02/14/2025
-: KEIMA' VALENTINE HONG HI IN :-
"Ka ta aw, na lungtang hong pia in" (Paunak 23:26).
Tuni in lungtangte ni hi, bang lungtang teng hiam? Laidal lungtangte, khau-khih buut lungtangte, a**l amaam zilzel numei puan lungtangte, cookie moh, chocolate, muamkhum asan, mutpuak lungtangte' ni ahi hi. Leitung gam tampite ah mite in alawmte uh le a itte kiangah lungtang lim atuang hopihna card (laidal khauh) te khak uh hi. Tuni in kilawmtat ni le itna ni ahi hi.
February 14 ni-in Saint Valentine's Day kici hi, ahang in k*m zabi nihna sungin Jesu Christ a upna hanga thatna athuak Valentine min nei mi nihte' pawi ni ahi hi.
Valentine min nei khat, ahun in AD 270 pawl hi a, tanglai a Rome te nusian Juno biakna tau tawh a kinai, Palatine mual acihna mun ah kipai pih in, a ngawng kitan hi. Amah pen siampi khat ahi hi. Thahna athuakna ahang in, bawlsiatna thuak Christian-te bukna ding apiak khiat man ahi hi.
Tua khit zawh k*m thum khit ciangin, Valentine min nei adang khat pen Rome khuapi panin tai sawm guk a gamlatna mun ah hong si hi. Amah pen Christian thupha puak (missionary) khat hi a, Roman innkuan khat Christian asuah sakna hanga, kithat ahi hi.
February 15 ni in Lupercalia kici Roman te k*msim pawi hi a, milim pasian Juno le Pan te a pahtawina kawmin, khangnote ading a lawmngaih pawi ahi hi. Juno acih in itna le kitenna nusian (the goddess of love and marriage) hi a, Pan acih in nate' pasian (the god of nature) ahi hi. Nungakte tangvalte in alawm ding uh teel uh a, letsong kipia ngeingai uh hi.
AD 496 ciangin, Rome ah Christian biakna hong minthang mahmah hi. Mite lungkimsak nading lametna tawh, pawlpi makaite in dawi biakna pawite ah Christian deihna pawlkhat guan ding hong hanciam uh hi. Lupercalia pawipi pen Saint Valentine's Day tawh hong kheel uh a, February 14 ni hong zang uh hi.
Tuni aa kipan in, Valentine's Ni athu ih ngaihsut sial in, Christ aa ding a nuntakna phal takin apia khia galhang nihte ih phawk ciat ding hi. Ama itna thu a kizel sak ding le na pumpi bup apia khia dingin nang mahmah zong Jesu in hong sam hi. Ama' "Valentine" dingin hong kun hi. "Ka ta aw, na lungtang hong pia in" ci hi.
Lowell Mason ii dawnna bangin nang zong na dawngkik sawm hiam? Lamalte lungngai kik ve:
"Take my heart, O Father take it,
Make and keep it all Thine own;
Let Thy Spirit melt and break it,
This proud heart of sin and stone."
Source: This Is The Day, February 14
