El Shaddai Lede in Christus kerk Carletonville

18/06/2026

18/06/2026

Hierdie Vadersdag wil ons nie net ons vaders eer nie – ons wil hulle versterk. 💙🙏

Pappa, die Here sien jou stryd, jou opofferings en jou liefde vir jou gesin.

Kom ontvang gebed en bemoediging terwyl ons saam ons vaders se hande oplig in die gees.

Sien jou Sondag om 09:30. 👔🙏

15/06/2026

Gouejare Saterdag Funksie.

Heerlike vetkoek en mince, warm geselskap en vriendelike harte.

Dis lieflik wanneer medegelowiges samesein kan geniet!

13/06/2026

LOOF TOT JY DEURBREEK

Vasgevang?
Moeg vir die stryd?
Kort jy verlossing, vrede of deurbraak?

Moenie opgee nie. Kom ontdek wat gebeur wanneer lofprysing jou antwoord word.

"Loof Tot Jy Deurbreek"

Jy is welkom!

09/06/2026

Dit was vir ons 'n besonderse en nederige voorreg om die kerk na ons tannie toe te bring. Haar gesondheid laat haar nie meer toe om die eredienste by te woon nie, maar soos die vriende die verlamde man na Jesus toe gedra het, wou ons haar ook simbolies na die voete van Jesus dra.

Hierdie oomblik het elkeen van ons opnuut herinner hoe geseënd ons is om nog die geleentheid, vermoë en gesondheid het om saam met ander gelowiges in die Here se huis bymekaar te kom. Mag ons nooit die voorreg van gemeenskap, aanbidding en die Woord as vanselfsprekend aanvaar nie.

Ons is dankbaar dat die liefde van Christus nie deur mure, afstand of omstandighede beperk word nie.

06/06/2026

🌱 Sondag 09:30 – Jy is welkom!

Sluit by ons aan vir 'n kragtige erediens by Reineckestraat 106, Carletonville.

Tema: "Planting van die Here"

📖 Jesaja 61:3
"So dat hulle genoem kan word terebinte van geregtigheid, 'n planting van die Here, tot sy verheerliking."

Kom ervaar lofprysing, gemeenskap en die Woord van God. Ons sal ook saam Nagmaal gebruik ter herinnering aan die volmaakte offer van Jesus Christus.

Ons sien uit om jou daar te hê!

05/06/2026

"It's a joy unspeakable and full of glory💫"

Mooi herinneringe tydens ons 9:30 diens

Skakel in en wees deel!

📍Reineckestraat no.106 Carletonville

03/06/2026

📚🙏 Ons skoolleerders is Sondag elkeen gesalf en voor gebid vir die eksamen- en toetstyd wat voorlê.

As bemoediging het elke leerder ook ’n Eksamen Survival Pakkie ontvang, gevul met ietsie spesiaal om hulle te herinner dat hulle nie alleen is nie en dat God saam met hulle elke uitdaging aanpak.

Ons bid vir wysheid, vrede, goeie konsentrasie en God se guns oor elke leerder. 🌟

"Vertrou op die Here met jou hele hart..." – Spreuke 3:5

📖✨

01/06/2026

Inseëning

Sondag het ons die voorreg gehad om 'n kosbare kindjie aan die Here op te dra. Mag die Here se hand van seën, beskerming en leiding altyd oor hierdie kind en familie wees.

❤️ Baie geluk met hierdie besondere mylpaal.

30/05/2026

Kom HERLEEF die Sondag!

9:30

📍Reineckestraat no.106 Carletonville