Ons *Child of God selgroep* kom vanaand om 18:00 bymekaar in die konsistorie. As jy jouself bevind met ‘n af Vrydagaand en 18-30 jaar oud is, dan is hierdie die plek vir jou. Dis so ‘n lekker kuiergeleentheid, maar ook ‘n diep leergeleentheid.

🔥 Sien julle Sondag vir ‘n groot feesviering!