05/11/2026
NUPUI FEL - Thufingte 31:10-31
``````````````````````````````````````````````
Hmeichhe khawsak ṭha tu nge hmu thei ang? A man chu lunghlu sen mi aiin a sâng zâwk daih si a. A pasal thinlung chuan a ring a, Chhawrna a hmai lo vang. A dam chhûngin Chhe lam ni lovin, ṭha lam hlîrin thil a tihsak ṭhîn. Berâm hmul leh la a zawng a, A k*tin lungawi takin a thawk ṭhîn. Sumdâwng lawng ang a ni a, Ram hla tak ata ei tûr a la ṭhîn. Khawvâr hmain a tho va, A chhûngte ei tûr a pe ṭhîn a, A chhiahhlawh nulate hnênah an tih tûrte a hrilh ṭhîn. Huan tûr a ngaihtuah a, a lei a, Ama k*tkawih ngeiin grêp huan a siam ṭhîn. Chaknain a kâwng a hrêng a, A bânte a tichak ṭhîn. A sumdâwnna a hlâwk tih a hria a, Zânah pawh a khâwnvâr a mit ngai lo. A k*tin hmui k*t a chelh a, A k*tin hmuithal a vuan a. A k*t mi rethei lamah a phar a, A ni, renchhamte thlengin a ban phâk a. A chhûngte vûr a hlauhsak lo va; A chhûngte zawng zawng chu puan sen lâr sinin an awm si a. Chhuatphah puan mawi a insiam a, A silhfên chu lazai sîn mi leh puan sen duk a ni. Kulh kawngkâa an ram upate nên an ṭhut hovin, A pasal chu a hriat a ni. Lazai sîn silhfên a siam a, a zuar ṭhîn a, Sumdâwngte hnênah kâwnghrênte a thawn ṭhîn. A silhfên chu chakna leh ropuina a ni a, Hun lo la thleng tûr atân pawh a nui a. Finnain a kâ a âng a, A kâah chuan ngilneihna thu a awm. An chhûng khawsak dân a en ṭha a, Dâwngdahna chhang a ei lo. A fate chu an tho va, “Engthâwli” an ti a; A pasal pawhin a fak a: “Hmeichhe tam tak khawsak ṭha an awm a; Mahse, nang chuan i khûm vek a ni,” tiin. Duhsakna hi bumna a ni a, hmêl ṭhatna chu eng mah lo a ni; Lalpa ṭihtu hmeichhia erawh chu fak a ni ang. A k*tkawih chhuah chu pe la, A thiltihin kulh kawngkaah chuan fak rawh se.
