Lede In Christus Kerk - Jeffreybaai

08/09/2026

Lede in Christus Kerk (Oos Kaap) Konferensie: Tyd is kosbaar!

Dit was ’n voorreg om saam met hierdie mede Pastore en ons Moderator te kon bedien tydens ons konferensie. Mag die Here die saad wat gesaai is, laat groei tot Sy eer.

Pastoor (Moderator) Corne & Michelle Du Plessis, Pastoor Johan & Magda Van den Heever (P.E Gemeente), Pastoor Francois & Karien Breytenbach (Uitenhage Gemeente), Pastoor Candrick Stride (King Williams Town Gemeente) & Pastoor Cornelius & Marna Louw (Jeffreysbaai Gemeente)

03/09/2026

𝐋𝐞𝐝𝐞 𝐢𝐧 𝐂𝐡𝐫𝐢𝐬𝐭𝐮𝐬 𝐊𝐞𝐫𝐤 𝐒𝐭𝐫𝐞𝐞𝐤𝐤𝐨𝐧𝐟𝐞𝐫𝐞𝐧𝐬𝐢𝐞 (𝐎𝐨𝐬 𝐊𝐚𝐚𝐩)

Ons sien julle daar!

18/08/2026

Hierdie Sondag bring ons ’n kragtige boodskap uit Openbaring 14:3 – die unieke lied wat net die verlostes kan sing. ’n Herinnering dat jou lof en getuienis voor God kosbaar en uniek is!

📅 Datum: Sondag, 23 Augustus 2026
⏰ Tyd: 09:30
📍 Plek: Jeffreysbaai Tennis-klub, hoek van Disa & Tulip Avenue, Jeffreysbaai

Kom saam met ons en beleef hoe God jou roep om jou eie lied van verlossing te sing. Bring jou familie, vriende en jou hart vol verwagting – jy is welkom!

17/08/2026

Ware groei — die uitbreiding van God se Koninkryk en die verdieping van dissipelskap — kom slegs deur evangelisasie en die verkondiging van Christus. Sonder dit word ’n kerk ’n sosiale byeenkoms, nie die liggaam van Christus nie.

03/08/2026

𝐆𝐞𝐞𝐧 𝐁𝐚𝐠𝐚𝐬𝐢𝐞 𝐖𝐨𝐫𝐝 𝐓𝐨𝐞𝐠𝐞𝐥𝐚𝐚𝐭 𝐍𝐢𝐞.

1 Timoteus 6:7: Ons bring niks in die wêreld in nie, en ons dra niks daaruit weg nie.

Hierdie vers herinner ons dat alles wat ons het, tydelik is. Ons kom met niks in die wêreld nie — geen besittings, geen status — en ons gaan ook met niks uit nie. Die enigste blywende skat is ons verhouding met God en die ewige lewe wat Hy gee.

02/08/2026

In ’n wêreld vol haastigheid roep die Here ons om stil te word by die water van rus. Soos ’n boom geplant by strome, gee Hy vir ons krag om vrug te dra op die regte tyd. Mag hierdie lied jou herinner: jy is nie alleen nie, God lei jou.

20/07/2026

𝐇𝐞𝐥𝐥𝐨 𝐉𝐞𝐟𝐟𝐫𝐞𝐲𝐬𝐛𝐚𝐚𝐢!

Kom beleef die teenwoordigheid van God!

Ons nooi jou hartlik uit om Lede in Christus Kerk Jeffreysbaai te besoek by ons nuwe tuiste. Jou plek wag – kom ervaar saam met ons die liefde en krag van Christus.

11/07/2026

Jy is welkom!

Kom besoek gerus ons Lede In Christus Kerk Jeffreysbaai gemeente.

17 Tamarisk Square, Jeffreysbaai om 09:30!

30/06/2026

Ons het ’n kosbare tyd in die Here beleef tydens die Gemeente Saamtrek van die Lede In Christus Kerk (Oos Kaap) in Uitenhage. Die Here het ons saamgeroep en Sy Gees het kragtig gewerk. Pastoor Cornelius het bedien uit Rigters 11 met die tema: GEROEP. GESALF & GESTUUR.

Die Woord het ons herinner dat God nie net roep nie, maar ook toerus en stuur. Hy neem gewone mense, soos Jefta, en gebruik hulle vir buitengewone planne. Ons het saam ervaar dat die Here ons roep tot gehoorsaamheid, ons salf met Sy krag, en ons stuur om ligdraers te wees in ons gemeenskappe.

Dit was ’n geseënde tyd van aanbidding en gemeenskap.
JY is geroep, JY is gesalf, en JY is gestuur!

08/06/2026