19/08/2026
Leierskap Netwerk-samekoms
Vanaand het ons die
voorreg gehad om ’n besonderse leierskap-netwerksamekoms by NGK Parow Welgelegen by te woon, saam met ander gemeentes en lede van ons gemeenskap.
Dit was ’n heerlike aand van saamkuier met 'n koffie in die hand, nuwe mense ontmoet en waardevolle gesprekke gedeel terwyl ons ons netwerke uitgebrei het.
Die aand is verder verryk deur ’n tyd van "praise & worship" met die mooiste lofprysing liedere en natuurlik die "band" se prag-sang van NGK Parow Welgelegen, waarna ons saam na ’n video-aanbieding van Global Leadership geluister het oor leierskap en die rol wat elkeen van ons kan speel.
Een van die gedagtes wat veral by ons gebly het, was dat ons nie noodwendig ’n legende hoef te wees nie.
Miskien is die belangriker vraag:
“Vir wie wil jy ’n legende wees?”
’n Herinnering dat leierskap nie altyd oor groot titels, posisies of prestasies gaan nie, maar oor die verskil wat ons in ander mense se lewens kan maak — daar waar ons is, met dit wat ons het.
Dankie aan NG Kerk Parow-Welgelegen vir die gasvryheid en vir ’n aand vol inspirasie en geloof.
Ons sien uit na die pad vorentoe en die geleenthede om saam ’n verskil te maak!
